۱ مهر تاریخی، ایران آدلانان اؤلکده و گونئی آذربایجاندا تحصیل اوجاقلارینین، یئنی درس ایلینه باشلادیغی گون اولاراق قئید ائدیلیر
”ایران“آدلانان بو اؤلکنین ایستیلاسیندا موجادیله وئرن گونئی آذربایجانیمیزدا مهر گونو تحصیل اوجاقلاریندا بوتون فعالیّت و درسلر ایجباری فارس دیلینده تشکیل اولونور.
نتیجه ده ۹۸ ایلدیر ۳۵ میلیوندان چوخ سویداشلاریمیز اؤز دوغما آنا دیلیندن مرحوم ئدیلمکله زورن فارسلاشدیرمایا معروض قالماقدادیر .
بئلجه ایرقچی بیر دؤوله تین بو سیاستی ایله اونون۷۰٪دن چوخونو تشکیل-غئیری فارس میللتلر کیملیکسل و کولتورل اولاراق سیستملی شکیلده بئین الخالق حوقوقا هایقیری اولاراق سویقیریما معروض قویولور.
ائلجه ده.دیلیمیزه قارشی بو آیریسئچکیلیک سیاستی نتیجه سینده”ایران“ آدلانان مملکتده بوتون کوتلوی اینفورماسییا،واسطه‌‌لری ،رادیو-تلوزیون،عدلیه، اجتماعی – دینی و ساغلیق خدمتلری، رسمی و غئیری-رسمی اورقانلار، زوراکی شکیلده فارس دیلینده فعالیّت گؤسترمکده دیر .
بو ایسه-غئیری فارس میللتلره قارشی آچیق شکیلده آسیمیلاسیون و اَریتمه سیاستی تطبیق ائتمه کدیر دؤولت سويّه‌سینده بئین الخالق قانونلارا ضدی اولان بو آیریمچیلیقلا ۳۵ میلیوندان چوخ گونئیده آذربایجان تورکلری آرتیق بو ایشغال سیاستینین اساس قوربانلاریدیر .
آنجاق ایللردیر بو ایستیقامتده، ” فارسلاشدیرما و ایرانلیلاشما”سیاستینه قارشی آچیق شکیلده دیرنن و هر بیر فورصتده آنا دیلینده تحصیل و میلّی دؤولت طلبی ایله اعتراض سسلرینی قالدیران آذربایجان تورکلری بو گونده”ایران“ایشغالچی دؤولتینه قارشی آچیق موباریزه آپارماقدادیر
محض بو سببدن بیز آجپ اولاراق میلّی حاقلاریمیزی ساوونماقلا“”ایران ین سیویل و کیملیک سویقیریم سیاستله رینی شدّتله قیناییر و میلله تیمیزی اؤز سیویل حاقلاری اوغروندا بیزیمله بیرلیکده دیرَنیش و اطاعتسیزلیغه چاغیریریق .
عزیز میللتیمیز!
آنا دیلیمیزی سیرادان محو ائدیلمه دن قوروماق هر بیریمیزین قوتسال بورجودور. بونون اوچون ائوده بالالاریمیز ایله تورکچه دانیشدیغیمیزدا هم آنا دیلیمیز قورویاجاغیق ،هم ده“ایران” دؤولتینین آسیمیلاسیون و سیاستلَرینه و ایران ایشغالچی دولتچیلیک سیستمینه داها بؤیوک ضربه‌‌لر ائندیرجییک.
اینانیریق کی ، سوندا ظفر بیزیمله اولاجاق و بو آنتی آزربایجان سیاستی یورودن دؤولت تاریخین آرشیوینه دؤنه جکدیر .
بیرلیک، برابرلیک و بوتؤولوغوموز اوچون آیاقدا اولالیم.
گونئی آذربایجان جومهورییت پارتیسی
۳۰ شهریور ۱۴۰۲