اسرائیل ایران مولّا رئژیمینین آلدیغی نفسدن و دؤولتین بوتون قاتلاریندان, خبری وار ایسرایل ایرانین آتدیغی هر گیزلی آتدیمینی تعقیب ائدیر .
بو سؤزلری-آخار،آز آ گونئی آذربایجان جومهورییت پارتیسینین رهبریت شوراسینین صدری، آراز آتاخان سوریه ده ایرانین یوکسک روتبلی ضابیطلرینین اؤلدورولمسینین، و ایرانین ایسرایل ایله موحاریبه اِحتیمالینی آرتیب-آرتمییاجاغی، بارده فیکیرلری شرح ائدرکن دئییب .
“ ایران وورولان بینانی کونسوللوق بیناسی کیمی تقدیم ائدیب. ایران اوز ذهنینده ،دیپلوماتیک موستوییه قالدیرماغا و بئین الخالق عالمده طرفدارلارینین سایینی چوخالتماغا چالیشیر کی، ایندیکی وضعيّتده ایسرایل’له قارشی موناقیشده تک قالماسین. کونسوللوق بیناسی دئدیکلری یئر ایرانین سپاه قودس قولونون یئرله شدییغی مکاندیر سپاه قدس ایرانین اورتا شرقده و قافقازدا تئررور، نظامي و کشفيّات قولوبیلینیر.
اؤلدورولن شخصلر ایسه دئیردیم کی، قاسیم سليماني ایله عینی سويّه‌ده اولان فرمانده لردیر . محمّد رضا زاهیدی یاخین شرقده خامئنه ینین اَن گووه ندیغی آداملاردان ایدی . اونون اؤلدورولمسی ایسه خوصوصی بیر مئساژدیر. ایسرایل دفعه‌لرله بیلدیریب،کی ایران رئژیمینین آلدیغی نفسدن و دؤولتین بوتون،قاتلاریندان خبری و اطلاعاتی وار.
ایسرایل ایرانین و سپاهین آتدیغی هر گیزلی آتدیمینی تعقیب ائده بیلیر . موساد ایران رئژیمینین بوتون دؤولت اورقانلارینا سیزمیش و ایسته’دیغی زامان، رژیمین اَن یاخین آداملارینی هر یئرده اولسا اولسون وورور .حتی ایرانین اؤز تورپاقلاریندا!
بونو اونوتمایاق کی ایران مولّا رئژیمی هم ایسرایل’له هم آمریکا ایله هئچ بیر زامان اوزبَه’وز ساواش ایستمه’ییب و بوگونده ایستمز . دوغروسو ایرانین هر هانسی ساواشا گیرمسی ایران آدلانان جغرافیانین سونونون گَلمَسی دئمکدیر . ایرانین اسرائیل کیمی گوجلو دؤولت ایله ساواشاجاق گوجو، اقتصادییاتی، اینسان قایناغی، ایچده اجتماعیت رای آرخاسیندا یوخدور”، – دیه آتاخان بیلدیریب .
جمهوریتچیلرین رهبریت شوراسینین صدرینین سؤزله’رینه،گؤره ،ایسرایل آمئریکادان مولّا رئژیمی اوچون چوخ بویک تهلوکه‌‌لیدیر:
“ ایران اوچون، آمریکانین آددیملارینی اولجه دن تخمین ائتمک مومکون اولسا،دا ایسرایلله بو مومکون دئییل. آنی بیر هوجوملا لازیم بیلدیغی هدفلری وورور و یا شوبهه’لینی ضررسیزله’شدیریر.
تهرانین دوز مرکزینده ایرانین آتم عوذره موتخصیصینی اؤلدوره بیلیر. ایللرجه ایرانین آتم ساهَده چالیشمالارینی، موساد سابوتاژ ائدیب .
دفعه‌لرجه ایسته’دیغی یئرده رئژیمین یوکسک روتبلی ضابیطلرینی آرادان گؤتوروب ،بس ایران نه ائدیب؟ اسرائیل دولتینه قارشی جدّی هئچ نه !
بو گونه’دک سادئجه شوعار وئریب و یا تئررور و واسطه گوجلری ایله ساواشلار یولا سالیب و یا سیویل ایسرایل وطنداشلارینی، یورد دیشیندا هدف آلماغا چالیشیب .
