عزیز،یوردداشلاریمیز عزیز!سویداشلاریمیز
معلوم اولدوغو کیمی بو گون گئنیش ایشلدیلن گونئی آزربایجان ایفادسی-۱۸۱۳ جو ایل گولوستان و-۱۸۲۸ جی ایل تورکمنچای موقاویله لریندن سونرا ، وطنیمیز خالقیمیزین ایراده سینه ضد اولاراق جغرافی جهتدن ایکی حیصّه‌‌یا پارچالانماسی ایله یارانمیشدیر. بو تاریخلره قدر یالنیز بیر – بوتؤو آذربایجان وار اولموشدور .
داها آرتیق اوخو: گونئی آزربایجان جومهورییت پارتییاسینین تشبّوس قروپونون عزیز میللتیمیزه موراجعتی
بوتؤو وطنیمیزین سرحدلری دمیر قاپی دربندن باشلاماقلا همدانا و تهرانا اوزانان گئنیش بیر جغرافی اراضینی احاطه ائتمیشدیر. همین مدتده خالقیمیزین بیر واحید دیلی تورکجه و بیر وطن آنلاییشی”آذربایجان” اولموشدور .
لاکین معلوم موقاویله لردن سونرا ایکیه پارچالانان آذربایجانین روسیا تابعچیلییینده و ایشغالیندا اولان حیصّه‌‌سینه شیمالی, ایران اسارتی آلتیندا اولان حیصّه‌‌سینه جنوبی آذربایجان دئییلمیه باشلانمیشدیر .
بونونلا میللتیمیزین تاریخی قارا گونلری باشلانمیشدیر.
آییری سئچکیلیک سیاستی ایله اوزلشمیش میللتیمیز اؤز آجی طالعیینه قارشی هم،قوزئیده هم ده گونئیده-آیری آیریلیقدا موباریزه آپارماق مجبوریییتینده قالمیشدیر.
اما قوزئیده آذربایجان میللتی اؤز میلّی بیرلییغینی فورمالاشدیرماقلا چاغداش دؤوروموزون ان شرفلی تاریخینی یاراتمیشدیر قوزئی آزربایجاندا تورک میللتی ۳۰ ایل اؤنجه اؤز آزادلیغی و موستقیلّییی اوچون مئیدانلارا چیخدی , شوروی رئژیمینه قارشی دیرنیش و موباریزه سینی گؤسترمکله اؤز باغیمسیزلیغینی اعلان ائتدی سونوجدا آذربایجانمؽزؽن قوزئیینده موستقیل بیر آذربایجان(رئسپوبلیکاسی)جومهورییتی قورولدو .
بو گون موستقیل آذربایجان جومهوریییتی هر بیر سویداشیمیز اوچون قورور قایناغی اولماقلا یاناشی هم ده دونیا دؤولتلری ایله برابر حوقوقلو بیر دؤولت اولاراق دونیا گونده مینده یئر آلماقدادیر.
آذربایجان جومهوریییتی بئله بیر حاقلارا صاحب اولماسینین تمه لینده،سووئرئنلیک موستقلیک و آزادلیق اوغروندا فداکار موباریزه نین دوردوغو هر کسه گون کیمی آیدیندیر.
عزیز هم وطنلر
بو گون گونئی آزربایجان میلّی حرکاتی خالقیمیزین طالعیینده رل آلاجاق چوخ اؤنملی بیر تاریخی دؤورو یاشاماقدادیر. بئله،کی گونئیده هر بیر حوقوقدان محروم ائدیلمیش خالقیمیز چوخ چتین و آغیر وضعیتده یاشاماقدادیر .
آرتیق ۱۰۰ ایله یاخیندیر،گونئیده آنا یوردوموز هر جهتدن یادلارین تاپداغی آلتیندادیر.
۱۹۲۵ جی ایلدن بری قورولموش ایران دؤولت سیستمینین ایچریسینده هم شاه رژیمی هم ایسلام جمهوری سی رئژیمی طرفیندن خالقیمیز دواملؽ آیری-سئچکیلییه،اوغرامیش میلّی ديَرلری و کیملییی دوشونولموش شکیلده آسسیمیلیاسیون و اریدیلمیه معروض قویولموشدور.
