گونئی آذربایجان جومهوریییت پارتییاسینین نیظام‌نامه‌سی
۱- عضولوک قایدالاری
۲- عضوله رین حوقوقلاری
۳-عضولرین (وظیفه‌‌لری)گؤرئولئری
۴-عضويّت پرئنسیبلری و میلّی اخلاق
۵-قورولتای
۶-ایچ یؤنه تیم
۱-آ.ج.پ یه عضولویوک قایدالاری:
۱.۱- آ.ج.پ عضولویونه قبول، فردی و کؤنوللولوک پرینسیپی اساسیندا حیاتا کئچیریلیر .
گونئی“ آذربایجان جومهوریییت پارتییاسی” نین مرامنامه و نیظام‌نامه‌سینی قبول ائدرک اونون مقصد و وظیفه‌‌لرینین حیاتا کئچیریلمه سینده فعال ایشتیراک ائتمک ایستیین یاشی ۱۸ چاتمیش هر بیر شخص پارتییا عضوو اولا.بیلر پارتییا ۱۳ الی ۱۸ یاش آرالیغیندا اولان کؤنوللولری اؤزونه فخری عضو ساییر .
فخری عضولر پارتییا طرفیندن سادجه تعلیمات،آلماق تبلیغات و تشویقات آپارماق حوقوقو قازانیرلار . اونلار پارتییا قرارلاریندا سوروملو اولمادیغی کیمی رسمی (عضو)اویئه ساییلمیلار.
۱.۲-گونئی آزربایجان اراضیلرینده عضولوک تمامیله گیزلیدیر و عضولرین کیملیک بیلگیلری یوکسک سوییده قورونور .
۱.۳-گونئی آذربایجان جومهورییت پارتیاسی، بوتون آذربایجانلیلاری ،هارادا یاشاماسیندان آسیلی اولمایاراق، قوتسال وطن موجادیله سینده اؤز یانیندا گؤرمک ایسته ییر .
۱.۴-باشقا سیاسی تشکیلاتلارا عضو اولموش شخص، عینی زاماندا ، گونئی آذربایجان جومهوریییت پارتییاسینین عضوو اولا بیلمز .
۱.۵- گونئی آذربایجان جومهوریییت پارتییاسینا عضو اولماق ایسته ین شخصلر اؤنجه”آ.ج.پ” نین عضولوک فورمون دولدورمالی و بونونلا پارتییا-تفتیش دیسیپلین قورولونا موراجعت ائتملیدیرلر .
۱.۶-آ.ج.پ-یه عضو اولماق ایسته ین شخص تفتیش و دیسیپلیم قورولونون آراشدیرماسی نتیجه سیندن،سونرا یا عضويّت قبول ائدیلیر یا دا همین دیلکجیه رد جاوابی وئریلیر ، پارتییا و قوروللاری شخصین عضويّت دیلکچه سینین قبول و یا رد ائدیلمسی بارده قرارینی 2 آیدان 12 آی آراسینادکی مدتده موعيّنلشدیرمک حوقوقونا صاحبدیر .
۱.۷- تررورچو و ایشغالچی ایران دؤولتی و اونون اورقانلاری ایله آچیق و یا گیزلی امکداشلیق ائتمیش، آذربایجان خالقینین علئیه ینه جینایتلر تؤرتمیش(شخص)لر، آ.ج.پ-یه عضو قبول اولونا بیلمزلر.
۱.۸ – گونئی آذربایجان جومهوریییت پارتییاسینا عضولویه قبول اولونان شخصین فعالیّتی پارتییانین اؤزکله ریندن باشلاییر.
عضولوکده کی شخصین سیاسی ایرلیله ییشی، اونون پارتییا قارشیسینداکی فعالیّتینه و باجاریغینا اساساً یئرلی اؤزکلریندن یوخارییا دوغرو یوکسه لیر.
