۱۰۶ ایل اؤنجه غربی آذربایجاندا اَلی‌یالین تورکلره قارشی، کوتلوی قتلعاملار دوزنلنمیش و بو میللتیمیزین تاریخی یادداشیندا اَن چوخ جیلوولوق فاجعه‌‌سی، یا قارا قیرقین کیمی عکس اولونموشدور.
جیلوولوق قیرقینی، بیر سویقیریم کیمی نه’اینکی بؤلگه’ده عینی زاماندا ، دونیا گوندمینده هله’ده اولماییب .
جیلوولوق قیرغینینین اساس تتیکچیلری(ماشه لری ) تورکلره کین و نیفرتی ایله سئچیلرک بؤلگه’یه یئرله شدیریلمیش ائتنیک ائرمنی، آسسوری و کورد کوالیسیون دسته لری ایدی.
سویقیریملاردا سلاحلی کورد دسته لرینه اسماعيل آقا سمیتکو، ائرمنی دستلرینه پئتروس آغا، مسیحی آسسوریلره ایسه مارشیمون باشچیلیق ائتمیشدی .
بئلجه بو ائتنیک سلاحلی قولدور دسته لری اورمو ، سالماس و خوی شهرلرینده آذربایجان تورکلرینه قارشی قتلیام فاجعه‌‌سینین ذیروه نؤقطه‌‌سی ایسه-۱۹۱۸ جی ایلین مارتیندا یئنی گون(نووروز ) بایرامینین آخیرینجی چارشنبه’سینده اولموشدور.
بئله،کی -۱۹۱۸ جی ایلین،مارتیندا یئنی گون(نوروز) بایرامینین سونونجو چارشنبه سینده ،قوجا -اوشاق-قادین دئمه دن ۲۵۰- ۳۰۰ مین آرالیغیندا غربی آذربایجان تورکو میلّی سویقیریما معروض قالاراق قتله یئتیریلمیشدیر .
بیرلشمیش-ائرمنی کورد و آسووری دسته لری ۱۵۹ گون بویونجا اورمو، خوی و سالماسین آیری-آیری کندلرینده تورک اهالیسینه کوتلوی دیوان توتاراق دینج اهالینی قتله یئتیرمیشدیلر .
دوزدور تاریخین او چتین گونلرینده خالقیمیزین ایمدادینا یئتن و میلّی کیملیکیمیزین قورونوب ساخلانیلماسینا و غربی آذربایجاندا داها چوخ اینسان فاجعه‌‌سینه یول وئرمه ین ، میللتیمیزه آچیقدان-آچیغا دستک اولان آنادولولو قارداشلاریمیز ، او زامانکی عثمانلی اوردوسو اولموشدور .
اگر تورک اوردوسو خالقیمیزین ایمدادینا یئتیشمسییدی جیلوولوق فاجعه‌‌سی قوربانلارینین سایی اوچ یوز مینی داها چوخ آشاجاقدیر
باتی آذربایجانداکی بو منفور اولایلارین پلانی، ،دوننده بو گونده سوزده دئموکراسی بئشییی ساییلان غربده جیزیلماقدادیر .
بونون اوچون،اینگیلتره فرانسا و روسیه طرفیندن حمایه اولونان بو سناریوسینده ائرمنیلرله یاناشی کورد و آسسوریلر ده ایشتیراک ائدیردی .
بؤیوک دؤولتلر تئررورچو قوووه لر ایله اورمیه گؤلو اطرافیندا“ کیچیک ائرمنیستاندؤولتی” ،“ کوردوستان دؤولتی” و“ آسسور دولتی” یاراتماغی هدفلمیشدی مقصد :
۱-بو گون اولدوغو کیمی او دؤنم ده حاکم تورک میلّی کیملیکینی اورتادان قالدیرماقلا بؤلگه’ده غئیری تورکلردن عبارت بؤیوک فئدئراتیو دؤولت یاراتماق ایدی .
۲- بؤلگده ماراقلاری اولان سؤزده دئموکراسی کئشیشچیلری ، بو گونکی دونیا گوجلری – بؤیوک،بریتانییا فرانسه و روسیه، اوزامانکی قاجار و عثمانلی امپئریالاری ییخیلدیقدان سونرا ، آذربایجان سرحدینده و بؤیوک تورک میللتینین آراسیندا اوچلو دیوار هؤرمک ایستَمیشلر .
بو دیوار تورکلری هم تورکلر بیر بیریندن آیری توتاجاق ، هم اورتالاریندان قیلینج کیمی کئچن ۳ آنتی تورک دؤولتلری ایله بوغوشاجاق.
باتی آذربایجان نه‌دن هم یوز ایل اؤنجه ، هم ده بو گون بو ایغتیشاشلارا معروض قالیر ؟
بونون بیر نئچه سببی وار !
بیرینجی باتی آذربایجان اورمو بؤلگه’سی باشدان تورک میلّی کیملیکینین یارانیش و دؤولتچیلیک تاریخینین باشلانقیج یری و بونؤوره’سیدیر. اؤنجه تاریخی کیملیکیمیزی محو ائتمک اوچون بو بؤلگه دقته آلینماقدادیر.
