دونیانین سایقین دولتلرینه و اوجا میللَتیمیزه!
آرتیق هر کسه معلومدور کی، دونیا یؤنَتیمی ديَیشمیه باشلامیش و سون بیر نئچه ایلده یئنی سیاسی دوزَن فورمالاشماقدادیر. فورمالاشماقدا اولان بو یئنی دونیا دوزنی اوغروندا موباریزه یاشادیغیمیز جغرافیادان دا یان کئچمه’مکدَدیر.
بیلدیغیمیز کیمی یئرلَشدیغیمیز جغرافی مؤوقعنین توتومو و-ژئو سیاسی اهمیتی،یعنی شرقله غربین کَسیشمه’سینده یئرلشمسی، و زنگین قایناقلارا صاحب اولماسی تاریخاً یاخین و اوزاق یابانچی قوووه لَرین دقتینی وطنیمیز آذربایجانا دوغرو چکمیشدیر. بو قووَوه لر ایسه، هئچ زامان بیزیم میلّی ماراقلاریمیزلا حِسابلاشماییب. هر زامان اؤز منفعتلری و ایستیلاچی ماراقلاریندان چیخیش ائدیبلر .
بو وضعيّتین یارانماسیندا باشلیجا سبب بیزیم واحید میللت کیمی میلّی گوج اولاراق اؤز میلّی ماراقلاریمیزدان چیخیش ائده بیلمَمَییمیز، ائلجه’ده بو ایستیقامتده آچیق هدفلر فورمالاشدیرا بیلمه دیغیمیزدن بؤلگسل حرکتلیلیکده ضعیف دورومدا اولماغیمیز میلّی کادر و سرنوشتیمیز، باشقالاری طرفیندن معيّن ائدیلمه سینه یول آچمیشدیر.
عینی زاماندا، بیز میللت اولاراق بو طالعی آذربایجانیمیزین ایکی یئره بؤلونمَسینده و یاد اِئللی ایستیلاچی دؤولتلرین الینده یوز ایللرله اسارتده قالماسیندا’دا گؤرموشوک. بونون دا آجی نتیجه’لَرینی و ذلتینی میللت اولاراق یوز ایللردیر یاشاماقدا داوام ائدیریک. بیز آ.ج.پ اولاراق دوشونوروک کی، آرتیق کئچمیش درسلردن نتیجه چیخارمالی، بابالاریمیزین تاریخاً یول وئردیغی یانلیشیقلیقلاری بیر داها تکرارلامامالییق .
بیز آذربایجانلیلار دونیا یئنی دوزَنینه کِئچید دؤنَمینده، داها اویغون شکیلده میللَتیمیزی آیاغا قالدیرمالیییق. بونون ایلک یولو میلّی اویانیش و میلّی بوتؤولوکدن کئچیر.
ایران دؤولتی و اونون باشیندا اولان فارسچی،رئژیملر میللَتیمیزی یوز ایللَردیر اؤز منفعتلری اوغروندا هر جور،ساواشدا ،بلادا اینقیلابدا قوربان وئرمکده دیر همیشه ساواشلار دؤورو و چتین زامانلاریندا آذربایجان تورکلری، ایران ایشغال دؤولت منصوبلارینین، ایرانچی ذهنیّت صاحبلَرینین یادلارینا دوشمکدَدیر.
بوگونده اورتالیق قاریشدیقجا آذربایجانلیلاری قوربان وئرمک اوچون ایران شونیزم رئژیمی بوتون سیاسی واریانتلارینی ایشه سالاجاق خالقیمیزی شیرین میلّی وعدلری ایله آلداتماغا چالیشاجاقدیر.
ایران رئژیمی ایستَنیلن بیر ساواشی آذربایجان تورپاقلارینا دوغرو چکمیه و میللَتیمیزی-ایران عراق ساواشیندا اولدوغو کیمی، بو ساواشلاردا یینه قوربان وئرمغی جهد ائدجیی دانیلماز بیر حقیقتدیر. سون ۱۰۰ ایلده بو کیمی تهلکه‌‌لری وخطرلری بو بؤلگه دن سووشدوران بیز آذربایجان تورکلری اولساقدا، لاکین بیر میللت اولاراق اؤز آنا تورپاقلاریمیزدا، میلّی حاقلاریمیزی برپا ائتمک ایستَدیغیمیزه هئچ واخت ایمکان وئریلمَییب.
دایما بو ساحه‌‌ده باسقی آلتیندا اَزیلمیه محکوم اولموشوق. حتی چوخ زامان میلّی حاقلاریمیزی طلب ائتدیغیمیزه گؤره دوشمن اعلان اولونموشوق ایران آدلانان جغرافیادا آذربایجانلیلار، دؤیوشن ،چالیشان ،یارادان اورَتن و بئجَرن بیر میللت اولماسینا باخمایاراق، همیشه آلداتیلان و اودوزان بیر میللته دؤنوشموشدور. بو سببدن بؤلگده ایران رئژیمی ایران دؤولتچیلغیی و ایران کیملیکیی اوزَرینه بؤیوک گوجلرین حمله‌سی و باسقیسی آرتدیقجا بیز ده میللت اولاراق اؤز یئریمیزی بلیرلملی و.بیلمه لیییک
بو مقصدله بَیان ائدیریک کی:
۱- میللتیمیز ایستر اسرائیل – ایران ایسترسه’ده ایران تئررورچو رئژیمینه یؤنلمیش دیگر ساواشلارا هئچ بیر حالدا ایران تئررورچو رئژیمی ایله بیرلیکده.قاتیلمایاجاق .گونئی آذربایجان ایران دئییل. بؤلگیه گلن ساواشین گونئی آذربایجانین سینیرلارینین خاریجینده دورماسی اوچون دونیانین بوتون سیویل دؤولتلری ایله اورتاق مؤوقئدن چیخیش ائده جکدیر .