۱.۹- آ.ج.پ ، بیر میللت و بیر وطن حقیقتی ایله بوتؤو آذربایجان یوردلاری اوغروندا موجادیله ائدن آذربایجانین قوزئییندن اولان( قوزئی)آذربایجانلی سویداشلاریمیز دا قوتاسال وطن موجادیلسی اوچون آذربایجان جومهوریییت پارتییاسینین صفلرینه و سیرالارینا قوشولاراق آذربایجانین گونئیینین اؤزگورلویو و باغیمسیزلیغی، ائلجه ده بوتؤو آذربایجان یوردلارینین بوتؤولویو، اوغروندا فعالیّت گؤستریب موباریزه آپارا بیلرلر.
۱.۱۰- قوزئی آذربایجاندان اولان،سویداشلاریمیز آذربایجانین گونئیینده میلّی جومهوریییت قورولانا قدرآ.ج.پ-نین مرکزی شوراسینین ایچینده(-ج.ی.ق.دا) بللی سایی و دلگه ایمتیازینا صاحبدیر .
دلگه : پارتییانی تمثیل ائتمک ایمتیازینا صاحب،اولان قورولتایلارا قاتیلماق حاقی اولان شخص ،پارتییا آدینا اوی حاقی یعنی سئچیلمک و سئچمک حقوقنا مالک اولان شخص کیمی تانینیر .
۲-آ.ج.پ عضولرینین حوقوقلاری:
۲.۱ -آ.ج.پ نین هر بیر عضوونون( هر بیر اویئنین) ،مؤوقعیندن، مقام و مسؤلیّتیندن آسلی اولمایاراق اؤز فیکیرله رینی، پارتییا توپلانتیلاریندا قوراللاریندا آزاد شکیلده ایفاده ائتمک، یاپیجی تنقید ائتمکده دوغال حاقی واردیر .
۲.۲- آ.ج.پ-نین چاتیشمازلیغلارینی آرادان قالدیرماق و تشکیلاتینین اینکیشافی اوچون تکلیفلر وئرمک و پارتییا پرینسیپلرینه اویغون لاییحه‌لر تقدیم ائتمک و سونماق هرعضوون دوغال حاقیدیر .
۲.۳-آجپ نین عالی اورقانلارینا هر بیر عضوون فردی و یا (کوللئکتیو)توپل شکیلده،موراجعت تنقید و یا شیکایت ائتمک، ائلجه ده شیکایت ائتدیغی(لری) پارتییا اورقانیندان جاواب(یانیت) طلب ائتمک هر بیر عضوون دوغال حاقیدیر .
۲.۴-آ.ج.پ نین داخیلی فعالیّتینه عاید گیزلی بیلگیلرینی و سیررلارینی ائشییه وئرمه مک شرطی ایله عضولویونو دایاندیرماق و یا یازیلی موراجعت ائتمکله ایستیفا وئرمک هر عضوون دوغال حاقیدیر.
۲.۵- آ.ج.پ ده عضولوک حاقلاری، بوتون آذربایجانلیلار اوچون ائشیتدیر، همچینین قوزئیدن اولان عضولره، مرکزی یونتیم اورگانینا داخیل اولماق حاقی و بوتون عضولوک حاقلاری و دلگه ایمتیازلاری قورونور.
۲.۶-آ.ج.پ اؤز عضوله رینین،تمثیلچیلرینین ، کادرلارینین، بوتون عضولوک حاقلارینی دونیانین هر بیر بؤلگه سینده آچیق شکیلده سونونا قدر مودافیعه ائدیر(ساوونور).
اؤز،عضولرینه، فیکیرداش و سلاحداشلارینا ، ائلجه ده، یانداشلارینا اؤز ایمکانلاری داخیلینده صاحب چیخاراق اونلارین امینییتی و سیاسی سورونلارینی چؤزمک ایله موکلّفدیر.
۲.۷- عضولر دلگه ایمتیازینا صاحب اولماق اوچون موراجعت و فعالیتلر طلب ائده بیلرلر .
۳-آ.ج.پ عضولرینین وظیفه گؤرولری:
۳.۱ -آج.پ نین هر بیر عضوو پارتییانین مانیفئستو و اساسنامه سینه صادق اولماقلا،یاناشی پارتییانین داخیلی نیظام‌نامیه تام شکیلده عمل ائتمک ایله مکلفدیر.
