چاغداش دونایمیزدا ۲۱ فوریه تاریخی دونیا آنا دیلی گونو کیمی قئیداولونور .
۱۹۹۲-جی ایلدن بری هر ایل یونئسکو و دونیا دؤولتلری طرفیندن بو گون خوصوصی قئید ائدیلیر مقصد دونیاداکی مؤوجود” دیللرین”اؤلمَسینین قارشیسینی آلماقدیر.
چوخ تأسوفکی، بؤلونموش وطنیمیزین موستقیل حیصّه‌‌سینده میللتیمیز اؤز آنا دیلینده تحصیل آلدیغی ، میلّی مدنيّت ساحه‌‌سینده هر گون اینکشاف ائتدیغی حالدا ایران آدلانان دؤولتین ایستیلاسیندا اسیر اولان گونئی آذربایجان دا میللتیمیز اؤز آنا دیلینده نه-اینکی تحصیل آلماق، ائلجه ده، بو دیلده راحت-راحت دانیشماق و بو دیلده اؤز اؤولادلاریندا آدلار قویماق اوچون یانیب توتوشور .
حال حاضیردا دونیادا مؤوجود اولان۶مین دانیشیق دیلی آراسیندا ان گئنیش دانیشیلان دیللر سیراسیندا یئر آلمیش تورک دیلی گونئی آذربایجاندا میللتیمیزه یاساقلاندیغی اوچون مهو اولما تهلوکسی ایله-اوز اوزه دیر .
میللتیمیزین آنا دیلی کیمی میلّی کیملیک و میلّی مدنيّتینین گلیشیمینین قارشیسی تام آلیناراق میلّی وارلیغی دانیلماقدادیر.
بونونلا بیرلیکده آذربایجانلیلار هر گون تحقیر اولوب، شدّتلی آسیمیلاسیون سیاستینه معروض قالماقدادیر .
بوسببدن, گونئی آذربایجان میلّی حرکاتی ایللردیر،کی دونیانین دقتینی بو” سسیز”سویقیریما چکمک اوچون چئشیدلی جهدلره اؤز دینج فعالیّتلَرینی و موباریزه سینی گؤسترمکده دیر. انجاق سویداشلاریمیزین بو حاقلی و ان ایلکین طلبلری قارشیلانماقدانسا، ایران رئژیمی بو تمل حاقلارا اؤز ديَه‌نکلری، باسقی و حبس‌خانالاری ایله جاواب وئرمکده دیر
اسیر آذربایجاندا آرتیق هر کسه گون کیمی آیدین اولوب کی، ایران رئژیمی و دؤولتی چرچیوه سینده هئچ بیر رئژیم هئچ بیر زامان بیزیم میلّی حاقلاری بیزه گئری وئرمه ییب و بیزیم میلّی کیملیغی تانیمایاجاقدیر بو سببدن بو گون آذربایجانین گونئیینده گنجلَریمیز آذربایجان تورکلرینین هر طرفلی گئلیشیمی و اؤز میلّی کیملیکله رینین قورومالارنین تک یولونو،موستقیل میلّی دؤولتینین اولماسیندا گؤرور .
ایران رئژیمین بو آزغین سیاسیتی قارشیسیندا سوسمایان اوجا میللتیمیزی آنا دیلی گونو موناسیبتی ایله قوتلاییر و اونو هر زامان بو عولوی دیلین یاشاماسی اوغروندا موجادیلیه سسله ییریک
گونئی آذربایجان جومهوریییت پارتییاسی
۲ اسفند ۱۴۰۲ گونش تاریخی