تۆرک میللئتی گۆنئی آذربایجاندا بیر عصره یاخؽندیر کی، کیملیگینین اینکارؽ، ایستیسمار و ایران دؤلتینین سیستئملی باسقؽسی و قانلؽ رئژیملر آلتؽندا یاشایؽر، آما هئچ واخت مغلۇب اوْلماییب. تۆرک کیملیگی یاشایؽر، آذربایجانؽن ایرادهسی یاشایؽر و آزادلؽق اوْدو تۆرک میلتینین قانؽندا یانؽر.
آذربایجانداکی قالخان حرکتلر «ایران-مرکزلی اعتیراضلارؽن» بیر پارچاسؽ دئییل؛ بلکه تۆرک میلتینین ایستیسمار و ایشغالدان آزادلؽغی اۇغروندا مۆباریزسیدیر، فارسچؽ رئژیملره و تۆرک میلتینین وارلؽغی، دیلی و تاریخینی هدف آلان ایران سؤمورگهچی دؤلتینین سترۇکتورلارینا قارشؽ بیر مۆباریزدیر.
هر کَسَه آیدؽندیر کی، تۆرک میلتی و گۆنئی آذربایجانؽن میللی حرکاتؽ مۆستقیل و دؤلت قۇرماغا یؤنلمیش شکیلده مۆباریزه آپارؽر.
آذربایجانین قیامؽ ایران-مرکزلی مۆخالیفین آرتؽغی و یاماغی اوْلمایاجاق و آذربایجان هئچ واخت سیاسی اوْغورلوقلارا یوْل وئرمهیهجک.
آذربایجان اؤز میللی شۆعارلاری، بوْزقورد نیشانؽ و مۆستقیل ایرادهسی ایله اؤز طالعیی اۇغروندا مۆباریزه آپارؽب آپاراجاق.
تورک میلتینین مقصدی آیدؽندیر:
گونئی آذربایجان تۆرک میلتینین اؤز طالعیینه صاحیب چؽخماسی و میللی، چاغداش و دئموْکراتیک بیر جۆمهورییتین قۇرولماسی.
بیز تۆرک میللئتی اوْلاراق، اؤز مۆقددراتینی تعیین ائتمک حاقؽنا اساسلاناراق، فارسچؽلیق و ایرانؽن ایستیسمار سیستئمینه قارشؽ گئری چکیلمَیجَییک.
یاشاسؽن گۆنئی آذربایجان!
یاشاسؽن تۆرک میلتی!
گۆنئی آذربایجان جۆمهورییت پارتیاسؽ
۸ یانوار ۲۰۲۶
۱۸ دی ۱۴۰۴