ایران–اسرائیل آراسیندا باش وئرن قارشیدورما بؤلگه میزه تهلوکه‌‌لی و دؤنوش نؤقطه‌‌سی اولا بیلجک بیر مرحله‌‌یه قدم قویموشدور آ.ج.پ اولاراق بیلدیریریک کی بو ساواش رئژیمین ایللرله یوروتدویو پانیرانیزم سیاستی و بؤلگده ثابیتلیغی پوزان فعالیّتلرینین نتیجه سیدیر.
گونئی آذربایجان جومهوریت پارتیاسی بو پروسئسلری دیقتله ایزله ییر و بوتون حاللاردا گونئی آذربایجان میللتینین گووئنلیغی ،تهلوکه‌‌سیزلیغی، میلّی حوقوقلاری و گلجیی نامینه مسئولیّتله داوراناجاقدیر تاریخین بو حساس آنیندا آ.ج.پ خالقیمیزین اؤز موقدّراتینی تعیین ائتمک حاقینی قورویاجاق و بؤلگه سل حادثه‌‌لرین یاراتدیغی ایمکانلاری میلّی ماراقلاریمیز ایستیقامتینده دئيَرلندیره جکدیر
بیز ایناملا بیلدیریریک: گونئی آذربایجان خالقی آیقدیر و بیرلیک ایچینده دیر و هر زامان اؤز طالعیینی اؤز الی ایله موعيّنلشدیرمک گوجونده دیر. بوتؤو آذربایجان خالقینین ایرادسی تورک دونیاسینین یاردیمی و بئین الخالق حوقوق بیزیم اساس دایاغیمیز اولاجاقدیر.
بؤلگده یاراناجاق یئنی دوزنده گونئی آذربایجانین میلّی ایرادسی گؤز آردی ائدیله بیلمز، گونئی آذربایجان گئنجلیغی اولاراق کئچمیشدکی سهولرین تکرارلانماسینا اصلا یول وئرمیه جیک.
آ.ج.پ اولاراق صولح حوقوق و میلّی حاقلار چرچیوه سینده بو یئنی مرحله‌‌یه حاضر اولدوغوموزو بیر داها بَیان ائدیریک.
یاشاسین گونئی آذربایجان
یاشاسین آزادلیق و عدالت اوغروندا موباریزه
یاشاسین جومهورییت و ایستیقلال یولوموز
گونئی آذربایجان جومهوریت پارتیاسی(آ.ج.پ)