ایران فارس مولا رئژیمی، آذربایجانا و انون میلّی آزادلیق حرکاتینا باسقیلارینی دورمادان آرتیرماقدادیر. سون گونلرده مهرداد قادری،آراز ابراهیم‌نژاد، محمدرضا موحد، جواد سودبر، حسین آزاد، امیرحسین آقایی،پیمان ابراهیمی،اشکان سعادتمهر، داود شیری، مرتضی نورمحمدی، علی بابایی، و بیزه بللی اولمایان بیر چوخ گونئی آذربایجان میلّی حرکات فعاللارینی سببسیز و قانونسوز شکیلده اسیر گؤتورمسی، اصلینده ایران دؤولتینین آذربایجان میللتی و اونون مدنی اینسانلاری قارشیسیندا نقدر عاجیز و قورخاق اولدوغونو گؤستَریر.
آ.ج.پ-نین اینسان حاقلاری قورولو اولاراق آذربایجان میلّی فعاللارینا اولان قانونسوز توتقلامالاری،باسقیلاری ، ایشکنجه و قوندارما محکمه‌لری، ایرلی سورولن ثبوتسوز ایتهاملاری قیناییر و توتوقلو اولان بوتون فعالرین قئیدسیز- شرطسیز آزاد اولمالارینی طلب ائدیریک .
فارس رئژیمی و دونیا بونو بیلملیدیر کی هئچ بیر باسقی و ایشکنجه، آذربایجان میلّی آزادلیق حرکاتینی توتودوغو میلّی آزادلیق یولوندان گئری آتدیم آتمییا مجبور ائده بیلمیجک.
بیز آ.ج.پ اولاراق میلّی فعاللاریمیزین و اونلارین ديَرلی عائله لرین یانیندا دوراجاغیمیزی و ایران رئژیمینین آذربایجاندا قانونسوز و مشروع اولمایان دؤولتچیلیغی ایله هر ساحه‌‌ده موباریزه آپاراجاغیمیزی آچیق بیلدیریریک .
بیز دِموکراتیک دؤولتلردن و بئین الخالق اینسان حوقوقلاری تشکیلاتلارینا موراجعت ائده رک خواهیش ائدیریک کی آذربایجان میللتینین حاق سسی آرتیق ائشیدیلسین و بِینالخاق سويّه‌ده ایراندا اسیر میللتلرین میلّی ایراده سینه و ایستکلرینه سایقی گؤستریلسین.
گونئی آذربایجان جومهورییت پارتیسی آ.ج.پ