عزیز اوجا میللتیمیز
آرتیق ۱۸ ایلدیر مای آیی گونئی آذربایجان میلّی حرکاتی تاریخینده آلتین حرفلرله یازیلمیش ۱ خورداد ۱۳۸۵ ( ۲۲ مای-۲۰۰۶ جی ایل) میلّی قیامینین آنیم گونو کیمی قئید ائدیلیب یاشادیلماقدادیر .
بو مقصدله آذربایجان میلّی حرکتینین باغریندان چیخمیش آ.ج.پ طرفیندن ده بو تاریخ میلّی حرکاتیمیز اوچون اؤزل بیر گون کیمی قبول ائدیلمکده دیر. اونا گؤره کی، ۹۹ ایلدیر اؤز میلّی کیملیکیی اوغروندا موجادیله آپاران آذربایجان میللتی ۱ خورداد( ۲۲ مای-۲۰۰۶ جی ایل ) میلّی قیامی ایله اؤز میلّی گوجونو اورتایا چیخاردی.
۱ خورداد ۱۳۸۵ جی ایل میلّی قیامی میللتیمیزین اؤز میلّی کیملیکینه قاییدیشی یولوندا بیر دؤنوم نؤقطه‌‌سی اولدوغو کیمی، هم ده میلّی حرکاتین یاخشی شکیلده ایرانچیلیق مفکوره سینه و فارس رئژیمینه بیر ترس شاپالاغی اولدو.
یعنی ۱خورداد ۱۳۸۵جی ایل ، میلّی قیامینا قدر آچیقدان آچیغا ,میللتیمیزی سایا قویمایان, اونون آنا دیلینی و میلّی کیملییینی الیندن آلان، ثروتلرینی تالاییب. فارس بؤلگه لرینه یاتیران ،معلّیم ،حکیم ،اکینچی ،تاجیر ،ایشچی ،اؤیرنجی ،فحله و ساییر دئمه’دن کیمسنی حِسابا آلماییب سوسیال و میللی آیریمچیلقلار ائدن میللتیمیزی آچیق شکیلده اِکولوژی و میلّی تئررورا معروض قویان، وطنیمیزی اؤز مستعمره سینه دؤنوشدورموموش خاریجی ایستعمار قایناغی بیر بؤلگه کیمی یاناشان، اینسانلاریمیزی ائیتیم و تئکنولوژی اینکیشافدان اوزاق توتان و رئژیمین مطبوعات اورقانلاریندا داواملی و سیستملی شکیلده میللتیمیزی بؤجک و حئیوانا بنزه’دَرک آشاغیلامایا چالیشمیش قاتیل فارس مولّا رئژیمینه دور دئدیغیی بیر تاریخی گون اولدو.
بیز گونئی آذربایجان جومهورییت پارتییاسی ۱ خورداد ۱۳۸۵ جی ایل ، میلّی قیامینی میللتیمیز اؤنونده موجادیله اولاراق میلّی و سیاسی یؤنونه گؤره ایکی آچیدان قیمتله’ندیریریک .
۱.میلّی آچیدان بو قیام ایلک دفعه اولاراق بیر بؤلگه’نی یوخ، بوتون گونئی آذربایجان بؤلگه لَرینی احاطه ائتدییی اوچون رئژیمه میلّی حرکاتین گرچک گوجونو گؤسترمکله یاناشی ، هم ده میللتیمیزه اؤز گوجونه اینامینی یئنیدن اورتایا قویدو،همچینین میللتیمیز آذربایجانین وطن آنلاییشینا و تورک میلّی کیملیکینه صاحب چیخاراق میلّی وارلیغینی قورویاجاغینی گؤسته’ردی میلّی حرکاتینین آدینا اورتادا اولان سیاسی قووه لَرین و تشکیلاتلارین واحید مؤوقعدن چیخیش ائدَرک میللتین اؤنونه دوشه بیلممسی ، قیامین میلّی چئوریلیشه دؤنمَسینه مانع اولان سبب اولدو .