۳.۲ -آج.پ نین هر بیر عضوو کئچمیش فعالیّتی و مقامیندان آسیلی،اولمادان بیلگی گلیشیمی و کادرولاشما ایله علاقه‌‌قلی، پارتییانین موختلیف ساحه‌‌لرده تشکیل ائتدییی ائیتیم کورسلاریندان کئچیرملیدیر. (،ایدولوژیک،سیاسی ،سوسیولوژی ،امنيّتی، و.. سایره کیمی ائتیملر)
۳.۳-آج.پ نین هر بیر عضوو نیظامنامه و اساسنامده موعيّنله شدیریلمیش وظیفه‌‌لر اساسیندا فعالیّت گؤسترملیدیر.
۳.۴-آج.پ-نین هر بیر عضوو پارتییانین اوستونلوک وئردییی میللی-سیاسی اخلاق و پارتییا( پرینسیپلری)ایلکه لری چرچیوه سینده فعالیّته اؤنم (اهمیت)وئرملیدیر .
۳.۵ -آج.پ-نین هر بیر عضوو پارتییانین تاپشیریقلارینی لاییقینجه یئرینه یئتیرملیدیر.
۳.۶-آج.پ نین آچیق شکیلده فعالیّت ائدن هر بیر عضوو, پارتییانین ایدئالارینی یایماقلا اؤز پارتییاسینا صاحب،چیخمالی پارتییانین نوفوذونو و امنيّتینی قورومالیدیر.
۳.۷-آج.پ نین هر بیر عضوو مقامیندان آسیلی اولمادان پارتییا قرارلارینی واختیندا و آلدیغی تعلیماتلار،اساسیندا لاییقینجه یئرینه یئتیرملیدیر.
۳.۸-آج.پ-نین هر بیر عضوو پارتییانین باشقا عضولری ایله ایش بیرلییینه، نیظام-اینتیظام و قایدا-قانونلارینا عمل ائتملیدیر .
۳.۹-آ.ج.پ نین هر بیر عضوو پارتییایا عضولوک حاقی اؤدملیدیر.( عضولوک حاقی گونئی آذربایجان داخیلینده یاشایان میلّی فعاللارا شامیل اولمور.)
۴-عضويّت پرئنسیبلری و میلّی اخلاق:
۴.۱-آج.پ میلّی اخلاق پرینسیپله رینه و سیاسی ائتیکلره اینانیب عمل ائدرک آذربایجان و تورک میللتی اوچون اؤرنک بیر پارتییا و تشکیلاتی اولماغی هدفله ییر.
۴.۲-آج.پ نین تشکیلاتی،آنلاییشیندا هر بیر شخص اؤز قوتسال وطن موباریزه سینده اؤز میللتینه و منصوب اولدوغو تشکیلاتا و فیکیرداشلارینا قارشی صداقتلی و دوروست اولمالیدیر.
۴.۳-آج.پ نین هر بیر عضوو” اؤنجه وطنیم و،میللتیم سونرا پارتییام، داها سونرا اؤز شخصی”حاقلاریم دئوزینی اؤزونه پرینسیپ توتمالیدیر.
۴.۴-آج.پ پیرینسیبلرینه،اساساً هر عضو و یانداش شخصی ائگو و منملیک قاورامیندان آیریلمالی و میللتی اوچون موباریزه ائدن فیکیرداشلارییلا بیرلیکده اولماقلا “بیز” (اصطلاحینی) قاورامینی منیمسملی، عمومی اوغور و عمومی داورانیشلاری اؤز شخصی داورانیشلار و فعالییتلریندن اوستون توتمالیدیر .
۴.۵-آج.پ پیرینسیبلرینه اساساً، هر عضو آذربایجان میلّی حرکاتی ایچیندکی بوتون-سیاسی میلّی فعاللارا و تشکیلاتلارا قارشی, سایقی و اِحتیراملا یاناشمالی, اونلارا( اساسیز)قایناقسیز اتهاملاردان و سندسیز قارا یاخمالاردان اوزاق دورولمالیدیر .
