۱۹ گولن آی (اردیبهشت) گونئی آذربایجان تاریخینه آلتین حرفلرله یازیلاجاق اؤزل بیر گوندور بو تاریخ یوز ایللیک بیر موجادیله یولو اولان میلّی حرکاتیمیزدا اؤیرنجی گونو کیمی قئیدائدیلیر. بیز آ.ج.پ اولاراق بوتون تورک اؤیرنجیلرینه معماری اولدوقلاری بو اؤزل گونلرینین قوتلو اولماسینی دیلَییریک .
قدیم تاریخ یادداشیندا ایز بوراخمیش اوجا“ آذربایجان تورک میللتی ” و آذربایجان و تورک دونیاسینین پارلاق اومیدلری اولان قیمتلی اؤیرجیلریمیز !
تام ۹۹ ایلدیر کی، ایران آدلی ساختا دؤولَتین یارادیلماسی ایله آذربایجان تورکلرینین میلّی وارلیغینا قارشی بیر ساواش آچیلمیشدیر .
میلّی کیملیکیمیزه قارشی باشلانمیش بو ساواش بیزی بیر میللت اولاراق میلّی ،مدنی ،فرهنگی اجتماعی و اقتصادی جهتدن یوخ اولماقلا ایله-اوز-اوزه قویموشدور .
قوندارما شکیلده ظوهور ائتمیش ایران آدلی دؤولتینین باشیندا اولان هم، پهلوی’لر هم ده ایسلام جومهورییتی هر فورصتده آذربایجان تورکلویونه قارشی تحقیر و آیری-سئچکیلیکله آچیقدان-آچیغا میلّی -مدنی سویقیریم سیاستی آپارمیشدیر.
میلّی ثروتلَریمیزی تالاماقلا توپلادیغی میلیاردلارلا دوللارلار ایله بیر سیستملی آسیمیلاسیون ماشینی یاراتمیشدیر. بو سیستملی آسیمیلاسیون و باسقی ماشینی ایله اوشاق باخجالاریندان دؤولتین اَن اوستون قاتلارینا قدر میللتیمیزین اوزه’رینه یئریمیشدیر .
سونوجدا ایران آدلانان دؤولتین یؤنه تیم پولیتیکاسیندا آنتی-تورک و آنتی-آذربایجان سیاسی باسقیسی حاکم قیلینمیشدیر .
۱۳۷۴ جی ایلده ایران آدلانان دؤولت اؤز رسمی دؤولت-رادیو تلوزیون دا ۷ ماده‌لیک آنتی-تورک بیر آنکئت(نظرسنجی)یاییملاندی “سوسیال فاصیله ” آدی آلتیندا ایران ایسلام جومهورییتینین رسمی-رادیو-تلوزیون“ میللی آراشدیرما و”اینجَلمه مرکزی طرفیندن تهران و قُم شهرله رینده یاییملانان آشاغیداکی فاشیست ایدولوژیلی سورغولار بو رئژیمین آسیمیلاسیون سیستمینین نه قدر باشاریلی اولماسینی تئست ائتمکله یاناشی هم ده آذربایجان تورکلرینه قارشی آچیق تحقیری سرگیلَمیشدیر . رئژیم اؤز نظارتیندکی-تو دن بونلاری سوروشوردو:
۱- بیر تورک ایله ائوله نیرمیسیز ؟
۲- قیزینیزی تورک اوغلو ایله ائولندیررسیزمی؟
۳- عاشورا تاسوعا کیمی مذهبی مجلیسلرده تورکلرله بیر آرادا اولماق ایسترسیزمی ؟
۴- تورک قونشولوغوندا یاشاماق ایسترسیزمی ؟
۵- تورکلر ایله بیر یئرده ایشله مک ایسترسیزمی ؟
۶- چوخونلوغو تورک اولان محله‌‌ده ائو آلماق ایسترسیزمی؟
۷- تورک عائله‌‌سی ایله گئدیش-گلیش ائتمک ایسترسیزمی؟
بو ایرقی آیری سئچکیلییه و باسقیلارا سوسماقدان بئزمیش اوجا میللتیمیز بیر وولکان تک پوسکوردو .
چوخ قیسا بیر زامان ایچینده اؤیرنجیلر باشدا اولماقلا آذربایجان تورک میللتی اؤز هارای سسینی اوجالتدی -۱۳۲۵ جی ایلدن بری ایلک دفعه اولاراق آذربایجان میلّی حاقلاری اوچون آیاقلاناراق( دانشگاهلاردا)بیلیم یورودللاریندا ” من تورکم” شوعارلارینی اوجالدی .
