جناب دوْنالد. ترۇمپ
آمئریکا بیرلشمیش شتاتلارؽنین پرئزیدئنتی
درین حؤرمتله،
بیز گۆنئی آذربایجان خالقؽنین سسی آدؽندان، خۆصوصیله بۇ میلتین گنج نسلینی تمثیل ائدهرک، اۆمید دوْلو غلبه’لرله بۇ مکتۇبو ذاتی-عالینیزه تقدیم ائدیریک. مقصدیمیز، بیر عصردن آرتؽقدیر کی، فارس-مرکزلی و دیکتاتوْر رئژیملرین — اول پهلوی موْنارخییاسی، داها سوْنرا ایسه ایران ایسلام رژیمی دؤورونده — اساس حۆقوقلاریندان سیستئملی شکیلده محرۇم ائدیلمیش بیر میلتین مشروع طلبلرینه و دینج مۆباریزسینه دقتینیزی جلب ائتمکدیر.
معلۇم اوْلدوغو کیمی، گۆنئی آذربایجاندا و اؤز تاریخی آتا-بابا توْرپاقلاریندا یاشایان تخمینا ۳۰ میلیوْن آذربایجانلؽ زنگین تاریخی، دیلی و معدنی کیملییه مالیکدیر. سوْن یۆز ایلدن آرتؽق مۆدتده آذربایجان خالقؽ، اؤز سیاسی و میللی ایرادهسینه ضید اوْلاراق، ایرانؽن سیاسی جوْغرافییاسی داخیلینده کیملییین اینکارؽ، آنا دیلینده تحصیلین قاداغان ائدیلمهسی، سترۇکتور آیرؽ-سئچکیلیگی، سیاسی باسقیلار و طبیعی ثروتلرین عدالتسیز ایستیعمارؽ ایله اۆزلشمیشدیر.
ایراندا مؤوجود اوْلان ادارهئتمه و دؤلت سترۇکتورو ائله فوْرمالاشدیریلیب کی، حتی رئژیم و یا سیاسی حاکیمییت ترکیبی دَییشسه بئله، بۇ عدالتسیزلیکلر داوام ائدهجکدیر. بۇ وضعیت بین الخلق حۆقوقون اساس پرینسیپلرینین، اینسان حۆقوقلاری اۆزره دؤلت عؤهدهلیکلرینین و خالقلارؽن اؤز مۆقددراتینی تعیین ائتمه حۆقوقونون آچؽق شکیلده پوْزولماسیدیر.
گونئی آذربایجانؽن یئنی نسلی، آزاد خالقلارؽن — اوْ جۆملهدن آمئریکا خالقؽنین — مۆستقیللیک، آزادلؽق و حۆقوقون عالیلییی اۇغروندا آپاردؽغی تاریخی مۆباریزلردن ایلهام آلاراق، دینج یوْللارلا اؤز مۆقددراتینی تعیین ائتمک و گۆنئی آذربایجاندا مۆعاصیر، دئموْکراتیک بیر جۆمهورییت قۇرماق طلبینی ایرهلی سۆرور. بۇ جۆمهورییت حۆقوقون عالیلییی، سیاسی پلۆرالیزم و اینسان حۆقوقلارینا تام حؤرمت پرینسیپلری اۆزرینده قۇرولمالیدیر.
بیز، گۆنئی آذربایجان جۆمهورییتچیلری، تاریخی تجرۆبهلره اساسلاناراق قطعی شکیلده اینانؽریق کی، عدالتلی بیر نیظاما، منطقهای ثابیتلییه و اینسان لَیاقتینین قوْرونماسینا آپاران یئگانه یوْل، ظۆلم آلتؽندا اوْلان خالقلارؽن حۆقوقلارینی تامین ائدن یوْلدور.
بو مسئله، ایران آدلانان جوْغرافییادا اهالینین یارؽدان چوْخونو تشکیل ائدن و اۇزون ایللردیر آزادلؽق اۇغروندا مۆباریزه آپاران غیر-فارس خالقلار اۆچون حیاتی اهمییت داشؽییر.
آذربایجان خالقؽ یاخشؽ آنلایؽر کی، ایران مۆخالیفی داخیلینده اؤزونو دئموْکراتیک کیمی تقدیم ائدن بعضی جرَیانلار، دؤلت سترۇکتورونون رئال و اساسلؽ ایصلاحاتؽ اۆچون نه آیدؽن پروْقراملارا، نهده یئترلی پوْتئنسیالا مالیکدیر. بۇ جرَیانلار پراکتیکادا غیر-دئموْکراتیک سترۇکتورلارین یئنیدن ایستئحصالؽنا، بولگسل غیر-ثابیتلییه، زوْراکیلیغا، تئرروْرا و داخیلی قارشؽدورمالارا زمین یارادا بیلرلر.
بین الخلق اجتماعییتین ظۆلم آلتؽندا اوْلان خالقلارؽن لئگیتیم طلبلرینه عاغیللؽ و مسئۇلییتلی یاناشماسؽ، همچینین فارس-مرکزلی و اینحیصارچؽ موْدئللرین تکرار ایستئحصالؽندان چکینمهسی، رئگیوْندا ثابیت، عدالتلی و دینج بیر گلجهیین فوْرمالاشماسیندا حلئدیجی روْل اوْیناییر.
بیز اینانؽریق کی، ذاتی-عالینیز کیمی اۇزاقگورن و تأثیرلی لیدئرلر بۇ رئاللؽقلاری دۆزگون دَیرلندیرهرک آزادلؽق، عدالت و برابرلیک پرینسیپلرینه اساسلانان بیر یاناشما ایله رئگیوْنون گلهجک طالعیینه قالؽجی تأثیر گؤستره بیلرلر.
آذربایجان خالقؽ، آمئریکا خالقؽنین دوْستو و رئگیوْنال صۆلح و ثابیتلییین تشویقینده طرفداش اوْلاراق، اوْنیللیکلر بوْیو آپاردؽغی دینج مۆباریزنین — دیگر ظۆلم آلتؽندا اوْلان خالقلارلا بیرلیکده — آزادلؽق، اینسان لَیاقتی و داواملؽ صۆلح یوْلوندا بین الخلق اجتماعییت طرفیندن جیدّی شکیلده نظردن کئچیریلمهسینی گؤزلَییر.
اومید ائدیریک کی، گۆنئی آذربایجان خالقؽنین سسی ذاتی-عالینیز و بین الخلق اجتماعییت طرفیندن ائشیدیلهجک و بۇ میلتین اساس حۆقوقلارینین مۆدافیعهسی دئموْکراتیک اؤلکهلرین خاریجی سیاست گۆندمینده لایقلی یئر تۇتاجاقدیر.
حورمتله،
گونئی آذربایجان جمهورییت پارتیاسؽ