عزیز آزربایجان خانیملاری ایگید تورک قیزلاری
بیلدیییمیز کیمی بشر تاریخی یاراناندان بوتون قورولوشلاردا قادینلار هر زامان جمعيّتین اساس یارادیجی،گوجو اینسان توپلومونون آپاریجی قووه سی (نیروسو) اولموشدور .محض خانیملارین گوجو و فعالیّتی ایله حیات گلیشمیش و ایرلی گئتمیشدیر.
بؤیوک آتاتورک’ون دئدیغی کیمین، “توپلومون یاریسینی قادینلار تشکیل ائدیر دیگر یاریسینی دا قادینلار یئتیشدیریر”.
آریایی-ایرانی دوشونجه سینین عکسینه، تاریخ بویو تورک توپلوموندا قادینین یئری هر زامان اوجا توتولموش و قادینلار یالنیز عائله‌‌ده یوخ، هم ده کیشیلرله چییین-چییینه، آت بئلینده قهرمالیقلار یارادمیش، تورک دؤولتلریننن قورولوش و یؤنه تیمده بؤیوک رول اوینامیشلار.
تاریخ صحیفه‌‌لرینه آدلارینی یازدیرمیش چوخ قیمتلی قادینلاریمیزدان تومریس آنا , مؤمینه خاتون، اینانج خاتون, سارا خاتون,جیران خانیم قجر، زئینب پاشا, زر خانیم آفشار،یوز باشی راضیه شعبانی، اولیا خاتون, بَیگیم خاتون و آدلاری بیزه بللی اولمایان یوزلرجه تورک دولت خانیملاری وار.
قاینلاریمیز سادجه کئچمیشته یوخ هم ده چاغداش دؤورده’ده، تورک میللَتینه بؤیوک تحفه لر بخش ائده بیلمیشدیر.
بونو بیز یاخیین تاریخیمیزده و گونومزده دونیا آرئناسیندا راحتلیقلا گؤره بیلیریک.
بو گون آزاد و موستقیل قوزئی آذربایجانیمیزدا،تورکیه میزده، قادینلاریمیزین اجتماعی-سیاسی حیاتدا قازاندیغی اوغورلارینین باشلیجا نَدَنی(علتی) اونلارین اؤزگور اولمالاری و مستقیل آزاد میللی دولته صاحیب اولمالاریدیر.
اؤزگور اولمایان،کؤله لیغه(بردگی) محکوم ائدیلمیش قادین، نه اوزونه، عائله‌‌یه، نه توپلوما، نه ده دؤولته قازانج و فایدا وره بیلمز.
بونون اوچون بؤیوک توران شاعری حسین جاوید قادینلارینم آزادلیغی حاقیندا بئله دئمیشدی: “قادین،گولرسه،بو ؽسْسؽز(سویوق)محیطیمیز گولَجَک
سوروکلَنَن بشریّت قادینلا یوکسله جک “
۱۹۱۸ جی ایلده (۱۲۹۷شمسی)دوغودا(شرق ) و ایسلام عالمینده ایلک جومهوریییتچیلیک ديَرله رینی قازانمیش قوزئی آذربایجان ائله بو دؤورده باتی(غرب)دؤولتلَریندن ده، ایرلی گئدَرَک قادینلارین حوقوقلارین پارلامئنت(مجلس) سويّه‌سینده چیخارمیش، اونلارا برابر و اؤزگور حوقوقلار وئرمیشدیر.
معصر تاریخده تورک قادینلاری آزادلیق بایراغی گؤیلره یوکسلتیلمیش بوتون انسانی حوقوقلار الده ائتمیشلر.بئله کی دوغویا(شرقه) و تورک دونیاسینا قادین-کیشی برابرلیغینی، قادینلارین سئچیب سئچیلمه حاقینی،ایلک دفعه ۱۹۱۸ جی ایلده آذربایجان خالق جومهوریییتی و لیدئری محمد امین رسولزاده طرفیندن ، آردیندان تورکییه جمهوریتی و لیدری آتاتورک طرفیندن ۱۹۲۳ جی ایلده تورکیه ده، و سونراسیندا ۱۹۴۵ جی ایل میر جعفر پیشه وری رهبرلیغینده گونئی آذربایجان میلّی حؤکومتی ایله گتیرلمیشدیر.
۱۹۴۵ جی ایل گونئی آذربایجاندا یارادیلان آذربایجان میلّی حؤکومتینین ۱ ایل عرضینده اینانیلماز ایلرلمه سینین( اینکیشاف و پیشرفت)اساس سببلَریندن بیری،آذربایجان قادینلارینین تئکرار اؤز لاییقلی یئرلَرینه دؤنمه لری و ایران آدلانان اراضیده، ایلک دفعه آذربایجان تورک قادینی سئچیب سئچیلمه حاقینین قازانماسیندادیر.
