آذربایجان جومهورییتینین اؤز اراضی بوتؤولوغونون برپاسی و بؤلگده باریشین و عدالتین حاکم اولماسی ایستیقامتینده یوروتدوغو سیاست، آذربایجانین گونئینده یاشایان آذربایجانلیلار طرفیندن ده دقتله ایزلنیلمکده و دستکلنمکده دیر .
آنجاق اؤنجه’دن بللی اولدوغو کیمی آذربایجانین بو خوش‌نيّتلی و اولوسلاراراسی قایدالار ایچریسینده اولان چالیشمالارا قارشی سؤزده ایسلام پرده سینه بورونموش ایران شووینیست رئژیمی وار گوجو ایله مانع اولماغا و یئنیدن بؤلگده ثابتلیغی پوزماغا،جهدلر ائدیر
هرکسه آیدیندیر کی ایرانین اساس دردی زنگزور دهلیزی و یا ائرمنیستان دئییل، بلکه ایشغالیندا توتودوغو ۳۰میلیونلوق گونئی آذربایجان تورککونون مؤوجودییتی,گونئی آذربایجان تورکلرینین ایستیقلال و بوتؤولوک ایستغی و بونونلا موازی آذربایجان دؤولتینین گونو گوندن گوجلنمسی و بئللیکله بوتؤو آذربایجاندا میلّی دوشونجه نین سیستملشمسی و گوجلنمسیدیر .
بیز گونئی آذربایجان جومهورییتچیلری اولاراق حادثه‌‌لری یاخیندان ایزلَییر و بَیان ائدیریک کی، ایرانین آذربایجان دؤولتچیلیغینه و اونون موستقیل سیاستلرینه قارشی، آذربایجان تورکلرینین میلّی منافعلرینه و میلّی تهلوکه‌‌سیزلیغینه قارشی هانسیسا تخریبات فعالیّتلرینه، گونئی آذربایجان جومهوریییتچیلری سسسیز قالمایاجاقدیر. بئلنجی بیر حالدا جبهه خطتیمیز زنگزور یوخ ایصفهان و تهران اولاجاقدیر .
گونئی آذربایجان جومهورییت پارتییاسی(آ.ج.پ)