اگر سیاسی تشکیلاتلانما و میلّی بیرلیغی ساخلاماقلا، بللی استراتئژیک هدفلریمیز اورتادا اولسایدی، قیامین سونراکی دؤنملرده داواملی و سرعتلی اینکیشاف یولو توتماسینا سبب اولاجاقدی .
۲.سیاسی آچیدان ایسه بو قیام بؤلگه’سل دستک آلامادی. چونکی گونئی آذربایجان میلّی حرکاتینین قالخینماسینین بؤلگسل ديَیشیملرده اؤنملی کیلید بیر رولا مالیک اولاجاغی تورک دونیاسینین سیاسی کسیمی طرفیندن و تورک میلّی منافع باخیمیندان دوزگون قیمتله’ندیریلمدی .
اگر او دؤنم بو ایستیقامتده سیاسی قیمتله’ندیرمه و دستک دوزگون اولسایدی میلّی حرکات بو گون بؤلگده فرقلی ديَیشیملره تأثیر ائدَجکدی.
نتیجه،ده بو گون زنگزور کوریدورو اوچون انگل یارادانلار آرتیق اؤز ديَه رینی اِئله او دؤنملرده ایتیرمیش اولاجاقدی.
بو یاناشمالارین دوزگون قیمتله ندیریله بیلمَمَسی ژئوپولیتیک اولاراق بو گون بؤلگده ایزله’نن تورک دؤولتلری بیرلیغی پولیتیکاسیندان چیخیش ائتمیه مانع اولان عامللری دوغوردو.بؤلگه’سل سیاسی گوج حالینا گلَجک تورک بیرلیغی و توران بلوکونون وار اولوشونون تملرینده، گونئی آذربایجان میلّی حرکتینین دوردوغو او زامان اونودولسادا، آرتیق ایندی بو رئاللیق هر کسه معلوم اولدو .
چونکی گونئی آذربایجان آزادلیغیندان کناردا بؤلگده گلیشمه و ثابتلییغین اولاجاغی سادجه توهم و خولیادیر. بونو هم قوزئی آذربایجان هم ده تورکیه نین میلّی سیاسی کسیمی آرتیق گئج ده اولسا ديَرله ندیرملیدیر .
چونکی گونئی آذربایجاندا ایستیقلالییت و جومهورییت ديَرلری مؤوجود اولمادیقجا بؤلگه نین یؤنه تیم گوجو ایشغالچی ایمپئریالیست قووه له’رین الینده اولاجاقدیر.
بو سببدن گونئی آذربایجان میلّی حرکاتی اؤز سیاسی گوجونو میلّی ديَرلر اوزه رینده قورماقدا ایصرارلیدیر. اونا گؤره کی، تهرانلا و اونون ایشغال رئژیمی ایله هئچ بیر آنلاشما بؤلگیه و میللتیمیزه نه ریفاه، نه ده اوغور بخش ائتمیه جک.
بئلجه ۱خورداد میلّی قیامیندان ۱۸ ایل اؤتسه ده میللت اولاراق چیخارمالی اولدوغوموز میلّی و سیاسی درسلری و باشاریلاری بیر آن بئله اونوتمامالی و اونلاری آشاغیداکی کیمی ردیفله دایما خاطیرلامالیییق .
۱. بو قیام میللتیمیزین اَن آغیر باسقیلاردان ایشگنجه و زیندانلاردان کئچمه سینه رغماً، اؤزونون هله ده آیاقدا اولدوغونو بیر داها دونیایا گؤستَردی و گونئی آذربایجان ایستیقلالییت موجادیله سینین بوتون گوجو ایله داوام ائتدییینی اورتایا قویدو .
آرتیق ۱۸ ایلدیر آذربایجان میلّی حرکاتی یئنی بیر دؤنم و آشامایا،کئچمیش آچیقدان-آچیغا،فارس ایرانچی و ایرقچی دوشونجه صاحبلَرینین بوتون آنتی تورک هوجوملارینا و آنتی آذربایجان سیاستلرینه قارشی دیرَنیر.
