تاریخن ان قدیمدن بو گونه اجدادلاریمیز قوزئیده دمیر قاپی دربنددن باشلاماقلا، گونئیده کنگر کؤرفزینهدک اوزانان بؤیوک بیر جوغرافی ارازینی احاطه ائدن اوغوز یوردو آذربایجانی وطن ائتمیشدیر. بو یوردون ایستیقلالی و بوتؤولویونو قوروماق، بوتون دؤورلرده اوغوز ایگیدلری اوچون باشلیجا قایه اولموش، بو یولدا اوزون و دؤنمز موجادیلهلر وئرمیشدیر.
آ.ج.پ گونئیده آذربایجان میللی حرکاتینین بیر پارچاسی اولاراق یارانمیشدیر. جومهورییتچیلیک اوغروندا موجادیله وئرن، تشکیلاتلانمانی تاریخی ضرورت بیلن فعاللارین بیر آرایا گلمسی ایله گونئی آذربایجان جومهورییت پارتیاسی یارانمیش و گونئی آذربایجاندا «میللی حؤکومت و چاغداش جومهورییت» اوغروندا دؤیوشور.
میللی درک و یا میللی اویانیش و دیرچلیش مرحلهسی آرتیق ۲۰-جی اصرین سونلارینداان ایلک تدریجن باشلانمیش و حاضیرجا گئنیشلنرک دوام ائتمکدهدیر. میللی اویانیشین ایکینجی دؤوروو ۲۰۰۶ مای قیامیندان شاهلانیر.
میللی اویانیشین یایقینلاشماسی میللتین سیاسی و میللی شوورون یوکسلدیب، خالقیمیزین میللی گوجو، اؤز گووهنی، موباریزه عزمی آرتیب میللی روح دیرچلمهسینه سبب اولموشدور.
آ.ج.پ-یه گؤره گونئی آذربایجان اوچون بوگون میللی بیرلیک اوچ ایستیقامتده یورودولمهلیدیر: داخیلده اولان میللی قووهلرین بیرلیگی ایله، خاریجده اولان موهاجیر میللی قووهلرین بیرلیگی ایله، و گونئی و قوزئی آذربایجان آراسی بیرلیک کؤرپولرینین سالینماسی ایله.
گونئی آذربایجاندا میللی دؤولت اولوشارسا، بو خالقیمیزین بیر میللت کیمی میللی دیریلیشینه زمین یارادار. آ.ج.پ میللی داوادا وار اولوشون اساس حلقهلریندن بیری و ان اؤنملیسی اولاراق میللی دؤولت اولوشومونو واجیب سایر.
آ.ج.پ بوتؤو آذربایجان یوردلارینی واحید دؤولتده بیرلشمهسینی بؤیوک گلهجکله گؤرور. بیزیم مرامیمیز گونئی آذربایجاندا میللی دؤولت و بوتؤو آذربایجان بیرلیگی آرزوسودور.
گونئی آذربایجان جومهورییت پارتیاسی گونئی آذربایجانین باغیمسیزلیغی و آزادلیغینا دوغرو گئدن یول خریطهسینده ۶ ایلکه اساسیندا فعالیت ائدیر.
آ.ج.پ گونئی آذربایجانین میللی-مدنی و سیاسی حیاتی ایله باغلی مسئلهلرده آذربایجانلیلارین حاقلارینی و آذربایجانچیلیق ایدئولوژیاسینی مودافیعه ائدن سیاسی تشکیلاتدیر.
آ.ج.پ-نین ایلک قایهسی، گونئی آذربایجانین تاریخی ارازیلرینده چاغداش، عدالتلی و حوقوقی تمللره دایانان موستقیل بیر جومهورییت دؤولتی قورماقدیر.
آ.ج.پ اولوسلاراراسی حوقوقا سؤیکنن بیر پارتیا اولاراق، اینسان حاقلاری و بیرلشمیش میللتلر کونوئنسیالاری چرچیوهسینده موباریزه آپاریر.
آ.ج.پ کیملیک و میللییت آنلایشیندا ایرق، قان، دین و دنا کیمی آیریمچیلیق طبقهسینی قطعییتله رد ائدیر.