آزربایجان اراضیلرینده بیر عصره یاخیندیر کی ایران دؤولتچیلییی نتیجه سینده، تورک میللتی اؤز کیلملیکیندن،اوزاقلاشدیریلمیش ان بسیط آزادلیق حاقلاریندان محروم ائدیلمیش، آنا دیلی یوخ ائدیلمه تهلوکسیله اوز اوزه قالمیش، آذربایجان خالقی دواملی و سیستملی شکیلده تحقیر اولموش، آذربایجان مدنیتینه قاداغا قویولموش، آذربایجان میللتی گونو گونده آج و سفیل دورومونا،سالینمیش آذربایجان کندلری و اکینجیلیک پئشه‌کارلیغی محو اولموش ، آذربایجان خانیملاری توپلومدا اؤز تاریخی اوجا مقاملاریندان آشاغی چکیلمیش، آذربایجان آیدینلاری حبس و سورگون اولموش، آذربایجان گنجلییغینین گلجکه و آینده یه اولان خیاللاری و اومیدلری یوخ ائتدیلمیش، ۷مین ایللیک آذربایجان تورک تاریخی تحریف اولونوب فارسلاشدیریلمیش، آذربایجانین اراضی بوتؤولویو تام معنادا پوزولموش ، آذربایجان یئرلی تورک آدلاری فارسلاشدیراراق،ديَیشیلمیش آذربایجان اراضیله رینده آذربایجان تورکلرینه قارشی ائتنیکی و اکولوژئ مهندیسلیغی طاسارلانمیش و اویقولانمش، آذربایجان اقتصادیییاتینی سون ۱۰۰ ایلده ۱ جی یئردن اَن آشاغی سويَّیه چکمیش، آذربایجانین یئر آلتی یئر اوستو ثروتلری تالان اولموشدور.
یعنی بی سؤزده ایللردیر کی آذربایجاندا تام بیر سیاسی و نظامی مستعمره سیستمی حاکم اولموشدور .
ایلک گوندن بو وضعيتله باریشمایان گونئیده آذربایجان تورک میللتی اون ایللیکلردیر،کی میلّی کیملیکمی و میلّی دؤولتچیلییی اوغروندا ایران رئژیملَرینه و ایران دؤولتچیلییینه قارشی آچیق شکیلده موباریزیه باشلامیشدیر .
معلوم اولدوغو کیمی میللتیمیز ، ایران دؤولتچیلییینه قارشی هله ۱۹جؽ عصرین اوّلْلَریندن باشلاماقلا آچیق و گیزلی اولماقلا مختلیف شکیللرده موباریزه آپارمیشدیر.
اؤزللیکلده سون ۲۰ ایلده اونلارجا میلّی قیامدا، اعتراضلاردا، والیبال و فوتبال مسابقه لری زامانی گنجلریمیزین“ تورک دیلینده مدرسه ، آزادلیق عدالت میلّی حؤکومت، او تای بو تای بیر اولسون، آذربایجان وار اولسون، اینسانلارا آزادلیق میللتلره ایستیقلال” کیمی آچیق میلّی آزادلؽق شوعارلارلا مئیدانلارا چیخماسی ۲۰۰ ایللیک مبارزه نین دوامی و خالقؽمؽزؽن دانؽلماز گرچیدؽر.
یعنی جنوبی آذربایجاندا آذربایجان تورک میللتی مدرن جومهوریییتچیلیک و میللی دؤولتچیلیک ديَرلرینی اؤزونه اؤرنک گؤتوروب اؤز میلّی دؤولتینین قورولوشو اوغروندا موباریزه آپارماغا باشلامیشدیر.
عزیز یوردداشلاریمیز
میلّی دؤولت قورماق، سیستملی موباریزه طلب ائدیر، سیستملی دؤیوشمک ایسه میلّی حرکاتیمیزین آیدین و شفاف هدفلر اوغروندا تشکیلاتلانماسیندان و آذربایجاندا میللتین بو هدفلر اطرافیندا بیرلشدیریلمه سیندن کئچیر.
بو عالی هدفلری و موباریزه یوللارینی یاخیندان گؤرن بیز گونئیلی گنجلر ، گونئی آذربایجان جومهورییت پارتییاسینی تأسیس ائده رک بو حاقلی و قوتسال وطن موباریزه سینده، خالقیمیزلا بیرلیکده اولدوغوموزو بَیان ائدیریک .
