گونئی آذربایجان جومهورییت پارتیسینین بیرلشمیش میللتلر تشکیلاتیندا چیخیشینین ترجمه سی
حؤرمتلی ایشتیراکچیلار, خانیملار و بَئی لر
میللتیمیز اؤز ریفاهی یولوندا داها یاخشی بیر حیاتا نایل اولماقدان اؤترو،حوقوق ،لیاقت, تهلوکه‌‌سیزلیک و سوسیال قاتیلیما صاحبلنمک اوچون موطلق شکیلده بیر برابرلیک لازیمدیر ،ائیرقیندن ،یاشیندان ،جینسیندن، فیزیکی محدودییه تیندن، دینی و مدنی عقیده‌‌سیندن، آسیلی اولمایاراق هئچ کیم بو ایستکلردن کناردا قالمامالی و یا.کنارلاشدیریلمامالیدیر، بوتون،مانعلرین -آیری،سئچکیلیین دؤزومسوزلوغون آرادان قالدیریلماسیندا اومید وئریجی اولماق، ديَرلی و حؤرمتلی بیر میللت کیمی یاشاماق هر بیریمیز اوچون چوخ.واجیبدیر.
تاسوف لر اولسون،کی ۳۵ میلیوندان آشقین گونئی آذربایجان میللتی دیگر غئیری-فارس میللتلرله بیرلیکده چئوره و،مدنی سوسیال و سیاسی حیاتین موختلیف ساحه‌‌لری اوزره ان جددی-آیری سئچکیلیک و پوزونتولارلا اوزلشمکده دیر.
بئله،کی گونئی آذربایجانین قدیم یورد یئرلرینین تاریخینی اؤزونده یاشادان اورمیه بؤلگسی و اونون چئوره دوزه نینده اؤنملی رول آلان اورمییا گؤلو آرتیق بیر نئچه واختدیرکی، گلوبال میقیاسدا ایران رئژیمینین چئوره سویقیریمی ایله اوز-اوزه دیر.
اورمیه گؤلونه آخان بوتون سو قایناقلارینین اؤنونده ایران رئژیمی طرفیندن حددن آرتیق شکیلده صونی بندلرین تیکیلمسی ایله بورادا دوشونولموش شکیلده بؤیوک بیر چئوره فلاکتی و قوراقلیغا یول آچیلمیشدیر.
اصلینده اورمیه گؤلونه آخان طبیعی چایلاری و سولارینین اؤنونده بو کیمی سونی بندلرین تیکینتیسی گونئی آذربایجانا قارشی ایران دؤولتینین آچیق بیر دوشمنچیلییغی ایله حیاتا کئچیریلن حیله لاییحه‌سیدیر.
بو دوشمن حیله‌‌سی ایله اورمو کیمی تاریخی بیر گؤل قصداً قورودولور و بؤلگه نین تورپاقلارینین-باشدان باشا صحرالاشماسینا یول آچیلیر.
بو ایسه جنوبی آذربایجانلیلارین اؤز تاریخی یوردلاریندان کوتلوی شکیلده ترک ائدیلمه سینه و یا اورمیه بؤلگه سی اینسانلارینین کؤچورولمه سینه سبب اولور.
بو سببدن ده ایران رئژیمی طرفیندن اورمییا گؤلونون جانلاندیرماسی اوچون دؤولت اولاراق هئچ بیر تدبیرگؤرولمور
لاکین دؤولت خزینه سیندن که بوتون-غئیری فارس میللتلر اوچون ده نظرده توتولدوغو حالدا، رئژیم-غئیری فارس میللتلره خزینه دن بو یاردیملاری ائتمیر.
آمّا بونون قارشیلیغیندا عرب کؤرفزیندن(خلیح عربی دن) کیلومِترلر اوزاغا سو چکمکله فارس بؤلگه له رینده سونی گؤللر تیکمک اوچون خزینه دن میلیاردلارلا دوللار وسایط.آییریر .
خالقیمیزین زحمتی و دستکی ایله دولدورولان دؤولت خزینسی سانکی اونون اوزونه قاپادیلمیشدیر.