۴.۶-آج.پ نین پیرینسیپلرینه اساساً، میللی حرکات ایچینده گوونسیزلیغه یول آچان، ایختیلافالارا و قارشی دورمایا سبب اولان رفتار و عمللردن ایمتناع ائتمک لازیمدیر .
۴.۷-آج.پ پرینسیبلرینه اساساً، میلله تین و میلّی حرکاتین دیریلیشینه خلل گتیرن, بیرلییینی پوزان ائیلملره باش وورماغی و یا بو کیمی موذاکیره لره قوشولماغی قیناییراق بئله اورتاملاردان اوزاق دورور.
۴.۸-آج.پ پرینسیبلرینه اساساً، میلّی و پارتییایا عاید سیررلارینی یایماقلا ایفشا ائتمک، عضوون و یا ایجلاسلارداکی اینسانلارین ایجازه سی اولمادان گیزلی شکیلده سسینی یازماق، سیاسی شانتاژ مقصدی ایله اؤزل سندلر یایماق قاداغاندیر.
آ.ج.پ سیاسی موباریزه سینده بو کیمی غئیری -اخلاقی داورانیشلارا قارشی اؤزونون کسکین مؤوقئعینی اوّلجه دن بیلدیریر.
۴.۹-آج.پ آذربایجان میلّی حرکاتینین چیزگیسی داخیلینده بوتون فرقلیلیکلری میلله تیمیزین میلّی ثروتی اولاراق،گؤرور دئموکراسی پرینسیپله رینه اینانیب عمل ائدیر.
۴.۱۰- پارتییا ایچَریسینده هئچ بیر عضو و یا،مسئول باشقا بیر عضو حاقیندا گرکسیز ماراقلانمالار یول،وئرمک -دئدی قودولار ائتمک، اخلاقسیز داورانیشلار گؤسترمکله، شخصی و اؤزل یاشامینا موداخیله ائتمک و یا یارقیلامایا قالخماق(قضاوت ائتمک) حاقی کسینلیکله یوخدور.
۵-یؤنَتیم و ایچ ایداره چیلیک
۵.۱-قورورلتای
۵.۲-قورولتایین تانیتیمی
۵.۳- قورولتای صلاحیّتلر
۵.۴-قورولتایدا ایشتیراک
۵.۵- اولاغان اوستو قورولتای(پلئنوم)
۵.۱-قورولتای:
۵.۱.۱-آج.پ نین یوکسک و عالی اورگانی قورولتایدیر.
۵.۱.۲ اولاغان وضيّتده(عآدی وضعیت) هر ۴ ایلده بیر دفعه اولماقلا آ.ج.پ- نین یؤنئتیم قورولو،پارتییانین عضولرینی، دلگَه لَرینی و عالی مسئولیت داشییانلاری قورولتایا چاغیریر.
۵.۱.۳ اولاغان وضيّتده قورولتای پارتییانین ۲/۳ عضوله رینین و دلگه لرینین ایشتیراکی ایله رسمیّت تاپار
۵.۲-قورولتایین صلاحیّتلری:
۵.۲.۱-آج.پ نین،نیظام‌نامه‌سینی ،مرامنامه سینی , سیموولو قبول ائتمک, اونلارا علاوه و یا ديَیشیکلیکلر گتیرمک.
۵.۲.۲ یؤنتیم قورولو قورولتای قارشیسیندا حسابات ورمک و قورولتاین آ.ج.پ-ده مسئول اولانلارین و تمثیلچیلرله رین حِساباتلارینی دینلمک.
۵.۲.۳-سیاسی خطلر و پارتییانین سورونلارین دارتیشماقلا قرار قبول ائتمک.
۵.۲.۴-قورولتای یؤنئتیم قورولون عضولرینی تعیین ائتمک، پارتی مسئوللارین تعیین هئتمک حوقوقونا مالیکدیر .
۵.۲.۵- قورولتایدا ایشتیراک ائدن هر بیر دلگه صاحیبی نماینده‌نین قورولتایدا، سئچیب-سئچیلمئک حوقوقنا مالیکدیر .
