Bu gün 22 Mart 2025.il Urmu şəhərində soydaşımız Azərbaycan torpaqlarının bütövlüyünü və Türk kimliyini müdafiə etmək üçün küçələrə axışaraq, Güney Azərbaycan türklərinin milli ruhunu, milli şüurunu və sarsılmaz iradəsini bir daha dünyaya nümayiş etdirdi.
İran rejimi uzun illərdir Urmu şəhərində kürd provokasiyalarına şərait yaratmaqla yanaşı, köçürülən kürd qruplarının Azərbaycanın ərazi bütövlüyünə qarşı həyata keçirdiyi terror aktlarına və psixoloji müharibəyə göz yummuşdur. Ancaq artıq millətimizin səbr kasası dolmuşdur!
Bu gün Urmu xalqı ayağa qalxaraq açıq şəkildə göstərdi ki, Güney Azərbaycan torpaqlarından heç bir kəsə pay verilməyəcək. Hər kəs bilməlidir ki, bu torpaqların əsl sahibləri var ! Azərbaycan Türkləri ! və onlar öz ata-baba torpaqlarını, milli haqq və hüquqlarını qorumağa tam qərarlıdırlar!
Bu gün Urmuda səslənən şüarlar və ortaya qoyulan iradə yalnız kürd terror qruplarına deyil, həmçinin kürdləri Azərbaycan torpaqlarına yerləşdirərək bölgədə süni etnik gərginlik yaradanlara, Türk torpaqlarında “qondarma Kürdüstan” layihəsini həyata keçirməyə çalışanlara və eləcə bu terror dəstəkləyən bütün anti-Türk qüvvələrə kəskin bir cavab və sərt bir sillə oldu.
Azərbaycan türklərinin bu şanlı dirənişi və milli iradəsi bütün dünyaya Azərbaycan türklərinin milli haqları uğrunda apardığı haq mübarizəsini və azadlıq idealını nümayiş etdirdi.
Güney Azərbaycan Cümhuriyyət Partiyası olaraq, Urmu şəhərində ata-baba torpaqlarımızı müdafiə edən bütün soydaşlarımıza dərin təşəkkürümüzü bildirir, qəhrəman Urmu xalqına eşq olsun deyirik!
Millətimizin birliyi və gücü sayəsində biz Güney Azərbaycanın hər qarış torpağını qoruyacaq, milli istiqlal mübarizəmizi əzmlə davam etdirəcəyik.
Yaşasın vətənimiz Azərbaycan!
Yaşasın Türk millətimiz!
Güney Azərbaycan Cümhuriyyət Partiyası