آ.ج.پ-نین میللتچیلیک آنلایشی بوتون آذربایجان وطنداشلارینین بأرابرلیگی، ریفاحی و سعادتین تمین ائلمکله بیرلیکده، توُرک اؤلکهلرینی و بؤیوک توُرک میللتینین منفعتلرینی هر شرطده مودافیعه ائدیر.
گونئی آذربایجاندا یاشایان هر بیر شخص جینسییتیندن، دینیندن، دیلیندن و سیاسی منسوبییتیندن آسیلی اولمایاراق برابر حاقلارا صاحیبدیر.
آ.ج.پ لائیک بیر دؤولت سیستئمی ایله چوخ پارتیالی جومهورییت تمللری اوزرینده گونئی آذربایجانین دونیادا دئموکراتیک توپلوملار ایچریسینده یئر آلماسینی دستکلیر.
آ.ج.پ ۴۰ میلیوندان آرتیق اینسانین ایستیفاده ائتدیگی تورکچهنی گونئی آذربایجاندا دؤولت دیلی اولاراق تانیر.
آ.ج.پ-نین دؤولتچیلیک آنلایشینا اساسن ایشگنجه و ائدام جزاسی کسینلیکله یاساق اولونمالیدیر.
هر بیر شخصین قانونلا قورونان دین، فیکیر، دوشونجه، جینسییت و سؤز آزادلیغی حاققی اولمالیدیر.
آ.ج.پ گلهجکده میللی حؤکومت ترکیبینده حاکیمییت کابینهلرینین یوزده ۵۰ قادینلاردان ایبارت اولماسینی دستکلیر.
تحصیلین بوتون پیللهلری هر کس اوچون دؤولت حئسابینا الچاتان و پولسوز اولمالیدیر.
آ.ج.پ آذربایجان توُرک میللتینین سعادتینی گونئی آذربایجانین تام موستقیللییینده و آردیندان گونئی و قوزئی آذربایجانین بیرلشمهسینده گؤرور.
پارچالانمیش آذربایجان یوردلارینین بوتؤولویو اوغروندا فعالیت قوتسال بیر گؤرو اولاراق قبول ائدیلیر.
آ.ج.پ ایکی دؤولتین رئفئرندوم یولو ایله بیرلشمهسینی مقبول گؤرور.
هر بیر آذربایجان وطنداشینین سربست شکیلده دین و مذهب آزادلیغی واردیر.
دؤولت لائیک و سئکولار اولمالیدیر. دین سیاسته هئچ بیر شرطله قاتیلمامالیدیر.
دؤولت میللی مدنییت و میللی عادت-اننهلره دؤولت سوییهسینده اؤزل قایغیسینی گؤسترمهلیدیر.
تاریخن ان قدیمدن بو گونه اجدادلاریمیز قوزئیده دمیر قاپی دربنددن باشلاماقلا، گونئیده کنگر کؤرفزینهدک اوزانان بؤیوک بیر جوغرافی ارازینی وطن ائتمیشدیر. ۱۹۲۵-جی ایلدن ایران دؤولتی طرفیندن آذربایجان خالقینا تطبیق اولونان آسیمیلیاسیا و ایرانلیلاشدیرما سیاستی نتیجهسینده میللتیمیزین میللی کیملیگی تهدید آلتینا آلینمیشدیر.
میللی درک و اویانیش مرحلهسی ۲۰-جی اصرین سونلارینداان تدریجن باشلانمیش و گئنیشلنرک دوام ائتمکدهدیر. میللی اویانیشین ایکینجی دؤوروو ۲۰۰۶ مای قیامیندان شاهلانیر و آذربایجان یئنی مرحلهیه قدم قویموشدور.
میللی اویانیشین یایقینلاشماسی میللتین سیاسی و میللی شوورونو یوکسلدیب، خالقیمیزین میللی گوجو، اؤز گووهنی، موباریزه عزمی آرتیب میللی روح دیرچلمهسینه سبب اولموشدور. ۲۰۰۶-جی ایل میللی قیامیندان سونرا آذربایجان میللی آزادلیق حرکاتی اؤزونو بیر سیاسی گوج آلتئرناتیوی اولاراق قبول ائتدیرمیشدیر.