۵.۲.۶ قورولتایدا قرارلار و سئچیملر, قاتیلیمجیلارین-۲/۳ ایشتیراک ائتدییی و۵۰٪+ ۱ میقداردا سس توپلادیقدا قبول ائدیلمیش حِساب اولونور.
۵.۲.۷-آج.پ نین اؤز فعالیّتینی دایاندیرماسی و یا بوراخیلماسی حاقیندا قرار قبول ائتمک یئتکیسی واردیر.
آ.ج.پ فعالیّتلرینین دایاندیریلماسی ایشتیراکچیلارین ۳/۴سسی ایل قبول اولونور.
۵.۳ قورولتایدا ایشتیراک:
قورولتایدا ایشتیراک ائده بیلجک عضولر و دلگه لر بونلاردیر:
۵.۳.۱ یؤنئتیم قورولونون عضولری( دوغال دلگه صاحبلری )
۵.۳.۲ بؤلگه لر و بؤلمه قوروملارین،کادرولاری ،تمثیلچیلری مسئول نماینده‌لری .
۵.۳.۳ مسئولیت داشیمایان سیراوی (عادی )عضولر
۵.۴- پلئنتوم و اولاغان اوستو وضعیت
۵.۴.۱-فوق العاده حال و اولاغان اوستو،وضعیيتده “ جومهوریییتچیلر یؤن تیم ”قورولو، پلئنوم قورولتایینا چاغیرماق حوقوقونا مالیکدیر.
۵.۴.۲- پارتییادا دلگه له رینین ییغدیغلاری ۲/۳ ایمضاسی،ایله اولاغان اوستو(قورولتایی نوبتدن کنار) قورولتای طلب ائتمک حوقوقنا مالیکدیر.
۵.۴.۳ اولاغان اوستو دورومدا پارتییانین ۲/۳ عضولرینین قاتیلیمی ایله اولاغان اوستو قورولتای رسمیّت تاپیر .
۵.۴.۴-اولاغان اوستو قورولتایدا ایشتراک ائده بیله جک دلگه لر صاحبلری بونلاردان عبارتدیر:
الف)مرکزی قورولون عضولری
ب)قوروللار و قوللارین عالی مسئوللاری
ج)مسئولیت داشیمایان دلگیه صاحبی عضولر
د)دلگه صاحیبی اولمایان عضولر
۶-ایچ یؤنه تیم و ایداره سیستمی
۶.۱-آج.پ نین قوللاری ایکی یئره آیریلیر. بونلار (خاریج)دیش و (داخیل)ایچ اولماقلا آ-ج-پ-نین (تشکیلاتلانماسینا)اؤرگوتلنمه سینه خیدمت گؤستریر.
۶.۲-آ.ج.پ نین خاریجی و داخیلی قوللاری مختلیف سیستم اولسادا اونلار عمومی اولاراق آچیق یا گیزلی شکیلده پارتییانین تشکیلاتلانماسینا خیدمت گؤستریر خاریجی و داخیلی قوللار، عینی ایستیقامتده و عینی سیاسی چیزگیده حرکت ائدیرلَر .
۶.۳-آج.پ نین بوتون قوللاری و قوروللارینین مسئوللاری، گؤتوردویو بوتون سوروملولوق و وظیفه‌‌له رینین حِساباتینی پارتی ج.ی.ق -سینا و قورولتایا تقدیم ائتملیدیر.
۷.آ.ج.پ قوللاری و قوروللاری
۷.۱-جومهوریییتچیلریؤنئتیم قورولو”ج.ی.ق”
۷.۲-دیپلماتیک و اینسان حاقلاری قورولو
۷.۳-تشکیلاتلانما کادرولاشما قوورولو
۷.۴-ماليّه قولو
۷.۵-ایلئتیشیم و مئدیا قولو
۷.۶-تفتیش و دیسیپلیم قورولو
۷.۸-ایستراتئژی و آراشدیرما قولو
۷.۹-سوسیال و اجتماعییت پولیتیکالاری قولو
۷.۱۰-امنيّت و گوونلیک قورولو
۷.۱ جومهورییتچیلر یؤنتیم (اداره)قورولو”ج.ی.ق” :
.۷.۱.۱آ.ج.پ-نین یؤنتیم قورولو، قیساجا “ج.ی.ق” ( جومهوریییتچیلر یؤنتیم قورولو )آدلانیلیر.
