عزیز آذربایجان تورک میللتی
آذربایجان جومهورییتینین اؤز اراضی بوتؤولویونون برپاسی اوچون و بؤلگده باریشین و عدالتین حاکم اولماسی ایستیقامه تینده یوروتدویو سیاست و باشلاتدیغی عملیّاتلار، آذربایجانین گونئیینده یاشایان آذربایجانلیلار طرفیندن ده دقتله ایزلنیلمکده و دستکلنمکده دیر .
چوخ تاسوف،کی بو خوش‌نيّتلی و اولوسلاراراسی قایدالار ایچه ریسینده اولان چالیشمالارا قارشی سؤزده ایسلام پرده سینه بورونموش ایران شووینیست رئژیمی وار گوجو ایله مانع اولماغا و یئنیدن بؤلگده ثابتلیغیی پوزماغا، جهدلر ائدیر .
ایران رئژیمی بو مقصدله ناخچیوان و زنگزور دهلیزی بویونجا حربی قوووه لر یئرلَشدیریب و ائرمنی تئررورچولارینا قاراباغ اراضیسینده هر یؤنلو دستک گؤسته ریر.
آ.ج.پ اولاراق بو قئید اولونان حادثه‌‌لری یاخیندان ایزلَیَرک، بَیان ائدیریک کی! ایران رئژیمی، آذربایجان سینیرلاری و مرزلری بویونجا آپاریلان باریش و گلیشیم،سیاستینه ائلجه ده، زنگزور دهلیزینین گئرچکلشمه سینین اؤنونون آلینماسینا، هر هانسی بیر موداخیله ائدرسه گونئیده آذربایجان تورک میللتی بو مسئله‌ده سسسیز قالمایاجاقدیر.
گونئی آذربایجان’دا تورک،میللتی ایران رئژیمینین بو منفور سیاستینه قارشی، اورمو ، تبریز ، اردبیل ، زنگان ، مرند ،خوی ،سولدوز ، تهران و سایر شهرلرده گئنیش مودافیعه و هوجوم اوچون سفربرلیک تشکیل ائدَجک و بو ساواشدا جبهه خطیمیز (خط مقدم)تهران اولاجاقدیر .
بونلارلا یاناشی، امینیک کی ایران اوردوسو ایچیندکی تورک میللتیندن اولان روتبلی اوردو منصوبلاری و عسگرلر ده بیزیم بو موراجعتیمیزه بیگانه قالمایاجاقلار .
ایران رئژیمی بیلسین کی! آذربایجان و تورکییه،جومهوریییتلری ایشغال آلتیندا اولان گونئی آذربایجان تورک میللتینین میلّی و معنوی دؤولتلریدیر و بو دؤولتلریمیزین عسگرلری بیزیم عسگرله ریمیز اولدوغو کیمی، بو گون میلّی موجادیله میزه کؤنولدن خیدمت گؤستَرن عالی دؤولت باشقانلاری سایین ایلهام علییئو و سایین رجب طائب اردوغان دا بو قوتسال وطن موباریزه سینده بوتؤو آذربایجان آدینا خالیقمیز طرفیندن قبول ائدیلمیش لیدئرلَریمیزدیر .
ایران ایشغالچی دؤولتی امین اولسون،کی موظفّر باش کوماندانین بیر چاغریشی ایله بو گون میلیونلارلا گونئی آذربایجان گنجی ده بو قوتسال ساواشا قوشولاجاقدیر.
گونئی آذربایجان جومهوریییت پارتییاسی(آ.ج.پ )