تهران ،تبریز ،اورمو کیمی شهرلرین-بیلیم یوردلاری ایله بیرگه ایران آدلانان یئرین دیگر بیلیم یوردلاریندا کی ( دانشگاهلارینداکی ) تورک اؤیرنجیلر ده بو اعتراضلارا قوشولدولار.
فارس مولّا رئژیمینین اؤز کیملیکلری اوغروندا سسلرینی اوجالتمیش اعتراضچیلارا سالدیرماسی ایله قانلی توققوشمالار یاشاندی .
خاریجدکی فارس میلّیّتچیلری سؤزده رئژیمه موخالیفت مؤوقئیینده اولسالار دا ، عملده رئژیمین بنزری اولدوقلارینی گؤسته ردیلر چونکی اونلاردا اینسانی و میلّی حاقلاری آیاقلار آلتینا آلماقلا رئژیمدن تورک اؤیرنجیله رینین توتوقلامالارینی ایستدیلر .نتیجده رئژیم گئنیش چاپدا توتوقلامالارا باشلادی. محض بو سببلردن گونش تقویمی ایله ۱۹ گولر آی(اردیبهشت )۱۳۷۴ تاریخی( ۰۹ مای ۱۹۹۵) گونو گونئی آذربایجان تورکلرینین میلّی روحوندان چیخاراق“ آذربایجان اؤیرنجی”گونو کیمی تاریخ ده یئرینی آلدی .
او گونلردن باشلایاراق بو گونه دک“ یاشاسین آذربایجان” شوعارییلا آذربایجان اؤیرنجی حرکاتی بؤیوک بیر یول قت ائتمیشدیر.
بو حادثه‌‌لره تاریخی باخیشدان یاناشاندا دوشونوروک کی آذربایجان میللتی اوز صاباحینی میلّی دوشونجه ایله آیدینلاداجاق گونئی آذربایجان اؤیرنجیلَرینه چوخ شئی بورجلودور ، چونکی آذربایجان اؤیرنجیلری اؤز ایستیقلالی و آزادلیغی اوغروندا اؤلوم-دیریم ساواشی وئرن میللتیمیزین گلجیی و ۳۵ میلیونون بیر اومید یئریدیر .
قارانلیغا سوروکلنمیه محکوم ائدیلمیش آذربایجان میللتینین گلجیی بو پارلاق گنجلییمیزله وار اولاجاقدیر.
چونکی آذربایجان گنجلیغی بؤیوک و توکنمز بیر قوووه اولاراق اؤز وطن‌سئور حیصّه‌‌لری ایله یوکسک اینتئللئکتوال زکاسی و عزمی ایله، اؤزونو دونیاداکی گنجلردن آیری تصوّور ائتمیر .
گونئی آذربایجان گنجلری و اؤیرنجیلری بونو بیلیر کی اونلارین گلیشمیش اؤلکلردکی یاشیتلاری کیمین آزادلیغا چیخماسی، یوکسک یاشام استاندارتلارینا (،تلفون ،بیلگی‌سایار ،ماشین گئییم و سایر) صاحب اولماسی و ایسته دیغی ائیتیمی آلماسی، یالنیز و تکجه باغیمسیز گونئی آذربایجان جومهورییتینده مومونکوندور.
آذربایجان گنجلیغی تورک دونیاسیندا یاشایان یاشیتلاری کیمی تورکچولوک هم ده آذربایجانچیلیق میلّی ایدئلوگییاسینا باغلیلیغی ایله، آیدین بؤیوک و بوتؤو آذربایجانین معماری اولاجاقدیر.
بیز آذربایجان جومهورییت پارتیسی و بوتؤو آذربایجان سئودالیلاری اولاراق، بو گوندن او گونه یوروین فداکار میلّی دوشونجلی گنجلَریمیزه بو قوتسال داوادا خوش گلدین دئیرک اونلارا اوغورلار دیلییر و بو تاریخی اؤیرنجی گونو موناسیبتی ایله او تایلی- بو تایلی بوتون اؤیرنجیلریمیزی تبریک ائدیریک.
درین حؤرمتله
گونئی آذربایجان جومهوریییت پارتییاسی(آجپ)
آراشدیرما مرکزی، تبریز شهری
۱۸ گولر آی ۱۴۰۳ گونش ایلی