“ج.ی.ق” عضولری قورولتای طرفیندن سئچیلمیش سوروملو کادرولاردیر .
۷.۱.۲-امنيّتی سببلریندن دولایی گونئی آذربایجانین داخیلیندن سئچیلن و بعضی خاریجده یاشایان “ج.ی.ق” ( جومهوریییتچیلر یؤنتیم قورولو ) عضولرینین کیملیکلری گیزلی توتولور .
۷.۱.۲-قورولتای دا سئچیلن، “ج.ی.ق” پارتییانین نیظام‌نامه‌سی چرچیوسیده پارتییانی-قورولتایدان قورولتایا.یؤنه تیر
۷.۱.۴-“ج.ی.ق” پارتییانین، سییاستله رینی ستراتئگییاسینی و یول خریطهله رینی،موعيّنله شدیریب قوللاری بللی ستراتئژی اطرافیندا بیرله شدیریب حرکته.کئچیریر
۷.۱.۴- پارتییایا باشچیلیق ائدن، “ج.ی.ق” عضولری طرفیندن سئچیلیر.
۷.۱.۵- “ج.ی.ق”-نین ،قرارلاری “ج.ی.ق” عضوله رینین-۳/۲سی ایشتیراک ئتدییی سسوئرمده%۵۰+ ۱ میقداردا سس(رای) توپلادیقدا قبول ائدیلمیش حِساب اولونور.
۷.۱.۶- “ج.ی.ق” طرفیندن تصدیقلنمیش قرار و تاپشیریقلار قورولون ایجازسی اولمادان موطلق گیزلی توتولور.
۷.۱.۷- “ج.ی.ق” رسمی،آچیقلامالاری ، سیاسی توتوملاری، چاغیریشلاری آ.ج.پ-نین اؤز یاییم اورگانلاریندان، یا دا “ج.ی.ق” رسمی مسئول،شخصلرین (،باشقانی ، ایلتیشیم مسئولو )سوروملوسو و تمثیلچیلری وسیله سی ایله یاییلیر .
۷.۱.۸- “ج.ی.ق” باشچیسینین اساس وظیفه‌‌لری یؤنئتیم قورول قرارلارینی یانسیتماق،پارتییانین هارمونی و بیرلییینی ساغلامادیر.
۷.۲ اؤرگوتلنمه قولو :
۷.۲.۱- آذربایجان جومهوریییت پارتییاسینین اؤرگوتلنمه قولو،سیستملی و یوکسک سويّه‌ده تشکیلاتلانما ایله باغلی فعالیّت گؤسته ریر. عضولوک پروسسئسلرینی یؤنه لدیر و نظارت ائدیر .
۷.۲.۲ -آ.ج.پ نین اؤرگوتلنمه قولو عضولرین کادرولاشمالاری و پارتییانین سیاسی کادرولارین داواملی گونجللیکده قالمالاری،اوچون لایحه لرحاضرلاییر، اؤیره تیم(آموزش) کورسلار یولا سالیر.
۷.۳ بؤلگه قوللاری- گونئی آذربایجان:
۷.۳.۱-آ.ج.پ نین گونئی آذربایجاندا بؤلگه قوروللاری و قوللاری گیزلی شکیلده فعالیّت گؤسته ریر .
۷.۳.۲- جومهوریییتچیلر و بابک فدائیلری: آذربایجان جومهوریییت،پارتییاسی گونئی آذربایجانین هر بیر شهرینده و اوباسیندا آذربایجان گنجله رینی“جومهوریییتچیلر” و“ بابک فدائیلری” آدی آلتندا, مختلیف ساحه‌‌لرده تشکیلاتلاندیراراق سیستملی موباریزه و فعالیّت آپارماغی هدفله ییر.
