عزیز سویداشلار سئوگیلی میللتیمیز
هر کسه معلوم اولدوغو کیمی ۱۸-جی عصرین سونلاریندان باشلایراق ایمپئریالیست گوجلرین دستکی ایله آذربایجان دؤولتچیلیغی سئرادان چیخاریلماسی هدفلنمیشدی بونون اوچون اؤنجه آذربایجان دؤولتچیلیغینی ایختیلافلارا سؤیکنن خانلیقلارا بؤلونمسینه یول آچان اورتام یئتیشدیریلمیشدیر.
۱۸ و ۱۹-جی عصر آذربایجان تاریخی اوچون ان مورکّب بیر دؤور ایدی بیر طرفدن غرب دؤولتلری دیگر طرفدن روسلار و داخیلده ایسه میللتیمیزین ایراده سینین ضدینه گئتمک اوچون بو اؤزگه گوجلرله هر جور بازارلیغا حاضر اولان قویروق بولویان فارسلار واریدی. بو بیرلشمیش گوجلر گونئی آزربایجاندا میلّی ایراده نین اورتادان قالدیریلماسینا وار گوجو ایله چالیشیردی . بو نئدنله اونلارین اوزون موجادیله’سی ایله خالقیمیز دؤولتچیلیک یؤنتیمیندن کنارلاشدیریلمیش و میللتیمیز اوچون فاجعه‌‌لرله دولو قارا گونلرباشلامیشدی.
میلّی ایراده میزین ضدینه اولان قووولر نه قدر گوجلو اولسا دا آذربایجان تورکلری اؤز حاقلاری اوغروندا موباریزدن گئری دورمامیشدیر.
بونو اوچون هم ستّار خان حرکاتینی هم شیخ محمّد خیابانی حرکاتینی ایمپئریالیست گوجلره قارشی بیر دیره نیش حرکاتی اولماقلا یاناشی ، هم ده خالقیمیزین میلّی حاقلاری آزادلیغی و بوتؤولوغو یولونداکی موجادیله نین بیر حیصه‌‌سی و میلّی دؤولتچیلیغه گئدن یول کیمی سوییلندیره بیلریک.
۱۲ دئکابر ۱۹۴۵-جی ایلده( ۲۱ آذر-۱۳۲۴ جی ایل) خالقیمیزین اؤز آزادلیغی اوغروندا موباریزه مئیدانلارینا چیخاراق، یئنیدن میلّی روحا صاحبلنمسی ،گونئی آذربایجان میللی ایستیقلال تاریخینه“ ۲۱ آزر” انقلابی کیمی مؤحتشم بیر میلّی قالخیش بخش ائتمیشدیر.
دموکرات فرقه سینین تشکیلتچیلیغی و جعفر پیشه ورینین اؤندرلیغی ایله آذربایجان میلّی حرکاتی قئسسا زاماندا بیر چوخ اوغورلارا ایمضا آتماقلا ، خالقیمیز قارشیسیندا بؤیوک ایشلر گؤرموشدور.
بونلاردان میلّی حؤکومتین قورولماسی آذربایجان میللتینین و میلّی ایراده سینین دونیایا تانیدیرلماسی، دِموکراتیک اساسلارلا مجلیس سئچکیلرینین کئچیریلمسی، کندلر و شهرلرین آباد ائدیلمسی، دؤولت وظیفه‌‌لرینده وطن‌سئورلیک و عدالتلی اولماسی، یئتیم و سوسیال ائولرین آچیلماسی، ساوادسیزلیغین لغو ائدیلمسی، آزربایجان یونیورسیته سینین آچیلماسی، اؤلکده بوتون یازیشمالارین آنا دیلینده آپاریلماسی ، آنا دیلینده مطبوعاتین و کیتابلارین چاپ ائدیلمسی ، امنيّتین تام معنادا برقرار اولماسی ، اوردو قوروجولوغو ایستیقامتینده بیر چوخ ایشلرین گؤرولمسی ، قادینلارین مدنی و سیاسی حاقلارین تامامی ایله تانینماسی،آزربایجان طبیعتیه و ثروتمنین ملللی اولماسی، آذربایجانین اقتصادی یوکسلیشی و صنایع لشمسی ، میلّی حؤکومتین سادجه بیر ایل ایچینده اوغورلاریندان بیر نچه سیدی.
آذربایجان میلّی حرکاتی و“ ۲۱ آزر” اینقیلابینی دوغوردوغو “میلّی حؤکومت “آذربایجان تورک میللتینین تاریخینده یئنی بیر دؤورون تملینی قویموشدور.
گونئی آذربایجان خالقینین میلّی ایستیقلالی و ایستکلری یولونداکی اوغورلاری میلّی ایراده میزه ضد اولان دوشمنلریمیزده بؤیوک ناراحاتلیقلار.یاراتماقدایدی بونون اوچون“ ۲۱ آزر” حرکاتیندان اؤنجه کی ایللرده مؤوجود اولموش و هر زامان میلّی حرکاتلاریمیزا قارشی سرگیلنمیش آنتی تورک سیاستی بو حرکاتدان دا یان کئچمه میشدیر.
عزیز یوردداشلار ، اوجا تورک میللتی!
“ ۲۱ آزر” اینقیلابی و میلّی حؤکومتیمیز مغلوب اولماسینا راغمن بو قئسسا زاماندا میلّی ایستیقلال تاریخیمیزده بؤیوک ایز قویدو .