عزیز اوجا،میللتیمیز ! سئوگیلی آذربایجان تورک میللتی!
گونئی آذربایجان جومهورییت پارتییاسی اؤز مرامنامه و نیظام‌نامه‌سینی خالقیمیزین عالی هدفلری اوغروندا فورمالاشدیرمیش و میلّی حرکاتین گئنیشلنمسی اوچون یورد ایچینده سیستملی و امنیتلی موباریزه آپارماغین اساس قویموشدور .
آرتیق دانیلماز فاکتدیر کی، معاصیر دؤوورده آذربایجان،میللتی موستقیل و جومهوریییت تمّلی دؤولتچیلییینه صاحب،اولمادیقجا خالقیمیزا هئچ بیر حالدا حاق و حوقوقو الده ائتمیجک .
بونون اوچون بو گون بیز جومهوریییتچیلر وطنیمیزین آزادلیغی, موستقیلّیغی و ائلجده دِموکراتیک دونیایا اویوملو اولماسی اوچون تشکیلاتلانمالار حیاتا کئچیرن، سیاسی استراتژیلر،اوره تن(تولید ائدن) چوخ طرفلی میلّی فعالیّتلر گؤستَرن، آچیق هدفلی بیر میلّی حرکات پارتییاسی اولدوغونو بیلدیریریک .
مقصدیمیز گونئیده آذربایجانین اینسانلارینا آزادلیق و بوتون میللتیمیزه ایستیقلالیییت بخش ائتمکدیر
آ.ج.پ میللتیمیزه اؤز موباریزسی ایله ایران داخیلینده نه فدرال یا فئدارتیو شکیلده، نه موختاریییتی شکیلده و نه ده ایران ایچریسینده دئموکراسی وعد ائتمیر .
آ.ج.پ آزربایجان تاریخی تورپاقلاریندا ایران آدی آلتندا هئچ بیر دؤولت و رئژیمی قبول ائتمدؽغؽنی آچیق بیلدیریلیر .
بیز جومهوریییتچیلرین آماجی گونئی آذربایجاندا اؤزگور موستقیل، دِموکراتیک، جومهوریییت تمللی آذربایجان دؤولتیدیر.
بیز اینانیریق کی، گونئی آذربایجان جومهوریییت پارتییاسی اورتایا قویدوغو ایراده ایله خالقیمیزین،میلّی -سوسیال،اقتصادی -اجتماعی،سیاسی -علمی مدنی و دیگر ساحه‌‌لرده آرزو و ایستکلرینی گئرچیه چئویرمک ایستکله رینی اؤز هدفلرینه یئتیره جکدیر .
بونون اوچون میللتیمیزین میلّی طالعیینه لاقئید اولمایان میللتیمیزین هر بیر عضوونه موراجعت ائدیریک: دیریلیک بیرلیکده دیر .
اوجا تورک میللتی قهرامان آذربایجانلیلار
گلین، بیرلیکده -ال اله وئرمکله گونئی آذربایجانیمیزی دوزگون و پلانلی شکیلده میلّی هدفلره دوغرو آپاراق و آرتیق اوجا سسله بیزیم آتا بابا توپراغلاریمیزدا یادلارین آغا اولماسینا یوخ دئیک .
موهاجیر آخینینی، میلّی فعاللارا قارشی باسقی و تعضییقلری، خانیملار و اوشاقلارا اولان قات قات ظولملری، ائلجده آذربایجانیمیزا قارشی یورودولن-آیری سئچکیلیغی و ظولملری دوردورماق اوچون سیستملی و بیلمسل(علمی) موباریزه میزی ایچده مؤحکملَدَک .
سیرالاریمیزی میللتیمیز ایچینده و بوتون قاتلاریندا گئنیشلندیرک میلّی حرکاتا باغلی اینسانلاریمیزلا تشکیلاتلارلا امکداشلیغیمیزی! گوجلندیرک .