ایکینجی بو بؤلگه استرارتژی اولاراق آنادولو یوردالاری ایله ان سیخ حالدا مرز و سینرا مالیکدیر . بو سینیرلار ایشغال اولونارسا، تورک دونیاسینین بیرلشمسی و بؤیومغیینین و وارلیغینین اؤنو آلینار .
بو پلانی بوگون باشقا بیر شکیلده بؤیوک گوجلر ایللر اؤنجه آنادولونون دوغوسوندا و گونئی ده غربی آذربایجاندا تئررور واسطه‌‌سی ایله گئرچکلَشدیرمیه جهد ائتمیشدیر.
اوچونجو غربی آذربایجان و اورمو بؤلگه سینین ژئو سیاسی اهمییتیدیر. اورمو آذربایجانین دونیایا آچیلان قاپیسیدیر .
بو قاپی تاریخ بویو تورکلره هر جهتدن اوستونلوک وئرمیشدیر .
باتی و اوزاق شرقین کئچیدی اولان اورمو، چاناققالا کیمی خوصوصی گئوپولیتیک اهميّته.مالیکدیر
یوخاریدا سادالانان منفور پلانلی اولایلار بو گون تاریخی تورپاقلاریمیزدا باتی آذربایجاندا و اورمو بؤلگه سینده بو گون ایران دؤولتی واسطه‌‌سی ایله میللتیمیزین اوزه رینده تکرارلانماقدادیر .1
ایران دؤولتی و اونون باشینا گلن رئژیملر ایسه ائله قئید ائتدیغیمیز باتی گوجلرینین محصولودور .
ایران مولّا رئژیم طرفیندن بؤلگده تتیکله نن و باش وئرن پروسئسسلرده آچیق شکیلده گؤرولمکده دیر.
بو گون بؤلگده غئیری میللتلرین تورکلرین اوزه’رینه قالدیریلماسی یئنیدن آنولوژی حادثه‌‌له رین تکرارلاندیغینی ثبوت ائدیر .
آرتیق بیر چوخ خاریجی باتی دؤولت پارلامئنتلرینده قوندارما“ ائرمنی”سویقیریمی نی تانییانلار و یا اونلارا دستک وئرنلر ائلجه’ده ، اؤزلَرینه اینسان حاقلارینی شوعار ائدیب دونیایا-حاقدان عدالتدن مئیدان اوخویانلار، تاریخین ان دهشتلی اولاییندان جیلوولوق فاجعه‌‌سیندن دانیشمادیقلارینین نه’دنی بللیدیر تأسوفکی، اینسانلیق و تورک میلّی کیملیکینه قارشی یؤنلمیش بو آنتی بشری فاجعه‌‌یه ، یعنی جیلوولوق فاجعه‌‌سینه نه’اینکی باتی دؤولتلری ائلجه’ده هم قوزئی آذربایجان هم ده تورکیه’ده رسمی شکیلده هللیک گرکن قیمت وئریلمه مکده دیر.
بیز گونئی آذربایجان جومهورییت پارتیسی اولاراق امین بیلدیریریک کی، تورک دونیاسینین بیر چوخ پروبلئملرینین چوزوم نقطه سی جیلوولوق قیرغینینی آراشدیرماق و دونیایا تانیدماقدان کئچجک.
بیز آ.ج.پ اولاراق دونیا میللتلرینه و خالقیمیزا بَیان ائدیریک کی، ۱۰۶ ایل اؤنجه(یئنی’گون)نووروز بایرامی اؤنجه سیندن باشلادیلان باتی آذربایجانداکی سویقیریم اولایلاری ،جیلوولوق فاجعه‌‌سی میلّی کیملیکیمیزین سیلینمَسینه و یوردلاریمیزین ایشغالیناحِسابلانمیشدیر .
بو سببدن او حادیثه لر و اونلارین دوغروغو سویقیریم قتلعاملاری و فاجعه‌‌لر میلّی یادداشیمیزدان سیلینمه ییبدیر .
او زامان میللتیمیزه یعنی تورک میلّی کیملیکینه قارشی دوشمن کسیلمیش معلوم قوووه لر بو گون یئنه’ده هم رئژیمین همده ، بؤلگه’میزده ماراقلاری اولان آنتی تورک گوجلَرین اویونچوسوناچئوریلمکده’دیر .
بیز-آچیقدان آچیغا هم ایران رئژیمینه هم ده اونلارین حمایَسینه سیغنمیش بعضی ائتنیک خالقلارا بَیان ائدیریک کی میللتیمیزه قارشی یئنیدن بیر حرکتلنمه لره یول وئریلجیی تقدیرده بیز میللت اولاراق آیاغا قالخیب ۱۰ برابر میثیللمسی ایله هر کسین جاوابینی وئرجییک.
حؤرمتله ، گونئی آذربایجان جومهورییت پارتیسی(آ.ج.پ )
آنالایز آراشدیرما و تحلیل مرکزی
تبریز شهری
سون چرشنبه ۱۴۰۲ گونش ایلی