آ.ج.پ-یه گؤره گونئی آذربایجان اوچون میللی بیرلیک اوچ ایستیقامتده یورودولمهلیدیر: داخیلده اولان میللی قووهلرین بیرلیگی، خاریجده اولان موهاجیر میللی قووهلرین بیرلیگی، و گونئی-قوزئی آذربایجان آراسی بیرلیک کؤرپولرینین سالینماسی ایله.
آ.ج.پ گونئی آذربایجاندا اینسان حاقلارینا، فیکیر و اینانج آزادلیغینا یئر وئرهجک موستقیل دؤولتین یارادیلماسینی واجیب سایر. دؤولت ایداره اوسولو دئموکراتیک دیرلری اؤزونده احتیوا ائدن جومهورییتدیر.
آ.ج.پ بوتؤو آذربایجان یوردلارینی واحید دؤولتده بیرلشمهسینی بؤیوک گلهجکله گؤرور. بیزیم مرامیمیز گونئی آذربایجاندا میللی دؤولت و بوتؤو آذربایجان بیرلیگی آرزوسودور.
آ.ج.پ عضولویونه قبول، فردی و کؤنوللولوک پرینسیپی اساسیندا حیاتا کئچیریلیر. یاشی ۱۸-ه چاتمیش هر بیر شخص پارتیا عضوو اولا بیلر.
گونئی آذربایجان ارازیلرینده عضولوک تامامیله گیزلیدیر و عضولرین کیملیک بیلگیلری یوکسک سوییده قورونور.
باشقا سیاسی تشکیلاتلارا عضو اولموش شخص، آ.ج.پ-نین عضوو اولا بیلمز.
هر بیر عضوون اؤز فیکیرلرینی پارتیا توپلانتیلارینا آزاد شکیلده ایفاده ائتمک حاققی واردیر.
آ.ج.پ-نین عالی اورقانلارینا فردی و یا کوللکتیو شکیلده موراجعت، تنقید و یا شیکایت ائتمک هر بیر عضوون دوغال حاققیدیر.
آ.ج.پ اؤز عضولرینین بوتون عضولوک حاقلارینی دونیانین هر بیر بؤلگهسینده آچیق شکیلده مودافیعه ائدیر.
آ.ج.پ-نین یوکسک و عالی اورقانی قورولتایدیر. اولاغان وضعییتده هر ۴ ایلده بیر دفعه کئچیریلیر.
قورولتایدا قرارلار ایشتیراکچیلارین ۲/۳-سونون ایشتیراکی ایله ۵۰٪+۱ سسله قبول ائدیلیر.
ج.ی.ق (جومهورییتچیلر یؤنتیم قورولو) پارتیانین سیاستلرینی و یول خریطهلرینی مویینلشدیریر.
جومهورییتچیلر یؤنتیم قورولو (ج.ی.ق)
دیپلوماتیک و اینسان حاقلاری قورولو
تشکیلاتلانما و کادرولاشما قورولو
مالیه، ایلتیشیم و مئدیا قوللاری
تفتیش و دیسیپلین قورولو
استراتئژی و آراشدیرما، سوسیال پولیتیکالار، امنییت قوللاری
بوتون حرکت و قرارلاریمیزدا شفافلیق، دوروستلوک و حئساباتلیلیق ایله فعالیت گؤستریریک.
ایستیقلال داواسیندا گونئی آذربایجان جمییتینین بوتون کسیملرینی بیرلشدیرمیه چالیشیریق.
ایجمامیزداکی موختلیفلیگی قیمتلندیریر و هر کسین سسینین ائشیدیلمهسینی تمین ائدیریک.
گونئی آذربایجانین و خالقینین اینکیشافی و ترققیسی اوچون داوامی شکیلده چالیشیریق.
گونئی آذربایجان خالقینین حاقلاری و آرزولارینین چیچکلنه بیلهجیی آزاد و موستقیل بیر گونئی آذربایجان یولوندا بیزه قوشولون. بیرلیکده، گونئی آذربایجان و قورورلو خالقی اوچون داها پارلاق بیر گلهجک قورا بیلریک.