بو حال ایسه خالقیمیزا قارشی آچیق شکیلده آیریمچیلیق و دوشمنچیلییین.نومایشیدیر.
۳۵ میلیونو آشقین گونئی آذربایجان تورکونون ایکینجی ان بؤیوک بیر پروبلئمی آنا دیلیندن مرحوم ائدیلمسیدیر. بئله کی فارسلارین اؤز آنا دیللرینده تحصیل آلماسینا باخمایاراق-قئیری فارس میللتلر او جومله‌‌دن گونئی آذربایجانلیلار آنا دیلینده تحصیل آلماقدا جددی شکیلده شدّت و قاداغالارلا اوزله شیرلر.
خالقیمیز اوچون داها بیر سورون گونئی آذربایجانین معدنی ثروتله رینین تالان ائدیلمسیدیر.
گونئی آذربایجانین بو ثروتلری تالان اولوناراق فارس بؤلگه لرینین اینکیشافی اوچون یاتیریملارا.یؤنه دیلیر ایران رئژیمینین تشکیل ائتدییی بو-آیری سئچکیلیک گونئی آذربایجان بؤلگه له رینده آشیری ،ایشسیزلییین ، اوغورلوق و یولسوزلوغون و جینایتین آرتماسی ایله نتیجه لنمکده دیر.
عینی،زاماندا پرده آرخاسیندا اولماقلا،عراق ،سورییا، یمن و فلسطینده یؤنتیلمیش موحاریبه‌‌لری آلوولاندیران ایران رئژیمی هم ده اؤلکه خاریجینده،ایران-شیعه یاییمجیلیق سیاستینی یایماقلا اؤز وارلیغینی اوزاتماق مقصدی گودمکده دیر.
گونئی آذربایجانلیلار اولاراق بیزیم اساس حوقوقی تارتیشمامیز .
بیرلشمیش میللتلر تشکیلاتی یئتگیلیلرینی ایرانداکی گونئی آذربایجان اهالیسی ایله باغلی دقیق نوفوذ سایسینی طلب ائتمیه چاغیرماقدیر .
بئین الخالق عالمده آراز چایینین او تاییندا آیری بیر میللت کیمی تانینیب اولوسلاراراسی میلّی سیاسی حقوقلارا صاحب اولان قوزئی آذربایجانین واختی ایله گونئی آذربایجانلا تاریخاً بیر و بوتؤو اولدوغونو دونیا دؤولتلری بیلملیدیر.
بو سببدن قوزئی آذربایجانلیلارکیمی ، گونئی آذربایجانلیلارین دا عینی میللتدن اولدوقلارینی، لاکین دونیادا نادیر حال ساییلاجاق بؤلونموش بیر میللت اولدوغونو دونیا دؤولتلرینین دقتینه بیر داها عرض ائتمک ایسته ییریک.
بئلجه قوزئی آذربایجانداکی کیمی گونئی آذربایجانداکی خالقیمیز دا قوزئیلی سویداشلاریمیز کیمی عینی حوقوقلاردان ایستیفاده ائتملی اولدوغونو هر کسه بیلدیریر.
بو سببدن بیز حِساب ائدیریک کی، اینسان حوقوقلارینین اساسی کیمی اؤز موقدّراتینی تعیین ائتمه حوقوقو میللتیمیزین میلّی ایراده سینین اؤز موقدّراتینی تعیین ائتمه سینه ایمکان وئرن یئگانه بئین الخالق.حوقوقدور . بونون اوچون خالقیمیزین اؤز موقدّراتینی تعیین ائتمه حوقوقونا نایل اولماق ایستیغی هم ده ایران رئژیمی طرفیندن حوقوق مودافعه چیلرینین قانونسوزحبسینه ،اعداملارا ، قادینلارین حوقوقلارینین پوزولماسینا و آچیق شکیلده ایشگنجه لره سون قویاجاقدیر
گونئی آذربایجان جمهوریت پارتیسی /اینسان حاقلاری مرکزی
نویابر ۲۰۲۳۳ /۱۴۰۲ گونش ایلین آذر آییی