۲.بو قیامدا میلیونلار آذربایجانلینین قاتیلماسی و بوتون گونئی آذربایجان بؤلگه لره یاییلدیغی اوچون، هم ایران ایشغالچی رئژیمی و همده بوتون دونیا میلّی حرکتین گرچک گوجونو گؤرموش اولدو. میلّی حرکات بو قیاملا دونیایا مئیدان اوخویان ایران ایشغالچی رئژیمینه اونون نه قدر ضعیف اولدوغونو گؤسترمکله یاناشی، هم ده میلّی ایراده نین و گوجون توپ-توفنگلی، آتم بومبالی اوردو قوووتلردن ده، گوجلو اولدوغونو گؤسته ردی .
۳. آرتیق ۱۸ ایلدیر کی آذربایجان میلّی حرکتی، فارس ایرانچی دوشونجه صاحبله رینین بوتون آنتی تورک و آنتی آذربایجان سیاستلَرینه قارشی دیره نیش گؤسته ره رک ایررله ییر .
گونئی آذربایجان میلّی حرکاتی گوجو قارشیسیندا عاجیز قالان ایران ایشغالچی رئژیمی گونئی آذربایجان میلّی حرکاتینین داها اوزاق هدفلره یئتممسی اوچون موختلیف حیله‌‌لره اَل آتاراق اونو بؤلمیه چالیشمیش و حالا چالیشماقدادیر. بونونلا یاناشی ایرانین موخالیفت قوووه لری(اپوزسیون )آذربایجانی رئژیمه قارشی اؤز ایچینه چکیب آذربایجانی قوربان اولاراق قوللانماغا دا جهد ائتمیشلر.
بو مقصدله میللتیمیزی“ یاشیل حرکت” و“ مهسا امینی” کیمی-غئیری میلّی حرکاتلارا قاتاراق اَریتمک ایستمیشدیرلر. آمّا اوزاق گؤرن میللتیمیز بو سورده نه اینکی اونلارین هئچ بیرینه قاتیلمامیش، هم ده ایران و ایرانچیلیق دوشونجه سینین اویونچوسو اولمادیغینی بیر داها بَیان ائتمیشدی .چونکی آرتیق ۲۲ مایدان سونرا میللتیمیز کسکین اولاراق یالنیز اؤز ایستیقلالیییتی و گونئی آذربایجان میلّی دؤولتینین برپاسی اوچون آیاقدا اولماغا قرار وئرمیشدیر. بونو دا آچیق اؤز سیاسی توتوملاریندا گؤسترمکده دیر .” نه شاهچییام نه شیخچی میلّییتچییم میلّیّتچی” ، “ایستقلال آزادلیق میللی جمهوریت”.
۴. ۱۳۸۵ مای قیامینین تأثیرلرینی و قازانجلارینی یئنی نسلین دوشونجه سینده و یاشام فلسفه سینده بوگون آچیق گؤرمک اولار.
سون بیر نئچه ایلده گونئی آذربایجان میلّی حرکاتی قارشیسیندا گوجسوز و عاجیز دوروما دوشموش ایشغالچی ایران رئژیمی، ایندی ده میللتیمیزی اِئتنیک سورونلارلا باش-باشا قویماق سیاستلرینه شدّت وئرمکده دیر. بومقصدله خزر ساحلی(،حئیران انزلی،آستارا) و باتی آذربایجان ایالتینده، قاراباغ کیمی قوندارما ائتنیک اولایلار یاراتماغی و آذربایجان جومهوریییتی ایله تورکییه جومهورییتینیده بو اویونلارا چکمیه هدفله میشدیر. بونو ایران آدلانان اؤلکده سون مجلیس سئچیملردکی اولایلار بیر داها تصدیق ائتدی. آنجاق میللتیمیز و اؤزللیکله گئنجلریمیز نَه اینکی بو اویونون فرقینده اولدو، هم ده رئژیمین قوردوغو سیاسی اویونلاری پوزماق بیلگیسینه و گوجونه صاحب اولدوغونو گؤستردی.