حادثه‌‌دن درحال سونرا چاغیریلان ایران میلّی تهلوکه‌‌سیزلیک ایجلاسی’دا(اجلاس شورای امنیت ملی نظردن قاچمادی .دئمک ایران چوخ جدّی تهلوکه ایله اوزله شیب کی بئله عجله’ایله بو ایجلاسی تشکیل ائدیر . ایجلاس سونراسی خامنه’ای نین چیخیشیندا ایرانین او دؤنوشونه(چرخش ۱۸۰ درجه) شاهید اولدوق.
باخمییاراق کی خامنه ای گینه هرزامان کی کیمی” ایسرائیلدن آغیر اینتیقام”آلاجاغینی دئسده، عینی زاماندا دقتلری آیری یئره چکمیه چالیشدی. گولونجدور کی هوجوم ائدن ایسرایلدیر، لاکین خامنه‌ای و مولا رژیمنین سیاستچیلری،هدفی آذربایجان و آمریکا اعلان ائدیلدی. هدفی ایسرایلدن یاییندیریب، آذربایجان و آمریکا یآ یؤنله’ندیریرلر . آ.ج.پ یه گؤره ایچی بوش اینتیقام سؤزلری، همیشه اولدوغو کیمی داخیلی بسیجی لر اوچون و ایران رئژیمینین طرفداشلاری اوچون دئییلمیش سؤزلردیر و میدان عملده ایران مستقیم اسرائیلدن قورخور. آنجاق ایران ایسرایل ایله اولان پروبلئملَرینی ایران-آمئریکا آراسی و یا ایران- شیمالی آذربایجان پروبلئملَرینه چئویرمیه هوسلیدیر .
ایرانین اراضی بوتؤولوغونون و مولّا رئژیمینین،اؤنمی آمریکا اوچون نه دئمک اولدوغونو رژیم اؤزوده یاخشی بیلیر.
باتی گوجلَرینین ایرانا قارشی نقدر ایرلی گئدجغیینی هاردا دوراجاغینی، فارس مولّا رئژیمی یاخشی اَزبر ائدیب . آمّا ایسرایل اوچون ایرانین اراضی بوتؤولوغو مسئله‌سی اؤنملی دئییل، مولّا رئژیمینین اؤزو هئچ اؤنملی دئییل .تل آویو سیاستینی و آتا بیلجیی آتدیمی ایران حِساب ائده بیلمیر.
ایرانلیلار بیلمیرلر کی، اولاجاغی بیر ساواشدا ایسرایل ایرانین پارچالانماسینا کیمی،گئدر یا یوخ؟ بو مقصدله آرانی نیسبتاً ساکیتلَشدیرمک و ایسرایلدن اجتماعی فیکری یاییندیرماق اوچون-آمریکانی دؤیجله ییرلر.
بونونلا پارالئل و موازی ایرانین سؤزده سیاستچیلری’ده ایسرایل آذربایجان علاقه‌‌له’رینی هدف آلاراق آذربایجانین ایچ امنيّتینی پوزاجاغلارینی، ایسرایل سفیرلیغی و باکی دا ایش یئرلرینه هوجوم اولونماسی کیمی سرسم سؤزلر دیله گتیریبلر. آرتیق، بوگون آذربایجان دؤولتی و دؤولتچیلغی ایرانین اَزرائیلی کیمی بیلینیر، ایرانین سوونونودا آذربایجان تورکلری بریرلَیَجکدیر.
آذربایجان دؤولتی گوجلَندیکجه ،جنوبی آذربایجاندا ۴۰ میلیونلوق،آذربایجان ایستیقلال حرکاتیدا گوجلَنیر. بو گون ایرانین هر گئجه کابوسو اولان آذربایجانی، عینی زاماندا ایسرایله قارشی بیر جبهه یه چئویرمک ایسته ییر.
آنجاق بونودا بیلیر کی قوزئی آذربایجانا اوزانان ال،اولورسا، بیزجنوبلولار، او الی تبریزده سیندیریب بیر دفعه‌لیک ایران ایشغالچیلیغینا، بؤلگده ایران تئررور،اسدیرمه سینه سون قویاریق” دیه آتاخان بیلدیریب.
وصاله اسکندراوا، باکی