بو گون شنبه ۲۲ مارت بایرام آینین ۲جی گونو اورمو شهرینده میلیونلارلا سویداشیمیز آذربایجان تورپاقلارینین بوتؤولویونو و تورک کیملیینی مودافیعه ائتمک اوچون کوچه لره آخاراق گونئی آذربایجان تورکلرینین میلّی روحونو میلّی شعورونو و سارسیلماز ایراده سینی بیر داها دونیایا نومایش ائتدیردیلر.
ایران رئژیمی اوزون ایللردیر اورمو شهرینده کورد پروووکاسیالارینا (کئشقئرتمالارینا) شرایط یاراتماقلا یاناشی کؤچورولن کورد قروپلارینین آذربایجانین اراضی بوتؤولویونه قارشی حیاتا کئچیردییی تئررور آکتلارینا (ایلملرینه) و پسیخولوژی (روانی) موحاریبه‌‌یه (ساواشا) گؤز یومموشدور، آنجاق آرتیق میللتیمیزین صبر کاساسی دولموشدور.
بو گون اورمو خالقی (میللتی) آیاغا قالخاراق آچیق شکیلده گؤستردی کی گونئی آذربایجان تورپاقلاریندان هئچ بیر کسه پای وئریلمیجک. هر کس بیلملیدیر کی بو تورپاقلارین اصیل صاحیبلری وار اودا آذربایجان تورکلری و اونلار اؤز-آتا بابا تورپاقلارینی میلّی حاق و حوقوقلارینی قوروماغا تام قرارلیدیرلار.
بو گون اورمودا سسلنن شوعارلار و اورتایا قویولان ایراده یالنیز کورد تئررور قروپلارینا دئییل همچینین کوردلری آذربایجان تورپاقلارینا یئرلشدیره رک بؤلگده سونی (قوندارما) ائتنیک گرگینلیک یارادانلارا تورک تورپاقلاریندا” قوندارما کوردوستان” لایحه‌سینی حیاتا کئچیرمیه چالیشانلارا و ائله جه بو تئرورو دستکلین بوتون آنتی تورک قووه لره کسکین بیر جاواب و سرت بیر سیلّه اولموشدور.
آذربایجان تورکلرینین بو شانلی دیره نیشی و میلّی ایراده سی بوتون دونیایا ، گونئیده آذربایجان تورکلرینین میلّی حاقلاری اوغروندا آپاردیغی حاق موباره سینی و آزادلیق ایدئالینی نومایش ائتدیردی.
گونئی آذربایجان جومهورییت پارتیاسی اولاراق اورمو شهرینده آتا بابا تورپاقلاریمیزی مودافیعه ائدن بوتون سویداشلاریمیزا درین تشکّوروموزو بیلدیریر قهرمان اورمو خالقینا (میللتینه) عشق اولسون دئییریک .
میللتیمیزین بیرلیغی و گوجو سایه سینده بیز گونئی آذربایجانین هر قاریش تورپاغینی قورویاجاق و میلّی ایستیقلال موباریزه میزی عزمله داوام ائتدیره جییک .
یاشاسین وطنیمیز! ذربایجان
یاشاسین تورک میللتیمیز
گونئی آذربایجان جومهورییت پارتیاسی