آذربایجانین اسفند ۱۴۰۲ جی ایلده ایران مجلیس سئچیمی اویونلارینی پوزماسی بو کونودا یوکسک میلی و سیاسی شعورون بیر نومونه’سیدیر.
۵.مای قیامی عینی زاماندا آذربایجان میلّی آزادلیق حرکاتین کونسولیده نؤقطه‌‌سی اولدو ایران ایشغالچی رئژیمی میلّی حرکاتی باشسیز قویماق حرکات و میللتین تشکیلاتلانماسینی انگللمک ایدولوژیلی اولاراق حرکتین ایچینی بوشالتماق و اونو داها راحت محو ائتمک اوچون گونئی آذربایجان میلّی تشکیلاتلاری و سیاسیلری آراسینا نیفاق سالماغاحتی اینسانلاری و تشکیلاتلاری موختلیف وعدلرله رئژیمه خیدمته جلب ائتمیه چالیشماقدادیر. عینی آنتی آذربایجان فعالیّتلری ایرانچی اپوزسیون طرفیندنده گؤروروک.آمّا بو قیام و سونراسیندا“ آذربایجان بیر،اولسون ایستمه ین کؤر اولسون” ، “ یا،آزادلیق یا اؤلوم” “ هارای هارای من”تورکم ،“ او تای بو تای بیر اولسون ایستمه ین کؤر اولسون ” شعارلارینی سسلندیره رک، مئیدانلارا یوروموش میللتیمیز اؤز میلّی شعارلاری ایله اونون یانلیز” آذربایجانین آزادلیق ” روحونا باغلی اولدوغونو گؤسته ریر .
میلّی حرکت, ایران ایشغال رئژیمینین گوجو قارشیسیندا دوراجاق بیر گوج،اولدوغونو اونلار شهید و یارالی وئرمکله، ۱خورداد میلّی قیامیندا بیر داها تصدیق ائتدی.
خرداد قیامی هم ده میللتیمیز اوچون آذربایجان تاریخینده یئنی ۲۸ مای جومهورییتچیلیک یولونداکی موباریزه نین گونئی آذربایجاندا پارلایاجاق ایلک باشلانغیجیدیر. بو مقصدله آ.ج.پ اولاراق بوتون میللتیمیزدن ایسته ییمیز، ایران ایشغال رئژیمینین فیتنه لَرینه و شیرین وعدلَرینه اویمادان جومهوریییتچیلیک یولوندا سون داملا قانینا قدر موجادیله ائتمسیدیر .
بو ساعاتدان سونرا، ایرانچی قوه لرینین و ائلجه دا تهرانلا و اونون بَسلَمَه’لری ایله بازارلیق، بیر باشا میللتیمیزه و میلّی حرکاتیمیزا تاریخی بیر خیانت ساییلمالیدیر .یوز ایله یاخیندیرکی، گونئی آذربایجاندا میللتیمیز اؤز آزادلیغی یولوندا دورمادان شهیدلر، ،محبوسلار وئرمکده دیر. بو یولدا تؤکولن قانلار اوچون داها مؤحکم داها عزملی داورانماق هر بیر آذربایجان سئوه رین ویجدان بورجودور .
بیز گونئی آذربایجان جومهورییت پارتیسی و بوتؤو آذربایجان سئودالیلاری اولاراق ۱۸ ایل اؤنجه میلّی حرکاتیمیزا آلتین حرفلرله یازیلمیش تاریخی کئچمیشه نظر،سالاراق اوتایلی-بو تایلی میلّی ایرادیه و دوشونجیه باغلی هر کسی میلّی حرکاتیمیز اطرافیندا میلّی بیرلیغه!سسله ییریک .
تانری میلّی قیامیمیزین و قوتسال آذربایجان داواسینین بوتون قهرمان شهیدلرینه رحمت ائله سین. یوللاری داواملی، روحلاری شاد اولسون .
حؤرمتله ،گونئی آذربایجان جومهوریییت پارتییاسی آ.ج.پ . تبریز شهری