۷.۴ مئدیا و گنل ایلئتیشیم قولو
۷.۴.۱-آ.ج.پ ایلئتیشیم قولو، پارتییانین گنل ایلئتیشیم و علاقه‌‌له رینی یؤنه تیر .
۷.۴.۲ آ.ج.پ ایلئتیشیم قولو، پارتییانین بوتون مئدیا قوللارینی(،مطبوعات ،تبلیغات، یاییم و سایت)ایشلرینه نظارت ائدیر.
۷.۴.۳ آ.ج.پ ایلیشیم قولو ، پارتی کنفرانسلارینی ،توپلانتیلارینی تشکیلاتلار آراسی موذاکیره لرینی، تشکیل و کوردینه ائدیر.
.۷.۵ دیپلماسی قورول:۲ قولدان فعالیت ائدیر.
الف) بئین الخالق ایلیشکیلر
ب)اینسان حاقلاری و یاشیل چئوره
الف: بئین الخالق ایلیشکیلر:
۷.۵.۱-آ.ج.پ نین دیپلوماتیک قولو، پارتییانین باغیمسیزلیغینی و پرینسیبلرینی قوروماق شرطیله، آذربایجان میللتینین عالی میلّی منفعتلری اوغروندا خاریجی دؤولتلر و بئین الخالق دِموکراتیک قوروملاری ایله قارشیلیقلی ایلیشکیلرقورور
۷.۵.۲ -آ.ج.پ نین دیپلوماتیک قول، دنگه و بالانس سیاستی طرفداری اولاراق بوتون مشروع و دمکراتیک قوروم و دولتلری ایله علاقه یارادیر پارتییانین خاریجی سیاستینی یؤنتیر و لوببیچیلیک ایشلری حیاتا کئچیریر.
۷.۵ ب: آ.ج.پ اینسان حاقلاری و یاشیل چئوره قولو:
۷.۵.۳ اینسان حاقلاری،قولو اولوسلاراسی حوقوقو اساس آلماقلا، بئین الخالق کونوئنسییالارا دایاناراق آذربایجان میللتینین بوتون اینسانی و میلّی حاقلارینی ساوونور.
۷.۵.۴ -آ.ج.پ نین اینسان حاقلاری قولو، بوتون آذربایجان وطنداشلارینین،مذهب ،دین اتنیک،کیملیک ،جینسيّت ، جینسی ترجیحلر و سیاسی باخیشیندان آسیلی اولمایاراق، حوقوقو پوزولموش بوتون وطنداشلارین حاقلارینی مودافیعه ائدیر.
۷.۵.۵-آ.ج.پ نین اینسان حاقلاری و چور قولو آذربایجانین بوتون،دوغاسینی حئیوانلارینی و یئرآلتی یئر اوستو ثروتلرینی مودافیعه ائدئرک قورماغا چالیشیر .
۷.۵.۶-آ.ج.پ نین اینسان حاقلاری قولو، ایران آدلانان اؤلکده ، حاقسیز حبسده اولانلارین حاقلارینی ساوونماقلا برابر، هم ده اؤلکدن قاچقین دوشن سیاسی و میلّی فعاللارین حاقلارینی دونیانین هر بیر کؤشه سینده مودافیه ئدیر بو ایستیقامتده ایمکانلاری داخیلینده حوقوقی یاردیملار گؤسته ریر .
۷.۵.۷ -آ.ج.پ نین اینسان حاقلاری و چوره قولو گونئیده قادینلارین و اوشاقلارین تاپدالانمیش بوتون حاقلارینا جدّی دقت یئتیریر.
۷.۶ آ.ج.پ دیسیپلین و تفتیش قولو:
۷.۶.۱ آ.ج.پ دیسیپلین و تفتیش قولو، عضولرینین و پارتییانین مسئول شخصله رینین فعالیّتینه نظارت.ئدیر
۷.۶.۲ آ.ج.پ نیظامنامه سینی پوزان یا داخیلی-نیظام اینتیظام -قایدالارینا، میلّی اخلاق پرینسیپلرینه ، رعایت ائتمه ین عضو حاقیندا اینتیظام تنبهینین گؤرولمه سینه پارتییانین دیسیپلین و تفتیش قولو باخیر.