۲. گونئی آزبایجان میلّی،حرکاتی میللتلرین“ اؤز طالعیینی معيّن ائتمک ” ایلکه’سی و “ اینسانلارا،حورّویت میللتلره ایستیقلال ” دییر و شعاری ایله جغرافیامیز’دا یئنی دونیا دوزه نینده قاتیلیمچی اولاجاقدیر . ایران آدلانان اؤلکده هر هانسی بیر ساواش، باش وئرجک حالدا،آ.ج.پ آذربایجان میلّی حرکاتی ایله بیرلیکده گونئی آذربایجان میلّی دؤولتینین و جومهورییتینین قورولوشو و آذربایجان تاریخی سرحدلَرینین (مرزلرینین)چیزیلماسی و قورونماسی اوچون سرعتله حرکته کئچجک.
بئله بیر حالدا میلّی ایراده میزه ، اؤنم وئرن هر بیر طرفله میللی منفتلریمیز چرچیوه سینده آنلاشمایا قاتیلاجاقدیر بو ایستَیین دیشیندا کیمسیه هئچ واخت گذشته گئتمیَجَکدیر .
.۳ ایرانین تئررور حمایه‌‌دارلیغی یاییمچیلیق(شووینیزم) و ایشغالچیلیق سیاستلری نتیجه سینده، بؤلگسل ساواش دورومو یارانارسا، گونئی’ده آذربایجانلیلار، ۵۰ میلیونلوق آذربایجانلینین تک اومید یئری و دؤولتی اولان آذربایجان جمهوریتینین دؤولت قرارلاری ایله حرکت ائتمک بارده آچیق فیکیرله چیخیش ائده جَکدیر .
۴. آ.ج.پ دوشونور کی، یوز ایلدیر میللَتیمیزین قانینی تؤکرک اینسانلاریمیزی دار آغاجلاریندان اؤلومه محکوم ائدن و میللَتیمیز هر بیر فورصتده ان اینسانی و ایللکین حاقلاریندان و ریفاهلی یاشامدان مرحوم قویان ایران ایشغالچیلیق رئژیمینه قارشی اولان و میلّی منافعییمیزه سایغی گؤستَرن ایستنیلن بؤلگسل گوجلرله اورتاق منفعتلردن چیخیش ائدیلملیدیر .
۵. بیز آذربایجان میللتی و بوتون اینسانلیق اوچون بؤلگه میزده و جغرافیامیزدا تئررورا خیدمت ائدن گوجلره، اتمی سلاحلارا و آتم بومبالارینا قارشی اولاجاغیق. ایشغالا و ساواشلارا سون قویاجاق یئنی بیر باریش یؤنوملو، عدالتلی بیر میلّی دؤولتین یاپیلماسی اساس هدفیمیز اولاجاقدیر .
۶. یئنی دونیا دوزنی قطاری بؤلگه میزدن کئچدیغی سورجده قیرخ میللیونلوق گونئی آذربایجان توپلومو اوندان کناردا قالمامالی و بو ترئنین اَن سایقین ساکینلری اولمالیدیر. چونکی بؤلگده،صولح ،باریش عدالت و برابرلیک یانلیز آذربایجان میللتینین آزادلیغی و ایستیقلالیت و بوتؤولوغو ایله مؤوجود اولاجاقدیر .
۷. بیز آ.ج.پ اولاراق گونئی آذربایجان میلّی حرکاتی آدینا بَیان ائدیریک کی بؤلگه’نی کیچیک ائتنیک دؤولتلره پارچالاماق، یئرلی اولمایان خالقلارا وعده‌لر وئرمک هئچ بیر حالدا بؤلگه نین ایستیقرارینا فایدا گتیرمیَجَکدیر یالنیز گونئی آذربایجاندا تبریز مرکزلی قیرخ میلیونلوق آذربایجان جومهورییتی قورولوشونو برپا ائتمکله جغرافیامیز دِموکراتیک ديَرلره صاحبلنمیه و ایستیقرارینا قوووشماق شانسینی قازاناجاقدیر.بو هم ده بؤلگده داها ساغلیقلی، داها یوکسک امنيّتلی و اکونومیلی گلجغه بیر زمین یاراداجاقدیر .
هر کس بونو بیلملیدیر کی بو جغرافیا و بو جغرافیانین قلبی اولان آزربایجان، واحید بیر بدندن عبارتدیر. بو چالیشمالار ایسه بو بدنین بوتون بیر جانلی و اورگانیزما کیمی واحید شکیلده یاشاماسینا خیدمت گؤستره جَکدیر . بو بدن بوتون اولورسا ، اورتادوغو و جنوبی قافقاز گرچک معنادا صولح ، عدالت و باریش اوزو گؤره جکدیر .
گونئی آذربایجان جومهورییت پارتیسی (آ.ج.پ)
آنالاتیک تحلیل و آراشدیرما مرکزی.تبریز شهری
آغلار گولر آیینین-۲۵ی(فروردین ) ۱۴۰۳جو گونش ایلی