گونئی آذربایجان جۆمهورییت پارتیاسؽ، ایران رئژیمینین ناخچؽوان هاوا لیمانؽنا قارشؽ حیاتا کئچیردییی حۆجوملاری و آذربایجان رئسپۇبلیکاسینین اراضی بۆتوولویونه یؤنلن هر جۆر تهدیدی قطعیتله و آچؽق شکیلده پیسلَییر.
امینلیکله بیلدیریریک کی، بۇ تجاوۆزون ان سرت جاوابؽ محض گۆنئی آذربایجان خالقؽندان گلهجک. بۇ اینتیحارچؽ حرکت تکجه بین الخلق حۆقوقو پوْزمور، عینی زاماندا مۆستقیل آذربایجان دؤلتینین سۇوئرئنلییینه قارشؽ بیرباشا حۆجومدور.
بو منفۇر حۆجوم، گۆنئی آذربایجانلؽلارین صبیر کاساسؽنی داشؽران سوْن داملا اوْلدو.
آذربایجان رئسپۇبلیکاسینا یؤنلن ایستنیلن تهدید، ۵۰ میلیوْنلوق بۆتوو آذربایجان خالقؽنا قارشؽ یؤنلمیش سایؽلیر. گۆنئیدهکی آذربایجان اؤلادلاری بۆتون گۆجلری ایله آذربایجان دؤلتینین و خالقؽنین یانؽندادیر و ابدی اوْلاراق یانؽندا قالاجاق.
سۆقوطا دوْغرو سۆرعتلنن ایران رئژیمی بیلمهلیدیر کی، بۇ تجاوۆز اؤز مزارؽنی داها دا درینلشدیریر و بۇ عمللرینین آغؽر نتیجهلریندن قاچا بیلمهیجک.
بیز بین الخلق اجتماعییتی بۇ تحلۆکهلی حرکتلر قارشؽسیندا سۇسماماغا، بؤلگهده ثابیتلییی قوْروماغا، میلتلرین اؤز طالعیینی صۆلح ایچینده حل ائتمهسینه نظارت ائتمهیه و عدالتی تامین ائتمک اۆچون قطعیتلی مؤقع نۆماییش ائتدیرمهیه چاغؽریریق.
دونیا بۇنو بیلسین کی، آذربایجان بیردیر، معنوی جهتدن بۆتوودور! ایران هئچ واخت بیزی آیؽرا بیلمهییب و بۇندان سوْنرا دا بۇنا نایل اوْلا بیلمهیجک.
گۆنئی آذربایجان جۆمهورییت پارتیاسؽ
۵ مارت ۲۰۲۶
www.azcp.org