۷.۶.۳ پارتییادان ایخراج اولونموش و یا ایستیفا ائتمیش هر بیرعضو ، پارتییانین سیررالارینی، ساخلامالیدیر. عکس تقدیرده تشکیلاتین دیسیپلین و تفتیش قورولو قراری ایله حوقوقی پروسسئس باشلادیلار .
۷.۶.۴-هر بیر مسئول و،نماینده ۳ آیدان،آرتیق عوذرسوز سببه گؤره مسؤلیت داشیدیغی اورگاندا و یا فعالیّتلرینده ایشتیراک ائتمزسه ، او مسئول شخص اولاراق دیسپلیم و تفتیش قورولو قراری ایله اوزلشیر
۷.۶.۵ دیسپلیم و تفتیش قورولو قایدالار پوزان عضولره:
· شیفاهی و یازیلی خبردارلیق
· وظیفه‌‌دن آزاد ائتمک
· عضوون ، عضويّت حاقلارینی بللی سوره سینه دوندورماق
· قطعی اوزاقلاشدیرماق
· حوقوقی ایشلملر باشلاتیلماق کیمی قطعی قرارلاری تطبیق ائدیر.
۷.۷-هزینه و ماليّه قولو
۷.۷.۱-آ.ج.پ- نین هزینه و ماليّه قولو اقتصادی پروژه لر و لاییحه‌لر حاضرلاییب پارتییایا تقدیم ائدیر.
۷.۷.۳- آ.ج.پ-نین ماليّه گلیرقایناغی، اساساً خاریجده یاشایان عضولرین عضويّت حاقی و جومهوریییتچیلرین ایانه یاردیملاری حِسابینا ساغلانیر .
۷.۷.۴- آ.ج.پ هزینه و ماليّه قولو اساس جاواب‌دِه و سوروملو قول کیمی, پارتییانین ماليّه قایناقلارینی گلیرله رینی و چیخارلارینی شفافلیق پرینسیبی اساسیندا یؤنه لدیر . ائلجه،ده مالی ترافیکی یوخلایاراق کونترول ائدیب، دئنتله لیر.
۷.۸ آراشدیرما مرکزی
۷.۸.۱-آ.ج.پ نین استراتئژی و آراشدیرما قولو، پارتییانین سیاسی ،گوونلیک ، سوسیولوژی و اجتماعی فعالیّتی ایله باغلی آراشدیرمالار آپاریر پارتییا اوچون یول خریطه لرینی و سیاسی لاییحه‌له رینی حاضرلایاراق “ج.ی.ق-یا سونور(تقدیم ائدیر).
۷.۹سوسیال و توپلومسال پولیتیکالار قورولو:
۷.۹.۱- آ. ج.پ سوسیال و توپلومسال پولیتیکالا قورولو، آذربایجان تورک میلله تینین سوسیال پروبلئملری اوزه رینده آراشدیرما و تدقیقاتلار آپاریر و بو سورونلاری چؤزملری اوچون سیاست اورتیر(تولید ائدیر).
۷.۹.۲- ایران دؤولتچیلیغیینین آذربایجان خالقینا یارادیغی اجتماعی و توپلومسال پروبلئملر و فساد سیاستلری ایله ، سوسیال و توپلومسال پولیتیکالار قورولو جدّی شکیلده موباریزه آپاریر .
۷.۱۰-امنیت قورولو
۷.۱۰.۱-آ.ج.پ امنیت قولو ، عضولرین امنیتلی شکیلده فعالیت ائتملرینی و ائلجده پارتییانین سایبری گونلیغینی قورور و بو حاقدا تدبیرلر آلیر.
۷.۱۰.۲-آج.پ-نین امنیت قولو , اطلاعاتی و امنیتی ساحده فعالیت ادیر و ج.ی.ق-یا دواملی راپورتلار و لایحه لر تقدیم ائدیر.
گونئی آذربایجان جومهوریییت پارتییاسی- آ.ج.پ 