حؤرمتلی موظفّر عالی باش،کوماندان
مؤحترم جناب پرئزیدئنت
سیزی و سیزین تیمثالینیزدا میللتیمیزه غلبه سئوینجی یاشاتمیش مودریک خالقیمیزی، ۸ نویابر ظفر بایرامی و ۹ نویابر میلّی بایراق گونو موناسیبتی ایله گونئی آذربایجان خالقی و اونون میلّی حاقلاری اوغروندا موجادیله آپاران گونئی آذربایجان جومهورییت پارتییاسی آدیندان صمیمی قلبدن تبریک ائدیریک
سون اوچ عصرده ایلک دفعه اولاراق بئله بیر مؤحتشم غلبیه یئتمک محض سیزین موظفّر کوماندانلیغینیز آلتیندا خالقیمیزا نصیب اولموشدور.
۵۰ میلیونلوق بیر خالقی غلبه بایراغی آلتیندا توپلاماق و اونا ظفر سئوینجلری یاشاتماق تاریخده هر سرکردیه میسر اولمامیشدیر ،یالنیز میلّی تاریخیمیزه قیزیل حرفلرله ظفر گونونو حکّ ائتمک ایلک دفعه ۲۱ عصرده سیزه شامیل اولموشدور بونون اوچون قدربیلن قهرمان آذربایجان خالقی دونیانین هاراسیندا یاشاماغیندان آسیلی اولمایاراق بو گون سیزین آدینیزلا ایفتیخار دویور و سیزی اؤز ظفرینین اؤندری بایراقداری سانیر.
،بیز گونئی آذربایجان خالقی اولاراق بو گون زامانین زورونلو شرطلری آلتیندا فیزیکن دؤولتیمیزدن آیری،سالینساقدا معنوی و روحی باخیمدان اؤزوموزو دایما آذربایجان دؤولتینین یانیندا حیسّ ائتمیشیک و بو گونده آذربایجان دؤولتینه معنوی باغلیلیغیمیزی دایما ایفاده ائتمکدییک بو سببدن ده بو گون ایفتیخار حیسّی ایله خالقیمیزین یاشادیغی غلبه سئوینجینه اورتاق اولدوغوموزو بیر داها سیزین و قهرمان خالقیمیزین دقتینه یئتیرمک ایسته ییریک.
قوی غلبه میز ابدی اولسون دؤولتیمیزین گوجو بیر داها سارسیلماسین، ظفرله تملی قویولموش بو میلّی همره لییغمیز اَن قیسا زاماندا بیرلیک و برابرلیییمیزه وسیله اولسون .
میلّی بایراغیمیز ابدی بیرلیک و بوتؤولویوموزون سیمگه سینه دؤنوشسون .
آرتیق ظفر تاریخیمیزین موژده دولو سئوینج حیسّی تک قوزئی آذربایجاندا یوخ ، عینی زاماندا، گونئی آذربایجاندا بؤیوک رغبتله قارشیلانماقدادیر.
بو سببدن ده بیز گونئی آذربایجان جومهوریییت پارتیسی اولاراق گونئیلی سویداشلاریمیز آدیندان بو قورورلو و سئوینجلی گونلر موناسیبتی ایله سیز ذاتی عایله لرینی و اوجا تورک خالقیمیزی بیر داها کؤنولو قلبدن تبریک ائدیر و اومید ائدیریک کی سیزین لیدئرلیغینیز آلتیندا اوچ‌رنگلی دؤولت بایراغیمیز ان قیسا زاماندا بوتؤو آذربایجانین تاریخی تورپاقلاریندا یوکسلجکدیر .
ظفر،بایرامینیز میلّی بایراق گونوموز موبارک اولسون !
،حؤرمتله
گونئی آذربایجان جومهورییت پارتییاسی-آ.ج.پ