عزیز یوردداشلار ! اوجا میللتیمیز
دوز ۷۹ ایل اؤنجه شهریور آیینین ۱۲ سینده آذربایجان دِموکراتیک فیرقه’سی ایللردیر آزادلیق عشقی ایله چیرپینان و بو یولدا آغیر موجادیله وئرمیش میللتیمیزین سسینی دونیایا چاتدیرماق قرارینا.
گلدی بونون اوچون ۴۸ نفر وطن‌سئور و آزربایجان میللی حرکاتین متشخص شخصین ایمضاسی آلتیندا یارانمیش تاریخی فورصتی زامانیندا.ديَرله ندیردی بو ۴۸ نفرین ایمضاسی ایله تبریزدن خالقیمیزا میلّی موجادیله نین فعالیّتینی اؤزونده عکس ائتدیرن ۱۲ بنددن عبارت بیر موراجعتنامه عنوانلاندی.
بو موراجعتنامه نین اساس قایسی میللتلرین خوصوصاًده ایران آدلانان قوندارما دؤولتین چوخلوق سایینی یارادان تورک میللتینی اؤز آزادلیغی یولوندا بیرلییغینی یاراتماق اوچون آنا تمللری آشکارا چیخاراراق بو هدفلر اوغروندا موباریزه آپارماق ایستَیغینی اورتایا قویدو.
بونون اوچون ده میلّی هدفلر اوغروندا ۱۲ شهریورده باشلایان تشکیلاتلانما اوچ آی سونرا بویوک آذربایجان تاریخینده خالقیمیزا ۲۱ آذر ظفری کیمی بیر میلّی ظفر بخش ائتدی.
بئللیکله اوچ آی ایچینده سرعتله فورمالاشمیش آذربایجان میلّی حرکتی خالقیمیزا آزادلیق و ایستیقلالین لذّتینی دادیزدیردی. نتیجده بیر ایللیک دؤنمده میلّی حؤکومت،قورولدو تورک میللتی اؤز دیلینه، اؤز کیملیغینه، اؤز یوردونا، اؤز طالعیینه، یییه صاحیب دوردو. بوتون بونلار میلّی هدفلر یولوندا بیرلیکده تشکیلاتلانما ایله مومکون اولدو.
بیز گونئی آذربایجان جومهورییت پارتییاسی(آ.ج.پ) اولاراق بونون ديَیرینی آنلاییر و یوکسک قیمتلَندیریریک.
بو مینواللا او تاریخی نائلیّتلردن دولایی، اوجا میلتیمیزی همین میلّی بیرلیغین اوغورلارینین-۷۹ جی ایل دؤنومو موناسیبتی ایله تبریک ائدیر و بو گونده خالقیمیزی میلّی هدفلر اوغروندا بیرلیکده موباریزه آپارماغا سسله ییریک. بوگون بیز بیر خالق کیمی یاخشی بیلیریک کی میلّی بیرلیک اولمادان میلّی باغیمسیزلیغا ، میللی جمهوریته چاتماغینین مومکون اولمادیغینی بیر داها هر کسه دویورماق ایسته ییریک .
عزیز آذربایجان گئنجلری، ایگید آزربایجان میللی حرکاتچیلاری!
آزربایجان و دولاسیلا آذربایجان میلّی آزادلیق حرکتی چوخ حساس، مرکب و چتین دؤنمدن کئچمکده دیر. وطنیمیز و میللتیمیزین بو حساس دؤنمی باشاری ایله باشا چاتدیرماسی اوچون، خالقیمیزین تک اومید یولو اؤنجلیکله واحید جبهده تشکیلاتلانماقدیر. بو گون آذربایجان میلّی حرکتی بؤیوک بیر پتانسییئله صاحب اولماسینا باخمایاراق، آذربایجان گنجلیغیی اؤز میلّی تفکّور سیستمینی و مدنی موباریزه مئتودلارینی، مؤوجود تشکیلاتلاریمیزین ایچینده تاپمامیشدیر. بو سببدن تورک گنجلیغیمیز، آذربایجان ایستیقلالییت یولونداکی هدفلرینه چاتماسی یولونداکی موباریزه سینی سیستملی و موتشکّیل شکیلده آپارماسیندا چوخ چتینلیکلر چکمکده دیر.
