اکوسیستم فلاکتلر آیری-آیری دؤولتلری و خالقلاری،یوخ بوتون دونیانی و اینسانلیغی ناراحات ائدن پروبلئملردندیر.
سون گونلرده ائرمنیستان طرفیندن نخچیوانلا سینیردا آراز ساحلی اراضیسینده بؤیوک مئتاللورژی فابریکاسینین(کارخانه) تیکیلمسی بارده پلانین گوندمه گتیریلمسی هر کسین ناراحاتلیغینی آرتیرمیشدیر.
چونکی اوزون مدت’دیر کی ،(۱۳۸۵جی ایلدن)ائرمنیستان طرفیندن آراز چایینین چیرکله ندیریلمسی بارده گلن معلوماتلارگوندن-گونه آرتماقدادیر . بو سببدن ده بحث اولونان مؤوضوع آرتیق یئرلی و بئین الخالق ایجتیماعیتینده دقتینی اؤزونه جلب ائتمکده دیر.
بونا گؤره ده سؤزوگئدن مسئله ائله ایلک گوندن بئری آ.ج.پ و طرفدارلارینی دا جدّی شکیلده ناراحات ائتمکده دیر.
بئله کی، ائرمنیستان طرفیندن آراز ساحلینده اِکولوژی تارازلیغینین پوزولماسنی نه کی آراز چایینین سو جانلیلارینا، هم ده اراضینین فورم و یاپیسینا جدّی تأثیر ائدجکدیر.
بو اراضیلرده اکوسیستمین بوتونلوکله محو ائدیلجیی هر کسه معلومدور .
بوتون بونلار ایسه آرازین هر ایکی طرفینده یاشایان آذربایجانلیلارا دریندن تأثیر ائدیر . اونا گؤره،کی ایللردیر ائرمنیستانین نیروگاه هسته‌ای «متسامور» ان تهلوکه‌‌لی رادیواکتیو توللانتیلارینی (زیبیلرینی)آراز چایینا آخیتماسی آذربایجانین گونئیینده غربی آذربایجان، شرقی آذربایجان، موغان و اردبیل، ویلایتلرینین(استانلارینین) یئرآلتی سولارینی چیرکلندیریر و نتیجده اینسانلاریمیزدا،دَری، معده و باغیرساق سرطانی حدّیندن آرتیق آرتمیش، اطرافدا بیر چوخ جانلی, بیتکی و حئیوان حیاتینی ایتیرمیش, مینلر هکتار اکینجیلیک ساحه‌‌سی زهرلنمیش و اکینجیلیک، بالیقچیلیق و حئیواندارلیق پشه کارلیغی آغیر زیان گؤرموشدور.
گونئی آذربایجانین میلّی و چئوره آکتیویستلری(محیط زیست و فعالا ملی)دفعَلرله بو جینایتی ایشیقلاندیرسالار’دا ، ایران دؤولتی بو مسئله‌یه نه اینکی لاقئید قالیب، عینی زاماندادا فارس مولّا رئژیمی اؤزو ده ائرمنیستان کیمی بؤلگه نین طبیعتینی یوخ ائتمکده بؤیوک رول اویناییر.
آ.ج.پ فاجعه‌‌نین میقیاسینین داها دا گئنیشلنمدن درحال ائرمنیستان متالوژی کارخانه سینین کنترل آلتینا آلینماسینی، یئنی تیکینتیلرین درحال دوردولماسینی، آراز چایینین اولوسلاراراسی سويّه‌ده قورونماغا آلینماسینی واجیب گؤرور
آ.ج.پ اِکولوژی و طبیعی فلاکته یول آچان، آذربایجان و بؤلگه اینسانلارینین ساغلیغینی جدّی تهلوکه‌‌یه آتان، بؤلگه نین طبیعتینه و جانلیلارینا ضرر وئرن شیرکت و دؤولتلره قارشی اولوسلاراراسی محکمه واسطه‌‌سی ایله داوا آچیلماسینا طرفدار اولدوغونو آچیق بَیان ائدیر .
آ.ج.پ آذربایجاندا یوردداشلاریمیزین ساغلیغیندان و آذربایجان طبیعتینین اوزلشدیغیی تهلوکدن جدّی نیگاراندیر و بو مسله نین آجیل بئین الخالق سوییه ده، موذاکیره-یه چیخاریلماسینی واجیب ساییر و بو حاقدادا آددیملار آتاجاغینی بیلدیریر .
عزیز میلّی فعاللار و اوجا آذربایجان خالقی !
وطنیمیزی و بؤلگه لریمیزی بوروین یاپای(ساختا) و مهندیسلیک اولموش اِکولوژی و دوغا فلاکتلره سسسیز و سئیریجی قالمامالیییق. گلجک نسیللریمیز اوچون هرطرفلی وطنیمیزین کئشییینده دوروب، اعتراض سَسلَریمیزی یوکسَلدیب، ائرمنیستانین جینایتکار عمللرینی بیرلیکده محکوم ائتملیییک.
حؤرمتله،
آ.ج.پ-نین اینسان حاقلاری و چئوره مودافیعه قورولو
۱۴۰۲ جی گونش ایلی- قوراپیشیرن آیین۲۷سی