اوجا آزربایجان تورک میللتی،
ایگید گونئی آزربایجان میلّی حرکاتچیلاری:
بو گون ۱خرداد،گونئی آزربایجانین چاغداش تاریخینده میلّی دیره نیشین و آزادلیق اوغروندا موباریزه نین سیموولودور(سیمگسیدیر) -۱۳۸۵ جی ایلین بو گونونده میلیونلارلا آزربایجانلی ایران رئژیمینین ائرقچی آشاغیلایجی(تحقیرآمیز )و آسسیمیلاسیون(اریتمه )سیاستینه قارشی سسینی اوجالتدی.
بو ساده جه بیر اعتراض دئیل میلّی شعورون و میلّی وارلیغین قیامی ایدی. همین گون میلّی آزادلیق حرکاتینین یئنی مرحله‌‌یه کئچید نؤقطه‌‌سینه چئوریلدی
میللتیمیز“ هارای هارای من تورکم”، “ آذربایجان وار اولسون ایستمه ین کور اولسون” کیمی شوعارلارلا کوچه و مئیدانلارا آخیشدی بو شعارلار یالنیز بیر اعتراض دئییلدی هم ده وطن و کیملیک آنلاییشلارینین میللتیمیزین شعوروندا نئجه درینلشدیینی و گونئی آذربایجانین یئنی نسلینده ایرانچیلیق مفکوره سینین چؤکوشونو گؤستردی.
۱۳۲۴ جی ایل میلّی حؤکومت دؤوروندن سونرا میلّی حرکات ایلک دفعه بو قدر گئنیش و گوجلو شکیلده دیرچلمیشدی تبریز باشدا اولماقلا اردبیل، اورمو، زنجان، ،قوشاچای ،مرند خوی کیمی شهرلریمیزده بیر میلیوندان آرتیق آذربایجان تورکو آزادلیق و میلّی حاقلار اوغروندا آیاغا قالخمیشدی.
۱خرداد میلّی اعتراضلار ایران رئژیمی طرفیندن وحشیجسینه یاتیریلدی اونلارلا سویداشیمیز شهید و یارالی اولدو ، مینلرله اینسان حبسه آتیلدی و ایشگنجه لره معروض قالدی، سورگون اولدو. لاکین بو باسقیلار، آزربایجان تورکلرینین ایراده سینی سارسیدا بیلمدی.
میللتیمیز او گوندن بو گونه قدر میلّی اعتراضلارینی داها دا آرتیراراق داوام ائتدیریر آرتیق گونئی آزربایجانین یئنی نسلی داها شعورلو داها قطعیّتلی و داها اویانیق شکیلده اؤز میلّی حاقینی طلب ائدیر.
گونئی آذربایجان جومهوریت پارتیسی اولاراق بو تاریخی گون موناسیبتیله میللتیمیزه میلّی فعاللارا و بئین الخالق(اولوسلارآراسی) اجتماعییته موراجعت ائدیریک:
اوجا تورک میللتی؛
بیرلیک و هم رأیلیک ایچینده میلّی حاقلار اوغروندا موباریزه میزی داوام ائتدیرمه لییک تورکلویوموزو آنا وطنیمیز آزربایجانی قوروماق -میلّی سیاسی ایستیقلال و اؤزوموزو ایداره‌ائتمه حاقیمیز بیزیم دانیلماز.حوقوقلاریمیزدیر آزربایجان تورک میللتی اؤزونو موستقیل یاشاماغا لایقدیر.
قهرمان آذربایجان میلّی فعاللاری ایگید تورک گنجلیغی؛
موباریزه میزی داها سیستملی دوشونولموش و استراتئژی اساسلارلا داوام ائتدیرملییک پارچالانمایا و طئیفچیلیغه یول وئرمدن میلّی هدفلر اطرافیندا بیرلشملییک.
گونئی آزربایجاندا میلّی تشکیلاتلانما آزادلیق و ایستیقلال یولوندا آتیلان ان واجیب آددیملاردان بیریدیر ،آزربایجان میللتینین میلّی کیملیینی قوروماق حوقوقلارینی مودافیعه ائتمک و اؤز موقدّراتینی تعیین ائتمک ایستیقامتینده میلّی ایراده میزی اورتایا قویمالیق اونوتمایاق کی تشکیلاتلانما اولمادان میلّی حرکاتلار ضعیف قالیر ، بئله لیکله دوشمن ایچیمیزه راحت نوفوذ ائدَرک بیزی پارچالامایی باجارا بیلر.
گوجلو تشکیلاتلانما ایسه سیاسی مدنی و
حوقوقی موباریزه میزی آز هزینه لر ایله باشارییا گؤتورور .
بئین الخالق اجتماعیت، ایکیلی استانداردلاری کنارا قویمالیدیر گونئی آزربایجان تورکلری اوزون ایللردیر ایران رئژیمی طرفیندن سیستملی آسسیمیلاسیون، میللی و سیاسی تضیقلره معروض قالیر.
بو سیاست بیرلشمیش میللتلر تشکیلاتینین اینسان حوقوقلاری بَیاننامه سینین۱-جی -۲ جی و ۱۵-جی،ماده‌لرینی ها بئله اینسانی و سیاسی حوقوقلارینین آچیق شکیلده پوزور.
بیرلشمیش میللتلر تشکیلاتینین نیظام‌نامه سینین۱-جی ماده‌سینه اساساً گونئی آزربایجانداکی تورک میللتیده دیگر میللتلر کیمی اؤز موقدّراتینی تعیین ائتمه حوقوقونا و ایستیقلالیت حاقینا مالیکدیر بو حوقوق بئین الخالق حوقوقون اساس پرینسیپلریندن بیریدیر و تانینمالیدیر.
بو حوقوقو بعضی صونّی(مصنوعی) شکیلده یارانان اؤلکه لرین اراضی بوتؤولویو ماده‌لری ایله سانسور ائتمک یوخ سایماق بِین الخالق حوقوقا و اینسانلیغا ضددیر .
ایرانین-غیری فارس میللتلره قارشی یوزایللیک زوراکیلیغی ثبوت ائدیر کی گونئی آزربایجان آزاد اولمادان بؤلگه ده نه صولح، نه عدالت و نه ده ثابتلیک مومکوندور.
گونئی آذربایجان جومهورییت پارتیسی اولاراق بئین الخالق اجتماعیتی بو حوقوق پوزونتولارینا گؤز یومماماغا و آذربایجان تورکلرینین اؤز موقدّراتینی تعیین ائتمه حاقینی تانیماغا چاغیریریق .
سوندا شهیدلریمیزین عزیز خاطیرسی قارشیسیندا باش اییر اونلارین روحوندان گوج آلاراق موباریزه میزی داوام ائتدیره جیمیزی بیر داها بَیان ائدیریک.
یاشاسین گونئی آذربایجانین آزادلیق – ایستیقلال موباریزَه’سی
یاشاسین تورک جومهوریتینین قورولوشو اوغروندا موباریزلرمیز
گونئی آذربایجان جومهورییت پارتییاسی آ.ج.پ
۱خرداد ۱۴۰۴
۲۲مای ۲۰۲۵