آزربایجان میللی حرکاتینین چکدیغی چتنلیک،ضعف سیاسی و تشکیلاتیسی،آزربایجان میلتینه و اونون مبارزه’سینده و حتی بوگون تورک میللتینین یاشام شرطلرینده چوخ بویوک تاثیرلر بیراخمیشدیر.
بونون اساس نَدنلریندن، بیزیم سون ۲۰ ایلده یانلیش و غیر اصولی تشکیلاتلانمامیز، تشکیلاتلاریمیزی دوغرو تانیتماماق، ضعیف سیاسی’لشمک، میللی شعورایله سیاسی شعور بیرگه موازی قاباغا آپارماماقدا ساخلیدیر. دیگر سببی ایسه ایران رئژیمینین آذربایجان تشکیلاتلارینا قارشی توتدوغو سرت و وحشی توتوملاردا، ائلجه ده میلی تشکیلاتلارا قارشی آپاردیغی اعتبارسیزلاشدیرما و روانی ساواشیندادیر. ایران رژیمینین میلّی حرکتیمیزی فتنه لر ایله بؤلمک سیاستلری،تورک میلتینده سیاسیلشمک دَبینی و فرهنگینی آرادان آپارماق، آزربایجان سیاستچیلرینی و تشکیلاتلارینی میلتین گوزدن سالماق و نهایت میللتیمیزی متشکل اولماقدان اوزاقلاشدیرماق تاکتیکلرینین بیر حیصه سی نه یازیق کی باشاریلی اولموشدور.
محض بو سببدن آ.ج.پ اولاراق، آذربایجان میلّی حرکتینین گونئی آزربایجاندا میللی جومهورییتچیلیک اوغروندا موجادیله وئرن ایگید فعاللارینی، آذربایجانین مودرن و بیلیمسل تشکیلاتلانماسینی، ائلجه’ده بوتون آذربایجان گنجلیغینی بیر تشکیلات ایچریسینده یومروق تک بیر اولماسینی واجیب گؤرمکدییک.
گونئی آذربایجان جومهورییت پارتییسی ديَرلی و ایگید میلّی فعاللاریمیزی قوتسال وطن دؤیوشونده اؤز سیرالاریندا گؤرمیی آرزولاییر .
عزیز بووتو آزربایجان میللتی
بو گونده آ.ج.پ اولاراق دوشونورک کی گونئی آذربایجانین آزادلیغی و ایستیقلالی نه قدر گونئی آذربایجان خالقینین داخیلی موباریزسیدیرسه، بیر او قدر ده قوزئی آذربایجانین بوتؤولوک داواسینین ترکیب حیصّه‌‌سیدیر.
بیز اوتایلی بو تایلی، بوتون آزربایجانلیلاری ،بیر واحد خالق کیمی قول قولا کچیریب، بوتوولوغوموزون اَن بویوک انگلی اولان ایران دولتی و دولتچیلیغی و ائله’جَده ایرانچی دوشونجه سینه قارشی متشکل و سیستملی مبارزه آپارمالییق.بونون اوچون آج.پ اولاراق حِساب ائدیریک کی، قوزئده اولان سویداشلاریمیز طرفیندن، میللتیمیزین گونئی آذربایجاندا مئیدانلاردا و خیابانلاردا باشلاتدیغی میللی آزادلیق حرکاتینین ماهیتینی و هدفینی دوغرو گوروملی، سسلندیردیغی میلّی شوعارلارا دیقتله قولاق وئریلملی، اوجالان شوعارلاریمیزین سیاسی مساژلاری دوغرو اوخونمالیدیر. گونئی آذربایجانین بو سیاسی-میللی یولو، تام تبریز مرکزلی سیاستلریله و گونئی آذربایجانین سیاسی آتموسفئریله اویوملو ایررلمسی لازیمدیر.
بو یولدا خالقیمیز بیرلیک و برابرلیغینی اورتایا قویاجاغی سورجده میللت اولاراق قورتولوشوموزا داها آسان و سرعتلی اولماقلا بیرلیکده ، عینی زاماندادا اؤزگورلوغوموزو ، ابدی الده ائدجییک.
دَرین حرمتله
گونئی آذربایجان جومهورییت پارتیسی