عزیز میللتیمیز ,
معلوم اولدوغو کیمی۲۱. یوز ایلینین ان بؤیوک فاجعه‌‌سی اولان خوجالی سویقیریمی ائرمنیلر طرفیندن روس و فارس قووولرینین یاردیملاری ایله آذربایجانلیلارا قارشی سیستماتیک و مقصدیؤنلو اولاراق حیاتا کئچیریلمیش ائتنیک تمیزلمه سیاستینین نؤوبتی بیر مرحله‌‌سی ایدی.
بو سویقیریم سون یوز ایلده میللتیمیزه قارشی حیاتا کئچیریلمیش ان اوتانج وئرن و ان قانلی سویقیریم حادثه‌‌له ریندن بیریدیر .
۱۹۹۲- جی ایل فئورال آیینین-۲۵ دن-۲۶ نا کئچن گئجه (۱۳۷۳ جی ایل اسفند آیین ۶ دان ۷ سینه گچن گئجه)ائرمنیستان سلاحلی قوووه لری خانکندی شهرینده یئرله شدیریلمیش روسیه نین-۳۶۶ جی موتواتیجی آلایینین کؤمگی ایله خوجالی شهرینین دینج اهالیسینی کوتلوی شکیلده قتله یئتیرمک مقصدیله تپه دن-دیرناغادک ان مودئرین سلاحلارلا هوجوما کئچدی .
یئددی مین نفر اهالیسی اولان بو شهر یئرله يِکسان ائدیلَرک ساکینلری سویقیریما معروض قالدی.
نتیجده خوجالیدا بیر گئجده ۶۱۳ نفر،آذربایجانلی او جومله‌‌دن اونلاردان ۱۰۶ نفر،قادین ۶۳ نفر اوشاق و ۷۰ نفر آهیل شخص اولماقلا خوصوصی قدّارلیقلا.اؤلدورولموشدور
میللتیمیزه قارشی بو سویقیریم حادثه‌‌سی ایلک دئییلدی.
ائله سون عصرین باشلاریندا, یعنی ۱۹۰۵-۱۹۰۶ و ۱۹۱۸-۱۹۱۹ جو ایللرده آنولوژی سوییقیریملار حیاتا کئچیریلمیشدیر .
روس و ائرمنی سلاحلی بیرلشمه لری طرفیندن آذربایجانین قوزئیینده باکیدا ،قوبادا شاماخی شهرلرینده اولدوغو کیمی۱۹۱۸-جی ایل گونئی آذربایجانین،اورمو ،خوی و سالماس شهرلرینده ده-کورد ائرمنی، فارس، آیسور و ساعیر ائتنیکلر الی ایله خالقیمیزا قارشی گئنیش سویقیریملار حیاتاکئچیریلمیشدیر گونئی آذربایجاندا ۱۵۹ گون داوام ائدن قانلی جیلولوق قیرغینلار نتیجه سینده ۱۵۰ مین آذربایجان تورکو قتله یئتیریلمیشدیر. بوتون بونلار عینی مرکزدن ایداره اولونماقلا میلّی کیمیلیکیمیزین اورتادان قالدیریلماسینا حِسابلانمیشدیر .
بوتون بو ظولوم اولایلارینا رغماً بو گون چوخ غورورلویوز .اونا گؤره،کی آرتیق دونیا آذربایجانلیلارین عدالتلی بیر دؤولتی و گوجلو بیر اوردوسو واردیر .
بیز گونئی آذربایجان جومهورییت پارتیسی اولاراق اینانیریق کی ، ائرمنیستان دؤولتی آدیندان سون عصرده ائرمنیله رین آذربایجان تورپاقلارینا قارشی ائدیلمیش وحشی تجاووزو زامانی تؤردیلمیش بوتون جینایتلرین حِسابینی سوروشماق زامانی آرتیق گلیب چاتمیشدیر.
آ.ج.پ اولاراق عدالتین برپاسی و اینسانلیغا قارشی تؤردیلمیش قانلی سویقیریملاری تکرارلانماماسی اوچون ائرمنیستان دؤولتی آدینا ادعالی اولانلار هم-۱۹۱۸ جی ایل ۱۵۹ گونلوک گونئی آذربایجان سویقیریمینا(جیلوولوق)، هم قوزئی آذربایجانداکی ۱۹۱۸-جی ایل مارت سویقیریملارینا ، هم ۱۹۹۲-جی ایل خوجالی قتلیعامینا، هم ده اونلارین واسطه‌‌سی ایله تؤردیلمیش دیگر محاریبه جینایتلَرینه گؤره ارمنیستان دؤولتی، بئین الخالق محکمه قارشیسیندا جاواب وئرملی اولدوغونو گرکلی گورور .
اراضی بوتؤولوغوموز و میلّی کیمیلیکیمیزین آیاقدا توتولماسی یولوندا تجاووزلر زامانی شهید اولموش مینلرله سویداشیمیزا اوجا تانریدان رحمت دیله ییر و میللتیمیزی بو آغیر فاجعه‌‌لردن تاریخی درسلر چیخاریب ,گلجکه دوغرو بیرلیک و برابرلیک گؤسترمه سینی ائتدیرمه سینی آرزولاییریق .
گونئی آذربایجان جومهورییت پارتییاسی
۷ اسفند ۱۴۰۲