حؤرمتلی جناب پرئزیدئنت،
بیز یئنی تأسیس ائدیلمیش گونئی آذربایجان جومهوریییت پارتییاسی(آ.ج.پ) تأسیسچیلری آدیندان سیزی و سیزین کوماندانلیغینیز آلتیندا ان یئنی تاریخیمیزین ظفر تاریخینی یاراتمیش موظفّر آذربایجان اوردوسونو، ائلجه ده بو ظفرین الده اولونماسینا اؤز دسته یینی گؤسترمیش بوتؤو آذربایجان تورک خالقینی درین سئوگیلر و سایقیلار ایله سلاملایاراق، آذربایجان شهیدلرینه و بؤیوک عائله‌‌لرینه مینّت‌دارلیغیمیزی بیلدیریریک.
۱۹۱۸ جی ایلده اساسی قویولموش جومهوریییتین حوقوقی واریثی اولان موستقیل آذربایجان رئسپوبلیکاسینین آرتیق بو گون سیزین رهبرلیغینیز آلتیندا تاریخی تورپاقلارینا اؤز واریثلیک ادعاسینی طلب ائدرک، ۵۰ میلیونلوق بیر خالقین حاق سسی اولماسی، ائلجه ده موستقیل دؤولتیمیزین دونیانین دینامیک اینکیشاف ائدن غالیب(پیروز )دؤولتی استاتوسو(مقامی و عنوانین) قازانماسی هر بیر آذربایجانلی طرفیندن آچیقدان-آچیغا فخارتله یاد ائدیلمکده دیر .
سیزین لیدئرلییغنیز آلتیندا قازانیلمیش بو تاریخی اوغورلاری و آپاردیغینیز داهیانه سیاسی پروسئسله رین ۴۰ میلیونلوق گونئی آذربایجانا تأثیرینی بیز آذربایجان تورک خالقی گونئیده داها یاخیندان حیسّ ائدیریک .
۲۱جی عصرده خالقیمیزین اؤزونه قاییدیشی ایله باغلی باشلانیلمیش بو پروسئسین دؤنمزلیک قازانماسی اوچون بیز گونئی آذربایجان سیاسی حیاتیندا آرتیق یئنی بیر دؤورون باشلانیلدیغینی آچیق شکیلده بَیان ائدیریک
عینی،زاماندا خالقیمیز شعورلو شکیلده بو پروسئسلره اؤز دسته یینی گؤسترمک نيّتینین اولدوغونو بیلدیریمکدییک.
بو مقصدله بیز بیر قروپ گونئیلی گنج اولاراق موستقیل آذربایجان رئسپوبلیکاسینی اؤزوموزه اؤرنک گؤتوررک گونئی آذربایجان جومهورییت پارتییاسینی تأسیس ائتدیک .
جناب،پرئزیدئنت مؤحترم عالی باش کوماندان!
سیزینده آچیق بویوردوغونوز کیمی آذربایجان رئسپوبلیکاسینین حودودلاریندان کناردا، ایندیکی ایران آدلی اؤلکده, تاریخی آذربایجان تورپاقلاریندا یاشایان آذربایجان تورکلرینه قارشی، حاکم فارس رئژیمی طرفیندن ایکی یوز ایله یاخیندیر کی ، دایانمادان ایشغالچلیق،دوشمنچیلیک، آسیمیلاسیون و فارسلاشدیرما سیاستی آپاریلیر.
آذربایجانین جنوب توپراغلاریندا آذربایجان تورک خالقینین میلّی کیملیکینی آرادان قالدیرماق اوچون هر واسطه‌‌دن ایستیفاده ائدیلیر .
خالقیمیزا قارشی ائتنیک زمینده سیستملی جینایتلر،تؤردیلیر. سویداشلاریمیز، باسقیلار ،حبسلره سورگونلره و اعداملارا معروض قالیرلار.
آذربایجان توٌرکلرینین آنا دیلینده تحصیل آلمالاری قاداغان ائدیلمکله یاناشی، حتی عائله‌‌لره اؤز ائوله رینده معیشت حیاتلاری ایله باغلی فارسجا دانیشماغا مجبور ائدیلیر.
رئژیمین اَلی ایله آپاریلان تبلیغاتلاردا آذربایجان میلّی تورک کیملیکیی آچیقدان -چیغا آشاغیلانیر، لاغا قویولور.
