بیرلشمیش میللتلر تشکیلاتینین ایقلیم ديَیشمه لری عوذره چرچیوه طرفلر کونفرانسی کوپ COP 29 دونیا لیدئرلرینی“ یاشیل دونیا نامینه همرأی”اولاق شعاری آلتیندا آذربایجان جومهوریییتینده توپلانماسی هر کس طرفیندن دقتله ایزلنمکده دیر.
همچینین کوپ ۲۹ چرچیوسینده آذربایجان جومهورییتینین ائو صاحبلیق ائتمسی، آذربایجان جومهورییتینین وطنداشلاری کیمی ۴۰ میلیونلوق گونئی آذربایجان طرفیندن ده رغبتله قارشیلانیر .
ایران اسارتی و ایشغالی آلتیندا اولان گونئی آذربایجان دا بو مدتده تکجه اینسانلار یوخ عینی زاماندا گونئی آذربایجان طبیعتی و ایقلیمی ده رئژیمین یاراتدیغی سورونلارلا اوز اوزه قالیب.
ایران رئژیمی بو گون چاغداش دونیامیزدا هئچ بیر بشری ديَرلره نه’اینکی حؤرمت قویمور، هم ده هر آددیمدا بشر اؤولادینا و موعاصیر دونیا اوچون آچیق تهلوکه‌‌لر یارادیر .
گونئی آذربایجان آدیندان دونیا دؤولتلرینه سسلَنَرک بونا ایکی فاکت اوزه ریندن دقت یئتیرمک ایستردیک.
۱- مین ایللردیر مؤوجود اولان اورمو گؤلونون ایللرده دوشونولموش قرارلارلا سرعتله و صونی شکیلده قورودولماسی، هم بؤلگه، هم ده دونیا عوذره ایقلیم ديَیشمه لرینه یول آچان ان جدّی تهدیدلردندیر چونکی اورمو گؤلونون قورودولماسی ایله هم اطراف بؤلگه لرین کوتلوی شکیلده دوز چؤلونه چئوریلمه سینه هم ده بؤلگه ائکوسیستئمینین آچیق شکیلده مهو ائدیلمسی پلانلانیر. ایرانین گونئی آذربایجاندا طبیعته قارشی سرگیلدیغی بو توتوم، یالنیز بیزلری یوخ ! قونشو تورکیه ،آذربایجان، ائرمنیستان و باشقا اطراف دؤولتلری ده چئوره فلاکتلری ایله اوز اوزه قویاجاقدیر. بو حال ایسه گلجکده گلوبال تهدیده دؤنمکله اینسانلارین بو بؤلگه’دن کوتلوی میقراسیاسینا(کوچ اجباری) سبب اولاجاقدیر
۲- ایرانین دیگر یاندان بیر تهدید کیمی دونیانی قورخو و خوفدا ساخلاماق اوچون اتمی اِنِرژیسیندن نظارتسیز شکیلده ایستیفاده ائتمسی، اتمی فعالیتلر و اونلاردان آتیقلارین ایرانین هر یئرینده اؤزللیکله ده گونئی آذربایجاندا یئرله شدیرمسی ده اطراف موحیطین چیرکلنمسی و ایقلیم ديَیشمه لرینه یول آچان قورخولو بیر آددیملاردیر. بوتون بونلار ایرانین بیر دؤولت کیمی دونیا دوزه نینه ضد گئتمسی ایله یاناشی، هم ده دونیا اوچون داها ریسکلی بیر گلجکدن خبر وئریر .
بیز گونئی آذربایجان میلّی حرکاتی اولاراق ۴۰ میلیون سویداشیمیزین طالعیینه و چئوره میزدکی پروسئسلرین اینسانلیق آدینا ضد گئدیشینه هئچ زامان بیگانه قالابیلمیجغییمیزی آچیق شکیلده بیلدیریریک.
بیزلر اؤز سسیمیزی بو گون هر بیر آذربایجانلینین اومید یئری اولان هم آذربایجان جومهورییتی دؤولتینه هم ب.ام.ت-یه هم ده دونیا اجتماعتینه بو کوپ ۲۹ کونفرانس تدبیرلری زامانی بیر داها چاتدیرماق ایستییریک .
بیز گونئی آذربایجان جومهوریییت پارتییاسی اولاراق ۴۰ میلیونلوق گونئیلی آدیندان بو کیمی تدبیرلرین بؤلگه میزده کئچیریلمه سیندن قورورو دویور و گله جکده بو کیمی تدبیرلرین گونئی آذربایجاندا، تبریزده، کئچیریلمه سین آرزو ائدیر و دستکلمیه حاضر اولدوغوموزو هر کسه بیلدیریریک ،همچینین بؤلگه میزده دونیا پروسئسلرینین گونئی آذربایجانسیز تصوّور ائدیلمه سینی یئنی دونیا دوزه نینه ایرادلی و اقص ساییر بونون اوچون گونئی آذربایجان میلّی حرکاتینین تمثیلچیلرینین گلجکده بو کیمی تدبیرلرده دعوتلی و ایشتیراکچی اولماسین اومید ائدیریک
،حؤرمتله
گونئی آذربایجان جومهوریییت پارتییاسی(آجپ)