بو حرکات خالقیمیزین نه قدر آزادلیق سئور اولدوغونو، اؤز میلّی ایراده سی ایله اؤزونه دؤولتچیلیک ایستکینی ، دئموکراتیک دئیرلره صادق قالدیغینی، خوصوصی ایله ده اؤز میللی ایستیقلالی یولوندا نئجه ده عزم ایله موباریزه آپاردیغینی، بیر داها تصدیق ائتدی.
“۲۱ آذر اینقیلابی و آذربایجان میلّی حوکومتی” خالقیمیزین گلجکینده و موباریزسینده بیر چوخ مئساژلار بوراخمیش، یوللار آچمیشدیر.
دوغرودور! گونئی آذربایجان میلّی حرکاتینین دوغوردوغو“ آذربایجان میلّی حوکومتی” چوخ اوزون بیر یول گئده بیلمدی آمّا ! ایستیقلالچیلیق ،دؤولتچیلیک وطن سئورلیک ایدئیاسینی بیزه بخش ائدرک تاریخیمیزه قهرمانلیق دولو اؤز شانلی مؤهورونو وورا بیلدی.
ان بؤیوک مئساژلاردان بیری، میللی آزادلیق ساواشی آپاران خالقیمیزین، ایران رئژیمی ایله هئچ بیر حالدا آنلاشمایا گئدیلمیین ، ایرانچی قوه لرینه گوونمغین دوغرو اولمادیغینی بیزه گؤستردی.
“ آذربایجان میلّی حؤکومتی“ بیزه گؤستردی کی“ میلّی حوکومت” ،یانلیز آذربایجان دولتی اوزرینده قورولمالیدیر، ایران دؤولتچیلیغی اساسیندا آذربایجان میلّی وارلیغی هئچ بیر شرطده یاشادیلمایاجاغینی آچیق شکیلده بیزه ثوبوت اولوندو.
“۲۱ آذر اینقیلابی و آذربایجان میلّی حوکومتی” بیزه اؤیرتدی کی ایران چرچیوه سینده هئچ بیر سیاسی موباریزه و سیاسی استراتژی نتیجه وئرمییب و وئرمیجکدیر.سون ۱۰۰ ایلدمبارزه ده آزربایجان خالقی، انواع فدرالیسم و مختاریتی دفعلرجه دئنییب آنجاق شکست ایله، آذربایجان تورکلرین سویقیریمی و ایله ، آزربایجانیت ایشغالیلا سونوجلانیب.
“ ۲۱ آذر اینقیلابی و آذربایجان میلّی حوکومتی” بیزه غرب اؤلکلری، شرق دولتلری و ائلجه هئچ بیر خاریجی قووه نین اعتماد و گوونج یئری اولمادیغینی بیر داهاگؤستردی.
اوجا تورک میللتی ! قهرمان موباریز آذربایجان خالقی !
بیز گونئی آذربایجان جومهوریییت پارتییاسی اولاراق، سیزی“ ۲۱ آزر اینقیلابی و میللی حوکومتیمیزین” 78-جی ایل دؤنومو موناسیبتی ایله صمیمی قلبدن تبریک ائدیر بو قوتسال ساواشیمیز یولوندا داها عزملی اولماغی، بیر بیریمیزه آرخا دورماغی آرزولاییریق.
بیز جومهورییتچیلر آذربایجان میلّی حؤکومتینین قورولوشو و ییخیلماسینیدان نتیجه چیخاراراق ،اَن دوزگون قورتولوش یولون یالنیز موستقیل دؤولت قورولوشو و میلّی جومهوریییت ديَرلرینده اولدوغونو گؤرور و بَیان ائدیریک بو یاخین تاریخیمیزده تورکیه جومهوریییتی و قوزئی آذربایجان جومهورییتلرینین یارادیلماسی ایله ده تصدیقینی تاپمیشدیر.
بیز گونئیلی سویداشلاریمیزدان هر کسی جومهورییت ديَرلری اطرافیندا بیرلشمغه و ایستیقلال موجادیله میزی گونئی آذربایجان جومهورییتینین اعلان ائدیلمسینه قدر داوام ائتدیرمغه سسلییریک.
بیز امینیک کی اؤلکمیزده اولان هر بیر کسین نجاتی جومهوریییت دئيَرلرینده دیر، بیز اینانیریق کی اگر گونئیده آذربایجان تورک میللتی و اونون میلّی حرکاتی دؤولتچیلیک و جومهوریییتچیلیک ديَرلرینی صاحبلنرسه و بونون اطرافیندا منشکل اولورسا، اؤلکمیزده و بؤلگه میزده دِموکراتیک دئيَرلره ائشیتلیغه و عدالته صادق اولان بیر یؤنتیمله یئنی بیر دؤنمه گیره بیلر.
بیزلر اینانیریق کی، ۲۱ازر ایله باشلاتدیغیمیز یولو جومهوریییت دئيَرلری ایله تاماملایجاغیمیز گون اوزاقدا دئییلدیر
بیزجومهوریییتچیلر، میلّی حرکاتیمیزین فداکارلیقلارینا و میللتیمیزین میلّی ایراده سینه گوونرک، امین بیلیدیریریک کی“ ۲۱ آزر و میللی حوکومتین” نؤوبتی ایل دؤنوملرینده آزاد آذربایجان جومهوریییتی آدیندان تبریکلر عنوانلایاجاغیق.
یاشاسین آزربایجان
یاشاسین ۲۱ آذر خاطره سی
یاشاسین بوتوو ، مستقل آزربایجان جمهوریتی
گونئی آذربایجان جومهوریییت پارتییاسی – آ.ج.پ
۱۹ آذر ۱۴۰۲