بو کیمی دوشونولموش آددیملارلا اوجا تورک میلتیمیز، اؤز میلّی کیملیکینه، وطنینه و تاریخینه نیفرت ائدیلمیه سؤوق ائدیلیر .
عینی زاماندا بو اؤلکده خالقیمیزین چوخونلوق یاشادیغی اراضیلرده دؤولت طرفیندن سیستملی شکیلده اِکولوژی تئررورلار تؤردیلیر. بو اراضیلره قصداً گؤستریلن لاقئید موناسیبت نتیجه سینده اورمو گؤلونون قورودولماسینا شرایط یارادیلیر .
رادیواکتیو ماده توللانتیلاری(زباله )محض بو اراضیلرده تورپاغا باسدیریلیر. آذربایجان اراضی بوتؤولویو پوزولموش ائتنیک مهندیسلیغی سرعتیله آپاریلماقدادیر .
آذربایجانین یئرآلتی و یئراوستو ثروتلرینین گلیرلری تالنیر و فارس دیللی اهالینین یاشادیغی ایالتلرین آبادلاشماسینا و اینکیشافینا خرجلنیر.
بوندان،علاوه گلجکده دیگر خالقلارلا قارشیدورما یارادیلماسی مقصدی ایله آذربایجان اراضیلرینده(آزربایجان غربی و شمال شرقی آستارا بولگه لرینه) موختلیف یوللارلا سرعتلی شکیلده دِموگرافیک ديَیشیکلیکلر آپاریلیر .
بیر سؤزله حال-حاضردا ایران آدلانان دؤولتده آذربایجان خالقینا قارشی اتنیکی و معنوی بیر سویقیریم حیاتا کئچیریلیر .
ایران-آنتی آذربایجان فعالیّتلری یالنیز آذربایجانینین گونئییندکی خالقیمیزا قارشی یوخ، هم ده آرتیق موستقیل آذربایجان جمهوریتینه قارشی دا یؤنلمیشدیر .
ایران آدلانان دؤولتین بو مکیرلی فعالیّتلری هم ۴۴ گونلوک وطن محاریبه‌‌سی زامانی، هم ده آذربایجانین عدالتی برپا ائتدیغی تاریخی غلبه دن سونرا داها آرتیق آشکار شکیلده بروز وئریلمیه باشلامیشدیر.
ایرانین آنتی-آذربایجان سیاستی و فعالیّتی آرتیق ائله بیر مرحله‌‌یه گلیب چاتدی،کی سیزین طرفینیزدن ده دؤولت سويّه‌سینده ایرانا جدّی مئساژ وئریلدی.
بونونلا دا آذربایجان،دؤولتچیلیغینه اونون موستقیل سیاستینه قارشی آددیملارین آتیلا بیلمیجغی، میلّی منافعلریمیزه و میلّی تهلوکه‌‌سیزلیییمیزه قارشی هانسیسا تخریباتی فعالیّتلرینین آپاریلماسینا یول وئریلمیجیی، سیزین طرفینیزدن آچیق و رسمی شکیلده وورغولانیلدی.
بونونلا دا بولگه ده ژئوسییاسی و تهلوکه‌‌سیزلیکله باغلی هر هانسی بیر پروسئسین آپاریلماسیندا آذربایجان سؤز صاحبی اولان بیر دؤولته چئوریلدی .
اینانیریق،کی بوندان سونرا دا ایران آدلانان دؤولتین آذربایجانا قارشی آتدیغی ایستنیلن تخریبات کاراکتئرلی آددیم جاوابسیز قالمایاجاق ، عینی زاماندا آذربایجان دؤولتی گونئی آذربایجانا قارشی شووینیست ایران رئژیمی طرفیندن آپاریلان ایرقچیلیق و نژاد پرستی و مدنی سویقیریم سیاستینه گؤز یوممایاجاقدیر.
چونکی آرتیق بیزیم بؤلگده سؤز صاحبی اولماغیمیزا اساس وئرن گوجلو لیدئریمیز گوجلو دؤولتیمیز و گوجلو اوردوموز واردیر !
حؤرمتله ،
گونئی آذربایجان جومهوریییت پارتییاسی(آ.ج.پ )
۲۱ قورا پیشرن آی(تیر )۱۴۰۲ جی گونش ایلی