آنجاق ،گونوموز دونیادا بوتون ایشلرده, قادینلارین اؤنه چیکدیغی و آپاریجی گوج اولدوغو حالدا، ایران آدلانان اؤلکده قادینلار بوتون اینسانی حوقوقلاریندان محروم ائدیلیب، آریایی کولتورنده و ایران توپلوموندا،آزربایجان قادینی تورک اولدوغو اوچون داها آرتیق تحقیر ، شدّت و آیری-سئچکیلیغه معروض قویولوب .
گونومزده گونییده میلیونلارلا آذربایجان قیزی تحصیلدن کنار قالمیش،سوسیال حیات اوزل
رینهه قاپادیلمیش، بیر چوخلاری اوشاق ائولیلیکلرینه قوربان اولموش، توپلومدا نئجه گئینیمه لری و نئجه داورانمالاری(رفتارلاری)، نجه دوشونمه لری،و بیر چوخ غیر اینسانی زوراکالیق اونلارا تحمیل اولونوب.
عزیز گونئی آذربایجان خانیملاری، ایرانلؽلارؽن کولتوو و فرهنگلریینین ، باخؽش و دؤولتچیلیک آنلایشلارؽنؽن عکسینه ،بیز قادینلار قول! کؤله دئییلییک!!
بیز آزربایجان قادینی اولاراق تاریخ بویو، آزادلیق اوغروندا موجادیله وئرن بیر میللَتین قهرامان قادینلاری، قهرامان آنالاری، ایگید حیات یولداشلاری و قهرامان باجیلارییق.
بیز تورک قادینیلاری اولاراق دوغودا( شرقده) ایلک دِموکراتیک جومهوریییتچیلیک دوشونجه سینین بایراقدارییق.اورتادوغودا، آسییادا و حتی آوروپادا قادینلارینین کؤله اولدوغو بیر زامان، بیز آذربایجان میلّی حؤکومتی ایله دونیا قادینلارینا آزادلیق اؤرنیی (الگو)اولموشوق .
بیز ایران ایشغال سیستمینیی محو ائدیپ و اسارتدن قورتولماق اوچون میللَتیمیزه ستّار خان، باقیرخان شیخ محمّد خیابانی، میر جعفرپیشه وری، کیمی لیدئرلر بخش ائتمیش قادینلارییق.
،بیز وطنین و میلتین آزادلیغی اوچون, قادین دوشمانی اولان فارس مولا رئژیمینین قانلی الْلَریندن قورخماییب و ایران دار آغاجلارینا گؤزو دیک باخان،میللتینین آزادلیقی یولوندا شهادته گئدن مینلرله قهرمان تورک ایگیدینین یئتیشدیریجیسی اولموشوق .
آرتیق گونئی آذربایجان قادینین ایران آدلانان اؤلکه’نین اسارتیندن قورتولماق یئنیدن مئیدانلارا قاییتما واختی گلیب چاتمیشیدر .
عزیز خانیملار! ایگید قیزلار!
بیز قادینلارین اؤزگورلوغو و گئلیشیمی, یانلیز میللتیمیزین باغیمسیزیلیقیندان آسیلیدیر.
بونون یولو ایسه قادینلی-کیشیلی ،گنچلیلی-یاشیلی چییین چییینه وئریب قوراجاغیمیز میلّی ، دِموکراتیک عادیل و باغیمسیز جومهورییتیمیزین قورولوشوندان کئچیر.
امین اولاق کی، آذربایجانین بوتون اجتماعی( سوسیال)، سیاسی و فرهنگی( کولتورل) (پروبلئملری ) مُوشکلری بیز قادینلارین،آزربایجاننین میلّی قورتولوش داواسینا قاتیلیمی ایله حل اولاجاق.
بیز آذربایجان جومهورییت پارتییاسی اولاراق گونئیده آذربایجان قادینلارینی بو ایداللارا صاحب اولماق اوچون، اؤز سیرالاریمیزا دعوت ائدیر و بیزیمله بیرلیکده مقدس میلّی موجادیله میزه صاحب چیخماغا چاغیریریق.
بیز آذربایجان خانیملارینی چاغداش دونیانین بیر پارچاسی ائتمیه، بوتون ساحه‌‌لرده ان اوستون سويّه‌ده حوقوقلارلا تعمین ائتمیه قرارلییق و بو یولا آند ایچمیشیک.
“ قادین حوقوقسوزاولوبسا، بو دمکدیر کی میللتین یاریسی محو اولوب دیگر یاریسی محو اولماغا محکومدور”.
بیز خانیملار میدانلاردا و آزربایجان میللی آزادلیق حرکاتیمیزین مرکزینده اولورساق، گونئی آذربایجاندا ساغلام تمللر اوزَرینده، میلّی و گوجلو دؤولت قوراجاغیمیزادا اینانیریق .
بو قوتسال یولدا ایگید تورک قادینلارینی میلّی موجادیله میزین صفلَرینده یئر آلاماغا، دوشمنیمیزه قارشی بیر یومروق اولماغا، کیشیلی قادینلی چیین-چیینه دورماغا چاغیریریق.
یاشاسین آزربایجان
یاشاسین آزربایجان ایگید قادینلاری
یاشاسین تورک میللتی
آ.ج.پ سوسیال و ایجتماعی پولیتیکالار قورولو