بؤیوک و غیرتلی میللتیمیز
بو فیکیر و آرزولاریمیزی حیاتا کئچیرمک اوچون اؤنجه گونئی آذربایجان ایچینده بیرلشمک و.تشکیلاتلانمالیییق بئله بیر-احوال روحیّه ایله بیز جومهوریییتچیلر قرارا گلدیک،کی ۱۰تیر ۱۴۰۲جؽ ایل تاریخینده آزادلیق قهرمانیمیز بابکین آنیم و دوغوم گونونده گونئی آذربایجان جومهوریییت پارتییاسی یاراندیغینی خالقیمیزا بیر داها بَیان ائدک.
چوخ ایستردیک کی بیز بو کیمی بیلدیریلریمیزی گونئی آذربایجانین هر بیر مئیدانیندا آچیق شکیلده خالقیمیزا اعلان ائدک، لاکین اؤلکمیزدکی مؤوجود شووینیست رئژیمین اوجباتیندان ایللردیر بیزه شرطلر داخیلینده حرکت و موباریزه ائتمیی اؤیرتمیشدیر .
عزیز تورک اۇلۇسو،! امین اولا بیلرسینیز،کی یوکسک سويّه‌ده تشکیلاتلانماقلا بوتون انگللری و قاداغالاری آرادان گؤتوروب میلّی ایراده میزله میلّی هدفله ریمیزه دوغرو یورویجییک.
بیز جومهوریییتچیلر اعلان ائدیریک کی وار گوجوموز ایله غصبکار ایران دؤولتی ایله، آذربایجانلیلارین میلّی دؤولتچیلیک حاقینی غصب ،ائدنلریله ، آذربایجان تورک میللتینه کین قوسان بوتون ایرانشهری و پان ایرانیزم دوشونجه سیستمیله، آذربایجان توپراغلارینا گؤز تیکن قووْه لریله، آچیق و کسکین موباریزه ائدجییک.
بیز جومهوریییتچیلر چالیشاجاغیق کی آذربایجانیمیزین هر بیر بؤلگه سینی تئررور و اسارتیندن آزاد و موستقیل ائدیب و خالقیمیزین میلّی ایراده سی ایله میلّی جومهوریییتیمیزی برپا ائدک .
بیز جومهوریییتچیلر وار گوجوموز ایله بوتون آذربایجانلیلارین میلّی منفعتلرینی سعادت و گلجکلرینی بیرلیک و برابرلیکله رینی گوۆنلیک و امنيّتلرینی، میلّی و اینسانی حاقلارینی-قئیدسیز شرطسیز مودافیعه ائدجییک .
بیز جومهوریییتچیلر اومود ائدیریک کی، یئنی پارتییامیز اؤز صداقتلی و باجاراغلی کادرولاری ایله یوز ایللیکلرله ییغیلیب قالمیش میلّی ددلریمیزه و وطن اسارتینه چؤزوم گتیرسین ، بوتون میلّی قوووه لرله تورک دونیاسی ایله خوش‌مراملی امکداشلیق ائتسین خالقیمیزین بوتون طبقه‌‌لئریندن و صینیفلردن اولان اینسانلارینین اورتاق چالیشما،اوجاغی ،گنجله ریمیزین خوانیملاریمیزین و اوشاقلاریمیزین اومودو، آذربایجانلیلارین میلّی ایراده سینی عکس ائتدیرن گۇوَنج مرکزی،اولسون و بوتون ایرانچی دوشونجه لرینین و ایستیثمارچی ایران رئژیمین حِسابلاشدیغی قوویه چئوریلسین .
بوتون بو اومود و آرزولاریمیزی گئرچکلشدیرمک اوچون جومهورییتچیلیک یولوموز آچیق اولسون، استقلال و قورتولوش موباریزه میز قوتلو اولسون.
بؤیوک تورک فیکیر آدامی ایسماییل بَی قاسبارلی دئدؽغؽیی کیمی:“ دیلده بیرلیک، فیکیرده بیرلیک و ایشده”بیرلیک شوعاری ایله , یولوموزا باشلاییب و عزمله دوام ائدک.
یاشاسین اولو تورک میللتیمیز , قورولسون اؤزگور آذربایجان جومهوریییتیمیز
گونئی آزربایجان جومهوریییت پارتییاسی یؤنَتیم قورولو
۰۱-۰۷-۲۰۲۳