هم وطنلر عزیز طالعیین حؤکمونه بوراخیلمیش باجی و قارداشلاریمیز , اوزون ایللردیر ایشغالچی ایران دؤولتی موختلیف ایستیقامتلرده خالقیمیزا قارشی آیری-سئچکیلیک سیاستی یوروتمکله اینسانلارمیزی آغیر ایتکیلرله باش-باشا قویموشدور .
بو حال ایشغالچی ایران یؤنتیمینین بؤلگه میزده و اؤز آنا وطنیمیزده میلّی کیملیییمیزین و وارلیغیمیزین اورتادان قالدیریلماسی ایستیقامتینده آپاردیغی دوشونولموش سیاستین بیر پارچاسیدیر .
بئله،کی میللَتیمیزه قارشی یوز ایلله ردیر آیریمچیلیق سیاستی ایله، دیلیمیزی ، تاریخیمیزی کولتورل(مدنی )ديَرلریمیزی نئجه محو ائتمک یولونو توتموشلارسا، بو گون ده بؤلگه لریمیزده اکولوژی وضعيّتی سونی شکیلده پیسلَشدیرمکله خالقیمیزین ساده یاشام حیاتینی یوخ اِئتمیی پلانلامیشلار .
ایران رئژیمینین بو ایسته یینی اورمو گؤلونون بیلَرکدن قورودولماسی ایله اورمو بؤلگه سینده و اطراف اراذیله ریمیزده بؤیوک اؤلچکلی(میقیاسلی) اِکولوژی فلاکتلره یول آچماسی ایندی آیدین شکیلده گؤرسنمکده دیر.
اورمو گؤلونه آخان اونلارجا چایین اوزه رینده ایران رئژیمینین پلانلاری اساسیندا ایللر اؤنجه صُوننی (مصنوعی)سو سدلری و بندلرینین قورولاراق آخیشین اؤنونون باغلانماسی, همین بندلره توپلانمیش سولارین اساساً اورمو و اطراف بؤلگه لرده اِکولوژی فاجعه‌‌نین تمه لینی آتیلمیشدیر.
هر کسه معلومدور کی اورمو گؤلونو بسلین(تغذیه اولان) سولارین قارشیسی ایللر اؤنجه آلینماغا باشلانیلسادا ، بو سوسوزلوغون یاراتدیغی فلاکتلر بؤلگه اینسانلاری اوچون ایندی داها آچیق شکیلده اوزه چیخماغا باشلامیشدیر.
بئله،کی اورمو و اطراف اراضیلره حیات کئچینجیی بیلا واسیطه اکینچیلیغه باغلی اولان ساده اینسانلار اوچون آرتیق بو بؤلگه لرده یاشاماق-گوندن گونه چتینلشمکده دیر
اورمو گؤلونون قوروماسی نتیجه سینده بورادا ییغیلمیش تونلارلا دوزون اطراف اراضیلره یاییلماسی ایله، اَکینچیلیک اوچون یارارلی تورپاقلارین بوتونلوکله سیرادان چیخاریلماسینا و تورپاقلارین شورانلاشدیریلماسینا سبب اولماقدادیر.
بئلجه اورمو گؤلونون قوروماسی نتیجه سینده بورادا یارانان فلاکت، دوز فیرتیناسی ایله اطراف اراضیلَریمیزی ده اؤز اِئتکیسی(تأثیری)آلتینا آلماسینا یول آچیر .
نتیجده اورمو و اطراف بؤلگه لرده حیاتین بو شکیلده بیلرکدن توکدیلمسی ایله بوراداکی ۱۵ میلیونا یاخین آذربایجانلینین بو گونَدک مؤوجود اولموش آغیر حیات شرطله رینی داها دا چتینلشمیش اولور .
۱۵ میلیون آذربایجان تورکونو اؤز آنا وطنینی تَرک اِئتمیه مجبور قویان بو پیللانلی فلاکت، عینی زاماندا آذربایجاندا ایران دؤولتینین ایستَدیغی ائتنیک مهندیسلیغین’ده خیدمت ائدیر .
اورمو گؤلو فلاکتی سببی ایله سون ایللرده یوزلرله آذربایجان کندی بوشالیب و آزربایجانلیلار مهاجیرته مجبورقالیب.
سون ۵ ایلده دوز فیرتینالاری(طوفان نمکی) سببیله باتی آذربایجادا۲۰٪دَری سرطان خسته‌لیگی آرتیب .
عزیز و اوجا تورک،میللتی
بیزیم اَن اؤنملی بورجوموز وطنیمیزی یادلارا،ساتماییب قوروماق و اورمو بؤلگه سینده میللتیمیزه قارشی بالادیلمیش بو باسقیلاری دورمدورماقدیر.
بونون اوچون بیزلر میللت اولاراق هر آن آیاقدا اولمالی, رژیمه قارشی اؤز دیره نیشیمیزی گؤسترمکله اونلاری اورموموزون اؤز دوغال(طبیعی ) قایناقلارینی برپا ائتمیه مجبور ائتمَلییک بونون یولو هاممیلیقجا کوچه و خیابانلارا چیخماق، بوتون بؤلگلَریمیز و میللَتیمیزیده اورمو یا دستک وئرمیه چاغیرماقدیر .
گونئی آذربایجان جومهورییت پارتییسیده میللتینی اؤز آزادلیق و حوقوقلارینی مودافیعه ائتمک اوچون مئیدانلارا چاغیریر .
ای آذربایجانین ایگید قیزلاری اوغوللاری
آرتیق فارس مولّا رئژیمی و چوروموش ایران دؤولتچیلیغی سون نفسلرینی وئریر .
دونیادان تجرید اولونوب ،بونونلا یاناشی بیزیم اوّلکی ایللرله موقایسه‌ده داها چوخ اورگانیزه و میلّی گوجوموز وار.
امین اولاق کی اگر بیز اَل اَله وئریب چیین-چیینه اولورساق هم میللتیمیزین حاق سسینی دونیایا یایا بیلیریک هم ایران بیگانه قوووه لرینه آغیر ضربله‌ر یئندیره بیلریک.
بیز جمهوریتچیلر، ایگید و قهرامان تورک میللتینی هر زامان مئیدانلاردا اورمو گؤلونون هارایینا دستک گؤسترمیه چاغیریریق .
هر ساعت اعتراض ساعتی، هر یئر اعتراض مئیدانی
حؤرمتله ،
آ.ج.پ-نین یؤنه تیم قورولو